Lac tỉnh pandiak thu di abih dalam taneh ia, nan ye piah patagok dom thun tapa, tỉnh Ninh Thuận hu pataom tame ngak dom công trình thủy lợi, tacei pato urang nông ilamu pala drak, raong glang saong brei mesraiy phun jien. Meng hu yau nan, tal urak ini urang nông dalam tỉnh, dalam nan hu bhap bini Chăm hu pala dom janih phun yau padai, nho, medar… saong raong  pabe, limo, pabo biak hu kein laba.

Meng phun jien mesraiy langayh bruk ngak, patagok palei ngak di gilang pariak sarak karja huyện Ninh Phước, cơ sở menyim khan bai di baoh sang amuk Thiên Thị Tào daok di palei Mỹ Nghiệp, ban sit Phước Dân, huyện Ninh Phước mesraiy hu 125 triệu đồng piah peih praong labik ngak. Hu phun jien, amuk Tào buh tame bruk salih barau mẫu mã saong peih praong darak pasar pablei salih. Amuk Tào, po labik ngak khan bai Mỹ Nghiệp brei thau: 

Sap Cham

Mai rivang labik ngak lan am Đàng Xem tuk ong barau nao jao hàng mai meng ban raya HCM. Bahrau salah bloh đơn hàng ini ong daok caga ka đơn đặt hàng karei. Saong ong kham merat ngak salah bloh biak avar piah duh ka tuai du lịch dalam tuk tỉnh Ninh Thuận daok caga dom bruk ngak salam uan 40 thun peih paha.

Sap Chăm

Langiu dom pandap lan am pandar dalam sang, baoh sang nghệ nhân Đàng Xem daok kuhria caga biak ralo lan am trang trí nan lac: phù điêu, rup patau lan am… Ngan saong  nghệ nhân Đàng Xem, meng tuk salih tapa lan am mỹ nghệ, kinh tế baoh sang tani tanat jang. Caong khin dalam dom harei padeih lễ, labik ngak lan am di drei pachreih hu ralo tuai damuai mai maong iek, blei pandar saong taduan hu ralo labik đặt hàng jang thun dahlau. Ong Đàng Chí Quyết – akaok mban khik iek khu phố 7, ban sit Phước Dân, huyện Ninh Phước, tỉnh Ninh Thuận brei thau:

Sap Chăm

Palei Chăm Tân Bổ di xã Phước Ninh, huyên Thuận Nam harei ini hu ralo salih barau. Mbaok meta palei pala hadah hadai, rai diuk di mikva Chăm jeng dak harei dak patagok. Hu yau nan meng hu karja buh jien padang ngak hệ thống thủy lợi Tân Giang saong Sông Biêu khik ginup ia pruh ka dua vụ.

Gru Hán Đô - akaok Hội đồng chức sắc Chăm Bàlamôn Ninh Thuận daok brei thau lac:

Sap Chăm

Hu yau nan, taphia bruk kham merat yam tagok di mikva, njauk ndom tal bruk sangka di karja palei dalam bruk peih ngak dom sarak bangsa di tỉnh. Bruk ini brei mboh dom sarak bangsa di karja peih ngak hu kein lagaih. Tapa nan, daong ka bhap bini bangsa takik tani tanat rai diuk./.