Anek saih di sang bac phổ thông trung học bangsa gam bac gam dok tỉnh Ninh Thuận rilo meng lac anek saih urang bangsa Chăm song Raglai. Ngan song dom anek saih bangsa Chăm bac di sang bac, langiu danak dak bac chính khóa dok hu bac akhar haroh Chăm yaok adit 2 tiết. Di Ninh Thuận akhar haroh Chăm tok hu bac di pakat 1 nan ye tagok pakat 3 hu bac veik akhar haroh Chăm, dom adei mboh biak takre. Langiu di bruk bac chữ cái, ghép vần, dom adei dok hu duah thau ka ilamu Chăm, ka adat cambat tanarakum di bangsa drei. Kiều Thị Phượng, anek saih tal bac 10A3, sang bac phổ thông trung học bangsa gam bac gam dok tỉnh Ninh Thuan brei thau  

Di pakat tiểu học khol adei bac sap Chăm song tagok pakat 3 khol adei hu bac veik sap CHăm. Kayua yau nan ye, khol adei biak bui sambai, di tal bac anai gru cei gru pato ka khol adei bac sap Chăm song kol adei daok jak ba gauk bac.

  Rilo anek saih oh lac bangsa Chăm min kayua takre akhar haroh Chăm nan ye tut angan tame bac. Sang bac mong iek bruk bac sap Chăm yau sa janih bac palih ruah eng di anek sai. Gru pato nan lac urang jarka Chăm dok ngak bruk di Sở pato megru, dom balik pato megru, mban bangsa. … Langiu tuk vak hu gru pato tacei, dom adei rilo meng bac eng akhar haroh Chăm di tuk beir harei. Adei Đạo Trương Thành Chiêm, anek saih sang bac  Trung học phổ thông bangsa gam bac gam dok  tỉnh Ninh Thuận lac:

Bac di labik ni, adei hu bac akhar haroh Chăm, bac sap bangsa ilamu Chăm piah thau hu rilo jang ka ilamu song piah khik ramik  ilamu bangsa di khol adei.

Lac sang bac duy nhất di tỉnh Ninh Thuận pato akhar haroh Chăm ka anek saih tal bac 10 song 11, kan kandah urak ni di sang bac trung học phổ thông bangsa gam bac gam dok tỉnh NT lac oh ka hu gru chuyên trách pato akhar haroh Chăm, tapuk giáo khoa song taupk đọc thêm kayua gru pato eng drei ngak tabiak. Meng bruk kham merat di gru pato song anek saih nan ye bruk pato sap Chăm dak harei dak tani tanat. Tapa 2 thun bac, dom adei jeng thau bac, thau vak akhar haroh Chăm. Meng nan, khik ramik siam ilamu Chăm dalam sang bac./.