Sa-ai Nguyễn Đức Hải daok di palei Mỹ Tân 1, xã Thanh Hải, huyện Ninh Hải nan lac sa dalam dom urang nao tathik camereip di tỉnh Ninh Thuận hu ngak gilai praong kayua gah Viện roh duah, ngak gilai Nha Trang ngak tabiak. Sa-ai khang hatai mesre phun jien meng gilang pariak piah ngak gilai meng composit prein khang 500 mã lực, tui yaom jien 7 tỷ đồng. Tui kuhria, tal bilan 11 anak tal gilai ngak salah blaoh  saong lac gilai camereip di tỉnh Ninh Thuận ba trun ia tui Sarak 67 di Rajaei. Sa-ai Nguyễn Đức Hải lac:

“Gilai ini ba bruk ngak ka 10 urang nao tathik saong daong ka mikva nao ngak mbang taong ikan labik tathik atah hu suai lavik jang kayua gilai ini pajeng hu menyek saong ia khan ia patau, pandap panda mbang huak hu rilo jang saong jien mek  tame di khol dahlak hu rilo jang gilai sit.”

Jeng meng phun jien mesre laba lap tui Sarak 67, gilai taong ikan prein khang 800 mã lực, tui yaom jien 12 tỷ đồng di sa-ai Lê Minh Trí di palei Mỹ Tân, xã Thanh Hải, huyện Ninh Hải daok ngak jaik blaoh. Sa-ai Trí brei thau:

Băng: “ Hu gilai praong ngak hu rilo bruk daong ka rilo baoh sang jeng yau sang dahlak, meng nan sang dahlak hu 2,3 sruh gilai sit, taong ikan di tathik jaik oh hu hadom, urak ini hu Rajaei sangka, gilang pariak sangka brei mesre phun jien nao taong chap ikan labik tathik atah, hu gilai mbiah tal ini jaik blaoh dahlak mboh uan tabuan.”

Hiện nay, Ủy ban nhân dân tỉnh Ninh Thuận đã phê duyệt danh sách ngư dân đủ điều kiện vay vốn hỗ trợ đóng mới, nâng cấp, cải hoán tàu cá và tàu dịch vụ hậu cần nghề cá đợt I-năm 2015 theo Nghị định 67 của Chính phủ, gồm 13 dự án được duyệt với số tiền gần 79 tỷ đồng. Ông Đặng Ngọc Ba- Giám đốc Chi nhánh Ngân hàng Nông nghiệp và phát triển Nông thôn Ninh Thuận cho biết:

Urak ini, Ủy ban bhap bini tỉnh Ninh Thuận hu mbaoh tangin tame harak angan dom urang nao tathik hu brei mesre ngak gilai birau, pasiam veik gilai ikan saong gilai dịch vụ daong bruk taong ikan mbang 1 thun 2015 tui Sarak 67 di Rajaei, hu 13 urang hu brei mesraiy abih tih jaik 79 tỷ đồng. Ong Đặng Ngọc Ba, Akok Dhar gilang pariak ngak nong saong patagok palei pala Ninh Thuận brei thau:

Băng: “ Tapa pasang iek, khol dahlak brei mesre dahlau 15% abih tih phun jien ngak 3 sruh gilai nan, dalam nan hu 2 sruh  gilai taong chap ikan saong sa sruh piah pajeng ikan, pandap pandar. Dalam thun 2015, meda ba trun ia 3 sruh gilai saong brei jien mesre ginup jien piah ngak salah 3 sruh gilai ini.

Bruk mesraiy hu phun jien yaom laba lap tui Sarak 67 di Rajaei hu daong ka urang nao tathik ngak ikan dalam tỉnh ngak hu gilai praong, prein khang, nao ngak mbang di tathik atah, ba mai rilo ikan  hadang jeng yau rik daong khik kajap bhum tathik ginreih di palei negar drei./.