Doanh nghiệp song urang ngak taduan hu sarak dong di rajaei anak jit Covid19

Tui dom urang ilamu, gam song bruk peih ngak chip dom tacei pato di rajaei song mban tacei jalan pacang caga jit ruak pakat negar ka “ Padang jalan diukrai siam mekre song Covid-19” di dom sang mac, labik ngak pandap dalam palei, jang yau patabiak “Tacei pato pacang caga, tong yaom bruk mbuan si njom mbak jit Covid-19 di pasak pablei salih, siêu thị, darak pasa, nhà hàng”… , njauk roh duah piah hu dom sarak dong ka dom gah, dom urang gaok kan kandah tapak meng jit ruak.

Bahrau ni, Mintri Công Thương hu panuac ieu Cục Điều tiết điện lực pasang iek pathau khan Thủ tướng rajaei bruk dong trun yaom điện ka dom labik brei ka tuai du lich pah ndih, daok; trun jien điện ka dom labik pandar  piah brei dok karei, iek ruak ka urang mboh yau njom atau njom blaoh Covid-19 tui harak angan hu jabat karja hu thẩm quyền ba tabiak. Tui ong Trần Thanh Hải – Phaok akaok Cục Xuất nhập khẩu, Mintri Công Thương, njauk kuhria tal bruk dong ka dom doanh nghiệp, labik sản xuất pandar điện song dom harak gar mbuan lagaih:

"Urak ni rilo doanh nghiệp, abih du nyu lac  doanh nghiệp sản xuất jeng hu pandar điện. Yau nan karja meda pasang iek dong brei tapa bruk pandar điện, hu halei oh  ? Pagap yau dom hóa đơn pandar  điện di  DN ye karja meda dong di tanut bayar lac hadom phần trăm, yau nan dom  DN brei hu dom harak gar halei brei thau ka bruk khat lahik atau kan kandah di jit ruak bo dok hu mbang tui kein laba meng sarak dong di karja biak siam"

Tong yaom glong dom sarak di rajaei dalam bruk dong ka  doanh nghiệp, ka urang ngak song rahra anak  kan kandah di jit  Covid-19, meng dom pok sarak dong gah jien padai brei mesraiy, jien je tal daong brei mesraiy ka urang ngak … min dom urang ilamu jeng mboh lac hu biak rilo harak gar sraukadau ngak brei rilo sarak ka oh tal hu doanh nghiệp song bhap bini. Urang ilamu gah kinh tế Cấn Văn Lực ndom lac sarak brei hu dom mintri, dom gah, dom tỉnh, ban  pambuak bruk samu gauk piah ka doanh nghiệp hu mbang tui samar di abih:

  "Meyah caik hatai hasit, khol drei mboh sarak 52 di rajaei  bahrau tabiak hu peih prong ka dom gah, min tukvak jeng daok lac dui atah meng  3 tal  6 bilan. Min, hulin hu panuac caong lac njauk  pambuan palagaih bruk ngak harak gar. Bruk pathau khan brei tantu cambaih laih jang,  abih di nyu nan lac, bruk tacei ba ka doanh nghiệp brei jiak jang song samar jang".

Jeng sahneng mboh yau nan, urang ilamu gah kinh tế, TS Vũ Đình Ánh ndom lac, njauk pambuan aplagaih dom harak gar piah ba dom sarak dong di karja hu peih ngak chip, kayua doanh nghiệp song bhap bini oh meda cang hu anak bruk rah tabiak kan si thau di jit ruak piah diuk hu, abih di nyu nan lac tuk dom jalan dong hu peih ngak dalam sa tukvak katut panak, samar drah, njauk tukvak lac bruk biak prong:       

"Pagap yau, dalam sarak 52 hu tacei lac dom DN, kapul nyaom, boh sang song menuac urang oh hu dui atah jien je  thun 2021 tui sarak  52 di rajaei meyah oh bayar  ginup dom pok  jien je  hu dui atah di thun 2020 dahlau di harei  31/7. Dom quy định yau nan nyu lagaih  halei oh, song njauk haong bruk di anak meta halei oh? Hulin mboh lac brei hu bruk tong yaom meng gah jabat khik ramik karja, meng gah xã hội song abih di nyu nan lac meng dom menuac taduan hu bruk daong"

Anak bruk rah tabiak srau kadau song kan si thau dahlau di jit ruak, abih di nyu nan lac tuk hu rilo urang njom Covid-19 lac urang ngak dalam dom doanh nghiệp, khu công nghiệp – mbuan si ba tal padeih bruk, ngak ka DN, urang ngak dak kan kandah jang. Kayua yau nan ye, brei samar hu dom roh duah, yaok pataom ka bruk anak meta piah ba tabiak dom jalan ngak njauk tuk vak, gam song nan, lac brei pambuan palagaih bruk ngak harak gar, piah dong ka  doanh nghiệp song bhap bini njauk kan kandah kayua jit  Covid-19./.

Urang lang: Hanipha- 21/5