Gilang pariak karja hu tabiak Thông tư 01 ka bruk ramik veik tukvak bayar sraiy di urang mesraiy njauk kan kandah meng jit COVID-19

Amuk Ngô Thị Lương, Tong Yam ndok Cty cổ phần VNS khan lac, gilac veik ngak bruk hadei di labaih 3 bilan kareik pabah mbang, doanh nghiệp jeng daok duah jalan yam tapa rilo kan kandah. Ngak gah jhik pet, bruk duh hatai gam gam lac bruk kurang urang ngak. Langiu di nan, jien buh tame ngak tagok glaong kayua test ka urang ngak yaok adit sa mbang, jien pajeng ba jeng tagok jaik dua mbang, labik pabak pandap jeng klaoh jaoh… ngak ka doanh nghiệp gaok biak rilo kan kandah ka jien padai: “Khan ao bhian mbang tui mùa vụ, urang blei pandar oh daok cang hu. Kayua yau nan ye bruk njauk panduan salih pandap lac hu biak. Bruk bo doanh nghiệp gaok nan lac kurang phun jien, bruk mesraiy phun jien urak ini lac kan.”

Dreih yau nan, doanh nghiệp di amuk Nguyễn Thị Thanh Trà, Phaok Tong Yam ndok Cty TNHH MasterBatch Việt Nam brei thau: bruk ngak 3 di labik ngak ka jien buh tame ngak rilo jang 30%, kan kandah praong abih di urak ini lac jien piah khik bruk ngak: “Dom gilang pariak njauk patagok pok jien khik caga jien sre kan ndok hu, gam haong nan trun jien jhung, nan lac jalan ngak lagaih di abih dalam tukvak urak ini. Taphia di nan, njauk hu jalan ngak lagaih jang, pagap yau brei mesre padang meng harak pambuak bruk, padang meng pandap ngak tabiak piah ka doanh nghiệp hu phun jien peih ngak gilac”.

Tui ong Nguyễn Quốc Hùng, Tổng thư ký Hiệp hội Gilang pariak, meng di tuk jit tamuh khang, Gilang pariak karja hu tabiak Thông tư 01 ka bruk ramik veik tukvak bayar sraiy, oh mek atau trun meneng jien phí, khik tamo njaom sraiy di urang mesraiy njauk kan kandah meng jit COVID-19. Saong tal harei ini Sarak hu salih tal mbang ka 3 piah patui jalan lang talaih kan kandah ka doanh nghiệp, ka dom gilang pariak. Yau nan min, dư địa di dom kapul nyaom mesraiy abih atau daok biak takik, kayua phun jien payua tame gilang pariak trun daok takik. Nan ye, Raja-ei njauk patagok mesre jien meng gilang pariak Trung ương, patabiak trái phiếu, patagok pren khang piah daong ka doanh nghiệp yam tapa kan kandah. Ong Nguyễn Quốc Hùng caong lac: “Quốc hội, Đảng, Raja-ei hu biak rilo sarak piah daong ka doanh nghiệp, min caong khin hu sa sarak thun jien bilan meng jien biak. Dalam tukvak ini, piah raong labik ba jien tame, njauk ngak tabiak labik ba jien tame ka doanh nghiệp. Dom mentri, dom gah, dom kapul nyaom brei mesraiy njauk ba gauk tame bruk saong brei hu jalan ngak lagaih.”

  Chuyên gia kinh tế Cấn Văn Lực, urang dalam Hội đồng tư vấn sarak jien padai negar brei thau, dom doanh nghiệp daok caong khin hu dom pok daong prong jang ka jien padai… Kayua yau nan ye, dom sarak daong hu patabiak blaoh brei hu peih ngak ka nyu samar drah, ngak ka nyu khang jang. Ong Cấn Văn Lực hu panuac lac, urak ini jeng daok dư địa ngan haong sarak thun jien padai, meda caong khin hu 80.000 - 160.000 tỷ đồng, samu jaik 1-2% GDP piah daong ka kinh tế: “Jalan saneng di khaol dahlak lac tukvak ini khaol drei njauk taduan bruk dư nợ công, thâm hụt kadung jien karja meda tagok, piah daong ka doanh nghiệp saong bhap bani. Tapa nan daong pasiam veik bruk ngak mbang kinh tế samar drah jang, siam jang, nan lac raong ba labik ba jien tame suai lavik. Pok jien daong njauk peih ngak meng 1 tal 2 thun.”

Dom doanh nghiệp daok cong mong tame rilo sarak, yau hu cakak trun jien je, jien phí, saong hu “pabak phun jien” piah pasiam veik. Min doanh nghiệp jeng brei salih bahrau, pasiam veik jalan ngak dalam khik ramik bruk ngak, patrun jien buh tame ngak, duah jalan khik takai urang ngak saong buh jien tame ngak brei patagok năng suất, chất lượng… piah hu daok veik dalam tukvak daok rilo kadha oh siam meng jit COVID-19./.

Urang lang: Jasi – 08/11