Ban Thủ Đức tok daok hu labaih 3 ribau ha taneh pala drak ngan haong labaih 4 ribau urang ngak nong

Thủ Đức praong abih tih labaih 21.000 ha, hu 1 triệu 170 rabau menuac, lac sa đô thị hu bruk ngak tui công nghệ glaong di abih dalam negar, hu bruk pato pakai saong roh duah ilamo glaong. Ban Thủ Đức hu caong lac meda rik tame labaih 30% GRDP di ban raya HCM saong meblah labaih 7% GDP dalam negar. Anak bruk cak rok patagok samar drah di pak ni, taneh ngak nong dak harei dak takik. Tui nan, dalam bruk ngak kinh tế patagok ban Thủ Đức ngan haong gah ngak nong meng kan oh hu sangka brei ngak dahlau.

Ban Thủ Đức tok daok hu labaih 3 ribau ha taneh pala drak ngan haong labaih 4 ribau urang ngak nong saong tui kuhria dalam 3 thun anak tal, taneh pala drak meda daok takik veik, tok daok jaik meteh.             

Taneh pala drak dak harei dak trun khang kayua cak rok patagok đô thị lac bruk oh salih karei hu. Rilo panuac ndom lac, mayah ban Thủ Đức jeng pasak di công nghệ sáng tạo ye gah ngak nong njauk daok hu mbaok halei oh? Min jeng daok dom urang nong diuk meng bruk pala njam dalam ia, bingu lan, mai saong ikan cảnh… Ngak habar piah ka dom urang nong nan haong mblang taneh oh praong salih tapa ngak nong đô thị lac bruk daok hu kuhria tal.

Tui Tiến sỹ ngak nong Phan Hữu Hiền, yaom taneh ngak nong di ban Thủ Đức tukvak jaik di ni gam gam tagok yaom tal having akaok, di rilo labik tagok tal 100- 200 triệu đồng/m2. Bruk khik ramik pala drak abih rilo taneh lac oh daok lagaih, njauk samar hu jalan ngak nong công nghệ glaong, pambuak haong pandar jamriak tự động. Gam haong nan, njauk pambuak bruk ngak nong di labik ni haong cak rok patagok ngak nong bhum kinh tế praong gah meraong meng bruk ngak đầu mối pabak dom dịch vụ daong ngak nong salih ka pala drak sit sot yau dahlau dieh: “Ban Thủ Đức saong ban raya HCM tok pataom tame cak rok patagok ka gah ngak kong piah daong ka bruk ngak nong pak ni saong di miền Đông haong miền Tây Nam bộ  meng njauk haong angan di drei. Kayua negar daok caong tame ban Thủ Đức cak rok patagok daong gah ngak nong dom bruk gah công nghệ glaong, yau ye pandar jamriak saong tự động hoá.” 

Bruk padang ban Thủ Đức jeng đô thị sáng tạo tương tác glaong, ban kinh tế hu ilamo, hạt nhân cak rok patagok bhum kinh tế 4.0 gah maraong, meda daong ka labik ini pataom hu biak rilo kỹ sư, urang ngak bruk hu ilamo glaong.… Kayua yau nan ye, gah ngak nong di pak ni brei bruk hu salih jalan pala drak, buh jien tame njauk bruk, pamaong tame bruk ngak nong pambuak haong menuac ngak hu ilamu galong. Rilo urang ilamu ndom lac, di Thủ Đức tok ngak nong tui jalan pabam pajaih ba nao pala di bhum Tây Nguyên, Tây Nam bộ saong Đông Nam bộ. Kỹ sư Nguyễn Thể Hà, akaok Viện Công nghệ Bùi Văn Ngọ, ndom lac: Ngak nong Thủ Đức urak ini oh daok lac padang bruk pala, ngak bo njauk padang bruk pablei salih meng ilamu công nghệ bahrau, meng pablei salih kaya nong hacih saong pablei salih điện tử: “Di TPHCM khol drei hu darak pasa praong blei kaya nong, tok pandar taneh di bhum taneran kraong Cửu Long, Tây Nguyên blaoh ba ilamo công nghệ kỹ thuật, phun pajaih tame, blaoh ba công nghiệp chế biến, jamriak tame, piah paglaong prein ngak bruk, khol drei njauk pataom tame pandar kaya nong piah ba chất lượng tagok. Saong mek darak pasa kaya nong hu chất lượng glaong di ban raya HCM piah raong dom bhum ngak nong nan piah ba kein laba tagok jang.”

Daok tui tiến sỹ Võ Thái Dân, akaok Khoa pato pakai, sang bac Đại học Nông Lâm TPHCM, bruk khik ramik bruk ngak nong đô thị di ban Thủ Đức pambuak haong công nghệ glaong, trí tuệ nhân tạo jeng daok lagaih saong tuk halei jeng ngak hu. Min, njauk pandar abih dom jalan ngak piah pasiam dom bruk oh ka lagaih gah langik tasik saong pandar abih mblang taneh pala drak. Langiu di bruk pabak kaya pandap ka bhap bini dalam ban, patagok ngak nong công nghệ glaong, daok hu rilo bruk ngak lagaih haong Thủ Đức piah langyah bruk pambuak tal alam môi trường, main sambai… Mayah pataom tame cak rok patagok gah ngak nong di ban Thủ Đức, tuk quy hoạch njauk ngak cambaih laih jalan ngak, bruk daok pamaong ngak, pala phun hagait, gah buh jien tame ngak, gah blei veik kaya pandap… Gam haong nan, njauk pandar siam abih manuac ngak bruk hu ilamo glaong. Di pak ni, gah ngak nong công nghệ glaong mayah daok hu pataom tame cak rok patagok jeng meda lac jalan quy hoạch khang kajap ka ban Thủ Đức di anak tal: “Pasiam dom bruk oh lagaih ka mblang taneh, tài nguyên hu takik, taneh riya biak chit min pabak veik manuac ngak bruk, cơ sở hạ tầng biak siam piah patagok công nghệ glaong, tự động hoá saong trí tuệ nhân tạo… hu rilo bruk pala phun hu pala di mangaok tabung sang, pala angaok paga daning sang atau padang ngak sa baoh sang rilo tal piah pala phun dalam nan, mek hu sản lượng jeng biak glaong. Bruk njauk ndom tal nan lac karja saong bhap bini di Thủ Đức hu jalan maong saong jalan ngak ngak dom bruk ni yau habar min.”

Ngak nong đô thị urak ni lac bruk biak caong hu tuk taneh ngak nong trun biak samar dalam tuk CNH saong đô thị hóa. Piah ka gah ngak nong Thủ Đức cak rok patagok ba mai kein laba kinh tế ye meng di tuk quy hoạch, njauk thau cambaih bruk klaak atau khik ngak nong. Mayah khik ye gah kinh tế ngak nong di đô thị ni oh daok lac bruk ngak me-in, ngak sit sot bo jeng sa  gah kinh tế rik daong biak rilo tame gah kinh tế đô thị./.

Urang lang: Thu Thảo – 12/04