NYAM Hlang RILO JANG NGAK KAN KANDAH KA JALAN NAO MAI DI IA PAK LONG AN

Pathau mikva saong grauk yut !Tukvak jaik di ini, nyam hlang, (daok ieu lac njam baok) tamuh bak ngak kan kandah ka bruk nao mai angaok kraong ribaong, abih di nyu nan lac di dom huyen dalam bhum Đồng Tháp Mười , tỉnh Long An ngak kan kandah biak rilo ka bhapbini labik ini. Anak bruk yau nan, dom gah chuc nang Long An daok ba tabiak rilo jalan ngak piah xu ly nyam hlang, piah peih jalan nao mai angaok kraong ribaong. Min, suai lavik jeng oh ka hu jalan langyah tal gha. Kadha vak di Thanh Thuy saong Minh Hong – urang pambuak bruk di Long An brei thau :

 Nyam hlang tamuh bak ngak kan kandah tal bruk nao mai daok lac bruk di dom baoh ribaong di kraong Vàm Cỏ Tây labik nao tapa dom huyen bhum Đồng Tháp Mười saong kraong Vàm Cỏ Đông labik nao tapa huyen Đức Huệ, tỉnh Long An. Oh lac cakak jalan ia nduac, ngak kan kandah ka bruk nao mai angaok kraong ribaong, dom phun nyam hlang tuk bruk daok ngak nerak, ngak jhak tal halau ia pruh ka mblang hamu jeng ye raong kaya ikan dalam ia. Lingiu di nan, bruk bhapbini cặm chà, padang gai ala kraong, raong palao nyam hlang piah mek ngak pandap ngak thu cong my nghe, daok ngak ka nyam hlang meblah mek kraong rilo jang. Ông Nguyễn Quốc Liêm, daok di ấp Bình Tây 2, xã Bình Hòa Tây, huyện Mộc Hóa, tỉnh Long An brei thau “Meng 3 – 4 thun ini, phun nyam hlang ngak brei rilo kan kandah. Ka sa nan lac ngak pacang jalan nao mai; ka dua lac ngak nerak; ka klau lac raong glang oh hu. Kayua nerak ia ye ikan raong oh hu, ada metai rilo, mbom ia oh hu, kayua oh hu ia nduac. 

Ông Hạ Văn Nhân daok di Hồng Ngự, Đồng Tháp, bhian nao mai labik kraong Vàm Cỏ Đông  saong Vàm Cỏ Tây ndom lac “ Abih menyek rilo, nao mai biak kan kandah. Dahlau deih abih 1 tuk ye urak ini abih tal 4 tuk, kayua tavak nyam hlang nao mai kan kandah lô. Jeng caong khin dom pakat karja ngak habal piah trun takik nyam hlang veik.

Dalam tuk daok cang So alamu cong nghe pambuak bruk saong dom labik pambuak tal peih ngak danak dak “ patrun patakik phun nyam hlang angaok kraong ribong”, anak meta piah langyah bruk nan, ong Lê Minh Đức – akaok Sở ngak nong saong patagok palei pala tinh Long An brei thau “ Meng harei 15/4 tal 30/4, dom huyen bhum Đồng Tháp Mười tabiak bruk brei menuac nao xu ly nyam hlang di dom baok kraong, ribong sit. Patui di nan, meng harei 30/4 tal harei15/5 pataom tame xu ly nyam hlang di dom baok kraong ribaong praong, nan lac kraong Vàm Cỏ Đông saong Vàm Cỏ Tây”

Bruk nyam hlang tamuh bak ngak kan kandah jalan mbak nao mai, ngak jhak halau ia pruh saong nerak moi truong…daok lac bruk duh hatai di bhapbini dom puk palei  dalam tinh Long An. Anak tal, piah peih jalan ka ia nduac, langyah siam bruk nyam hlang tamuh bak, ye taphia bruk njauk ngak chip nan lac ba menuac sarong mek klak, tinh Long An njauk hu dom jlan ngak suai lavik, gam gam jang./.  

Thúy Linh