Bruk Trung Quốc ba giàn khoan tame bhum tasik di Việt Nam saong ngak khiêu khích, tấn công dom lực lượng di Việt Nam dalam dom  harei tapa ngak ka menuac sia dalam taneh aia saong dunya pandik hatai. Kayua yau nan ye, Biển Đông nan lac kadha hu dom urang pal kaok biak sangka saong caik ralo tukvak piah ndom biai tuk tamat Nyaom biai Pakat glaong ASEAN mbang ka 24 saong dom Nyaom biai pambuak pagam tal bahrau rah tabiak di ban ine Nay-pi-to, Mi-an-ma. Urang vak di rayo sap ndom Việt Nam brei thau:

Ndom biai ka dom kadha di dunya saong khu vực, dom urang pal akaok dom negar ASEAN ndom lac dalam tuk bruk dunya saong khu vực daok rah tabiak rilo kan kandah, ASEAN njauk pakhang patagok bruk gul pataom, abih di nyu nan lac patagok labik dang praong dalam talei pambuak bruk khik ramik hoà bình saong an ninh di khu vực, langyah siam dom cuang kandah ba tabiak, dak padang saong pan njauk tui dom nguyên tắc saong chuẩn mực ứng xử haong gauk dalam talei rohim di dom negar ASEAN saong di ASEAN haong gah langiu; patagok kein laba dom kadha pambuak bruk chính trị-an ninh yau Hiệp ước thân thiện saong pambuak bruk ASEAN (vak katut lac TAC), Tuyên bố Bali ka dom  nguyên tắc pambuak bruk hu kein laba, Tuyên bố ka ứng xử di dom gah di Biển Đông…,  patagok ginum biai saong pambuak bruk dak padang hatai jia di khu vực yau Nyaom biai akaok mentri Quốc phòng ASEAN peih prong, Diễn đàn bhum ASEAN …

Biển Đông nan lac kadha hu dom urang dang akaok biak sangka saong caik ralo tukvak piah ndom biai pak Nyom biai. Anak bruk khang yau urak ini pak Biển Đông kayua Trung Quốc ba caik giàn khoan HD 981 saong bruk ralo kapal hộ tống nao tame dalam bhum  tasik di Việt Nam, dom urang dang akaok  ASEAN khang panuac lac ASEAN njauk hu sap ndom haong gauk brei mboh bruk suh sah saong ndom lac njauk ngak tui hukum dunya, Công ước Hukum tasik thun 1982 saong Tuyên bố DOC; langyah dom bruk daok meriak gauk tui jalan sron mbon, njauk kiềm chế, oh ngak ka bruk nyu catang jang, brei mboh bruk samar ngak hu  Bộ quy tắc ứng xử di Biển Đông (COC).

Thủ tướng Nguyễn Tấn Dũng hu kadha ndom puac pak Nyaom biai pakat glaong ASEAN mbang ka 24, brei mboh thiện chí hòa bình di Việt Nam saong hatai kham merat khik caga chủ quyền taong abih taneh aia di Việt Nam tui njauk Hukum Dunya:

“Việt Nam biak kiềm chế, abih hatai brei mboh thiện chí, tui dom jalan ginum biaii haong dom pakat karei gauk di Trung Quốc piah phản đối saong pandar Trung Quốc ba giàn khoan saong dom sruh kapal gilai hu phao ndao, gilai quân sự tabiak truh bhum tasik di Việt Nam. Yau nan min, tal urak ini Trung Quốc oh pabak hatai caong khin chính đáng di Việt Nam bo daok ndom thaot, tuh abih bruk ngak suan ka Việt Nam saong daok pagam pambak tame pren khang, patagok dom bruk uy hiếp, xâm phạm dak harei dak nguy hiểm saong nghiêm trọng jang.

Việt Nam biak iek prong saong tuk halei jeng ngak abih drei piah khik ramik saong patagok talei pambuak bruk siam mekre haong Trung Quốc. Việt Nam tuk halei jeng abih hatai caong khin gam haong Trung Quốc langyah dombruk  meriak gauk meng jalan sron mbon angaok tui njauk hukum dunya, samu gauk  saong iek praong gauk piah ba mai kein laba ka bhap bani di dua negar, ba sron mbon, grap tanat di Khu vực saong dunya. Min, taneh ia nan lac ginreih, Việt Nam khang panuac phản đối dom bruk xâm phạm saong khang hatai khik caga chủ quyền palei negar saong kein laba chính đáng di drei njauk tui Hukum dunya”./.