Hu padang tagok meng puac thun 2012, Nyaom daoh takơ Nhịp sống di Kalup kapul urang jaoh jo Hi Vọng, tỉnh Đak Lak tuk camereip hu jiak 20 urang. Dom urang dalam nyaom jeng lac dom urang takre daoh takơ song hu thau ka alat ragam, hu palih ruah meng dom kalup kapul urang jaoh jo dalam tỉnh, oh kuhria umo thun, hu adei bahrau 11- 12 thun, hu urang umo jiak 60 thun. Tong abih dom urang ni biak takre daoh takơ song cong khin hu sa labik piah taom gaok, ndom nyai nao mai song ba sap doh di drei pambuak pagam dom kalup kapul, pachreih ba gauk yam tagok. 

Hadei di tuk padang tagok, dom urang dalam nyaom hu caik rilo tuk vak piah pasram megru rilo kadha yau daoh sa drei, daoh kapul nyaom, taih me-in alat ragam. Rilo kadha hu dom urang dalam nyaom padang ngak biak gheih, ndung bak lagam lagu Tây Nguyên yau:  daoh dua urang Hơ Zen tagok puh, doh song taih me-in alat ragam kadha daoh Ru adei… tuk parang me-in hu rilo urang takre song pok meyaom. Ong Nguyễn Bá Lênh, urang dalam kalup kapul urang jaoh jo huyện Cư Mgar, tỉnh Đắc Lắc  hu mbaok dalam nyaom daoh takơ Nhịp sống meng tuk bahrau padang, lac:

Kein lagaih camereip nan lac drei hu nao doh, hu taom gaok ndom nyai nao mai, hu sa janih bo tuk  mai sang drei mboh bui sambai lac drei ngak hu sa bruk hagait ka urang, drei mboh biak haniem phol. Pachreih nyaom daoh takơ nan hu daok miat, hadei rai di drei ye hu urang patui ngak ye biak siam, dom anek saih meda patui jalan, ye drei umo prong ye, sa tuk vak tra jeng luai padeih.

Dreih yau ong Lênh, rilo urang karei dalam nyaom, jeng biak bui sambai chreih chrai pataom mbaok tame, tuk hu parang main, yaom lac yaok urang di dom huyện karei di gauk, nao mai kan kandah. Ong Nguyễn Thái Dương gru pato âm nhạc di pasak dong pataogk pato pakai uranaih jaoh jo tỉnh Đak Lak lac akaok nyaom daoh tako Nhịp sống khan lac

Urang lac biak chreih chrai tuk hu mbaok tame dom danak dak yau nan, tuk  nao parang mani di dom xã atah ye urang jaoh jo peih radeih mac piah pajeng gauk, urang nao radeih buýt tagok piah hu mbaok. Nyaom nhạc di drei nao parang me-in oh lac piah padang kadung jien ka sa kapul halei bo jalan ngak prong di abih nan lac khin ba bui sambai ka dom urang jaoh jo karei. Dalam nan hu dom urang oh ka yam tabiak truh palei kayua urang mặc cảm. Tapa nan, Nyaom nhạc khin ndom haong dom urang nan lac, njauk klak abih dom mặc cảm piah yam tagok dalam rai duik, hasit nan bo meda pachreih hu urang jaoh jo halei nan yam tagok dalam rai duik, yam tapa mặc cảm nan lac hu jak jeng ye.

Bruk abih hatai, kham merat di yaok urang dalam nyaom hu ba mai dom jak jeng njauk pok meyaom ka nyaom daoh tako. Meng di tuk padang tagok mbiah tal urak ni, Nyaom hu 7 mbang nao parang me-in di dom xã bhum atah bayah dalam tỉnh. Yaom jien dong meyah hu, Nyaom alin abih ka dom Kalup Kapul piah padang kadung jien ka urang jaoh jo dalam palei. Thun bloh, Nyaom daoh tako Nhip sống hu mbaok tame “Harei pataom pakacah sap doh urang jaoh jo pakat negar” mbang ka sa - bhum kreih negar saong Tây Nguyên peih tabiak di tỉnh Nghệ An. Dalam 5 kadha tame pakacah, hu 2 kadha xuất sắc mek hu 1 huy chương meh song sa huy chương pariak. Ni lac dom bruk pachreih ba hu yaom glaong brei ka nyaom.

Amuk Nguyễn Thị Vân, Akaok kapul dong urang jaoh jo song uranaih metui medar, jaoh jo tỉnh D9ak Lak brei thau, meng tuk padang tagok mbiah tal ni, jien piah ngak bruk di nyaom kayua Kapul Y tế Hà Lan ( dok ieu lac MCNV)  dong brei. Kapul ni jeng hu dong brei nyaom nhạc sa  dàn âm thanh - ánh sáng pabak ka bruk pasram megru song parang main. Yaok mbang nao parang me-in, Kapul ni jeng hu dong jien nao mai, mbang menyum song thiết bị sâu khấu. Min tuk vak peih ngak danak dak ni jiak abih, dom bruk ngak di nyaom dok dang anak dom kan kandah. Kapul biak cong taduan hu bruk dong pren di dom urang ngak pahla piah nyaom nhạc hu khik ramik saong patagok, ba mai bui sambai chreih chrai, daong pren yam tagok ka urang jaoh jo./.