Urang ilamu gah kinh tế - Tiến sĩ Trần Du Lịch

Urang ilamu gah kinh tế - Tiến sĩ Trần Du Lịch ndom lac: bruk ngak brei salih bahrau kinh tế tapa bruk patagok tui jalan pandar siam lagaih dom prein khang, dom ilamo công nghệ bahrau hu nyaom roya Đảng mbang ka XI ba tabiak dalam jalan ngak cak rok patagok kinh tế tukvak 2011-2020. Di nyaom roya Đảng mbang ka XIII, jalan ngak ni hu brei mboh cambaih tui jalan cak rok patagok di jaman bahrau; ngak brei cambaih labik dang di khoa học công nghệ dalam bruk cak rok patagok kinh tế, bo dalam nan công nghệ số lac praong di abih piah ba mai sa bruk yam tagok samar drak ka năng suất di gah kinh tế. Tui Tiến sĩ Trần Du Lịch, meng bilan 6/2020, rajaei hu danak dak số hóa abih gah kinh tế dalam tukvak meng thun 2020-2030. Dalam nan, jalan ngak tal thun 2025, bruk kinh tế di taneh ia drei meda ngak tui nền tảng số, saong ni lac sa gheng praong di bruk cách mạng công nghiệp 4.0. Piah ngak hu bruk ni, khol drei njauk jalan salih saneng cak rok patagok: “ dahlak pagap yau saneng ka bruk khik ramik, ngak habar piah sahneng duah rilo jang. Bruk khik ramik di kanja lac daong sahneng duah tagok, oh njauk lac pacang nyu veik. Atau lac daong ka doanh nghiệp panbuak salih bahrau công nghệ saong chuyển đổi số, palagaih piah pambak tame dom harak pambuak bruk pablei salih tự do rai bahrau tapa dom sarak daong”.

Piah salih bahrau, paglaong bruk sahneng duah, urang ilamu gah jien padai Nguyễn Xuân Biểu ndem lac, meng jalan ngak di Đảng, rajaei njauk ngak habar piah padang hu hệ sinh thái piah jak ba dom jien padai di bhap bini, doanh nghiệp. Hệ sinh thái ba mai kein laba piah brei mboh, bruk bac taa saong bruk samu gauk di sarak, pambuak haong nguồn. Bruk pandar nan hu pamaong tame prein ngak bruk di yaok doanh nghiệp, oh hu bruk urang ini hu iek yau urang daih: “Đảng par akaok, pataom hu ilamo dunya tame. Rajaei  njauk ba mai dom hệ sinh thái bo yaok gah kinh tế, yaok bhap bini hu jalan brei mboh prein drei, piah sahneng duah. Tuk padang hu labik ngak bruk, meng doanh nghiệp kanja tal urang ngak bruk brei mboh akaok sanneg, bo mboh salamat ka gah hukum ye taneh ia meda cak rok patagok.”

Tui ong Huỳnh Văn Minh – dahlau daih pan akaok Hiệp hội doanh nghiệp TPHCM, dua gah  praong di kinh tế lac doanh nghiệp dalam taneh ia saong doanh nghiệp FDI, dalam nan doanh nghiệp dalam taneh ia rilo meng lac gah tư nhân, kayua yau nan ye piah jhul samar dom janih kinh tế ni ye biak njauk hu salih ka gah jalan ngak: “Dahlak saneng lac njauk salih bahrau, brei lagaih, ba mai kein laba ka dom gah kinh tế sit saong mbiah, biak sit tra, blaoh hu kinh tế padang mbang ngui ye njauk sangka gam prein saong jien padai. Taphia di bruk daong ye njauk nao gam haong doanh nghiệp saong bhap bini. Njauk abih hatung hatian meng hu prein khang, ngak tabiak drap ar bahrau”.

Dalam yaok bruk ngak jeng atau oh jeng, anek manuac lac ba tal bruk nan. Bruk anek manuac hu ndem tal dalam dom harak di nyaom roya Đảng mbang ka XIII. Urang jaka nan brei hu ginup “đức” gam “tài”. Ong Nguyễn Hữu Châu – Uỷ viên Hội đồng langyah ilamo xã hội di Trung ương Mặt trận negar Việt Nam mboh lac, piah ngak hu bruk caong cak rok patagok taneh ia ye njauk hu urang jaka hu hatai caong salih bahrau, akaok saneng salih bahrau: “Tui jalan khol drei ba kinh tế nao tagok ye urang jaka lingiu di đạo đức, daok brei abih ahtung hatai haong chủ nghĩa Mác Lênin, jalan sahneng di Hồ Chí Minh; njauk thau cambaih ka công nghệ thông tin, ka salih bahrau. Brei caik bruk thau ka chính trị samu haong hatung hatai siam makre. Sa urang jaka dalam tukvak urak ni brei thau maong bol bhap rahra lac gha”.

Jhul patagok bruk salih bahrau, ba brei ứng dụng saong cak rok patagok khang khoa học công nghệ; dak padang saong patagok yaom ilamo, prein khang di urang Việt Nam, dalam nan bruk anek manuac meda ba tal bruk salih bahrau. Ni lac sa dalam dom bruk hu makna biak praong piah ba taneh ia tagok glaong dalam jaman cách mạng công nghiệp 4.0./.

Urang lang: Thu Thảo – 25/01