Paglong hatai sahneng, hatai khin, pren khang jum pataom bangsa

Meng bruk mesruh pacang caga tham nhũng di Đảng tuk vak tapa, ong Nguyễn Hồng Tâm, daok di phường Phước Mỹ, quận Sơn Trà, ban  Đà Nẵng ndom lac bruk ni oh hu labik pakauk. Bhap bini jia hatai tame bruk pal akaok di  Đảng, hatai jia chính trị di bhap bini hu patagok: “Harak caga pok tagok nyaom roya XIII di Đảng ba tabiak bruk pasiam veik Đảng lac biak njauk. Bhap bini jia tame bruk pal akaok di  Đảng, jia tame uranh dang akaok di  Đảng, brei khang kadang meng ngak hu. Urang dang akaok  Đảng, karja, rajaei, Mặt trận brei sa hatai haong gauk. Khol hulin biak jia tame bruk pal akaok di  Đảng ngan song bruk pacang caga tham nhũng dalam tuk vak anak tal”

  Tiến sĩ Nguyễn Văn Hào, Akaok Khoa dak padang  Đảng, Học viện Chính trị bhum III di Học viện Chính trị Quốc gia Hồ Chí Minh brei thau, bruk dak padang, pasiam veik  Đảng, abih di nyu nan lac  bruk mesruh pacang tham nhũng lac kadha praong dalam mbang ini. Tui Tiến sĩ Nguyễn Văn Hào, oh ka hu mbang halei Trung ương tabiak rilo sarak ka bruk pasiam veik  Đảng rilo yau mbang 12. Bruk peih ngak dom sarak hu ngak khang, ngak catang. Bruk mesruh pacang tham nhũng oh hu labik pakauk, oh hu ngoại lệ dak harei dak ba mai hatai jia ka Đảng dalam dom urang jakar, urang đảng song bol bhap rahra. Tiến sĩ Nguyễn Văn Hào lac: “Sa dalam dom bruk prong di mbang 13 ni Trung ương tacei tabiak lac patui bruk pasang iek, kỷ luật Đảng song patagok bruk mesruh pacang caga tham nhũng, palai pajoa.  Langiu di bruk patagok hatai jia, meng bruk ni nyu pataom pren khang piah yam tagok”

Phó Giáo sư - Tiến sĩ Hồ Tấn Sáng, dahlau deih lac gru pato pakat glong Khoa Chính trị học, Học viện Chính trị bhum  III ndom lac, bruk di dom rai urang pal akaok oh lac ngak pahu dom panuac ndom ka bruk dak padang  Đảng saoh, bo dok brei nao gam song bruk di anak meta, ba tabiak dom hatai sahneng bahrau, asal kadha bahrau meng pabak hu bruk dak padang  Đảng njauk haong bruk di anak meta. “Bruk di Đảng lac oh padeih ngak brei cambaih laih, pabak song pasiam, bruk nan drei ngak hu siam. Meng bruk di anak meta, Đảng drei batabiak jalan diukrai siam mekre di urang jakar, urang  đảng, pabak dom jalan ngak piah pacang tham nhũng, langyah tham nhũng... Ngan hu yau nan, njauk ndom tal urang dang akaok”

Dak padang Đảng hacih saat khang kajap lac bruk di dom urang đảng rai dahlau ngan song rai hadei. Tui ong Hồ Tấn Sáng, meng tuk ba tabiak bruk salih bahrau, Đảng drei hu rilo kham merat peih ngak bruk ni min hu siam di abih lac meng nyaom roya  Đảng mbang ka  XII mbiah tal ni. Jak jeng nan hu meng bruk khang hatai di mintri  Chính trị, Ban Chấp hành Trung ương song urang dang akaok dalam bruk dak padang, pasiam veik Đảng song mesruh pacang  caga tham nhũng./.

Urang lang: Hani Pha – 26/01