Hanipha
Ong Haji Ahmah Atry, sa urang Chăm thun ni umo 62 thun dok di phường Phạm Ngũ Lão, quận 1, ban raya Hồ Chí Minh. Yaom lac praong thun min ong oh huac kan kandah, glaih glar, tuk halei jeng preng praiy pato pakai anek taco, pachreih ba gauk dak padang raidiuk trei sil, haniem phol. Daa mik va song tong abih gauk nao taom gaok ong haji Ahmah Atry tapa kadha vak hadei ni di Thúy Linh, urang vak di rayo sap ndom VN daok di ban raya HCM.
Yaom lac raidiuk kan kandah, sang hu 6 urang daok angaok para sit, min ong Haji Ahmah thau yam tapa kan kandah, raong anek mbang bac tal labik tal dhua saong abih hatai jai ka bruk XH. Ong hu 4 urang anek, urak ni kol nyu prong abih song hu bruk ngak tani tanat. Langiu di bruk preng praiy brei ka anek bhik hu bac da-a
Mboh hu bruk preng praiy di amaik ame, dom urang anek di ong urang halei jeng slut mbut, thau anit ranam amaik ame. Adei Soleh, anek likei taluac di ong Haji Amad lac: Hulin cong khin anek taco di drei.....
Lac sa urang dalam UB mặt trận phường Phạm Ngũ lão, ong haji Ahmad Atry kham merat hu mbaok dalam bruk MT phường, yau bruk jak ba mik va dalam khu phố dong jien padang kadung jien brei ka urang kan kathaot, pachreih tui bruk tong abih bhap bini jum pataom dak padang rai duik ilamu di labik daok…Langiu di nan, ong daok hu pato Kor’an di sang megik Nanxi ka dom anek naih sit Chăm, bhian tangi sua bruk ngak mbang di mik va Chăm dalam jumah, jak ba mikva yam tapa kan kandah, iek glang bruk bac daa di anek taco, piah jeng menuac siam ka XH. Saai Rokigiah dok di phường Phạm Ngũ Lão, quận 1, ban raya Hồ Chí Minh brei thau: Haji Amah Atry nan lac sa
Urak ni, yaom lac praong thun taha umo, min ong Haji Amah Atry jeng daok hu mbaok dalam dom bruk XH, dom bruk di kapul urang prong thun dalam phường, dalam quận, pato pakai anek taco jeng menuac siam, jum pataom gauk meng dalam sang tal gah lingiu. Ong Haji Amah nan lac sa kreik camin urang umo prong hadah krah dalam bhap bini urang Chăm dok di phường Phạm Ngũ Lão, quận 1, ban raya Hồ Chí Minh./.
Viết bình luận