Taha Cần brei thau, tuk daok dam ma-in hu rilo janih alat ragam yau talak ra hêm, capi caron, kèn cabluốc…Taha Cần khan lac, dahlau diah, urang bangsa Cơ Tu diukrai angaok ceik Trường Sơn tui jalan du canh du cư. Nao tal labik halei mboh taneh siam ye jah tak glai ngak apuh ngak hamu, pala tangei, pala bei tal dom thun hadei, tuk taneh thu lagu ye klak nao duah labik karei ngak. Angaok hamu apuh di urang bangsa Cơ Tu hu padang sang tuan meng phun glai, tabung tauk hala piah ngak labik pacang, plaih hajan ka urang daok khik apuh, pacang dom athur glai mai palai pajua apuh. Daok dalam sang tuan khik apuh sa drei biak haduh hatai yau nan ye muk kei urang bangsa Cơ Tu tapa dom rairah hu ngak tabiak dom janih alat ragam piak taih tagok dom ragam bui sambai chreih chrai, atau dom ragam druat druai di dam dara dalam palei brei thau hatai anit ranam di drei... Ong Cần lac: Drei caong khin lac dahlau di tuk nao taom muk kei, dom hagait drei thau meng bruk ngak yang tal ngak tabiak alat ragam jeng yau pandar dom alat ragam di muk kei jeng hu patoa veik ka dom anek kamuan  rairah hadei. Kayua nan lac jalan piah khik veik suan yawa di urang Cơ Tu”.

Yaom lac umo thun taha min harei harei taha Cần jeng daok takre yuk talak, paik capi. Di Phú Túc urak ini, langiu taha Cần ye oh daok thei thau ngak dom alat ragam di urang Cơ Tu tra. Dom urang thau dom adat cambat tanarakun saong daok khik hu dom ilamu meng kan yau taha biak takik. Taha Cần haduh hatai lac: Taha damen lac, urang thau ilamu di urangCơ Tu di bhum taneran harei ini daok takik bo urang ranaih umo oh takre bac yau nan ye oh thau ilamu urang Cơ Tu nao tal halei? Meyah bac tui hatai takre di drei ye oh ka ginup. Kayua piah hu lisei huak, hu khan ao piah angui cuk, yaok harei urang daok tagok apuh ngak mbang”. 

Yau nan ye, caong khin duah hu urang piah patoa veik ilmu ngak tabiak saong pandar alat ragam, khik ramik ilamu di bhap bini drei ka dom rai rah harei hadei, daok lac bruk suh sah dalam hatai taha Cần yaok harei./.