Atah di ni 6 thun, tuk kuac bingun piah mek ia pruh café, ong Y Kuing Niê (bangsa Ê Đê) dok di palei  Tơng Jú, xã Ea Kao, ban sit Buôn Ma Thuột, mboh ia biak khang song hacih saat nan ye ong sahneng tal bruk peih cơ sở ngak ia klaok. Hadei di tuk hu gah chức năng dut iek halau ia di labik ni mboh lac nyu siam, ong Y Kuing Niê kuhri kuhria dom kadha piah buh jien tabiak padang cơ sở ngak ia klaok angan KAWA.

 “Dahlau deih labik ini lac tabung mbuan, gah ala lac tal patau khang. Tuk hulin kuac bingun ye tal huluk tok dalam 1 mét 2 tấc min, dalam jang lac tal patau khang kapan. Raok tal tal patau sit jang ye hu ia hacih. Hulin mboh dom urang hu ia pandar min oh hacih, dalam tuk drei hu halau ia siam njauk tanut chuẩn bo oh pandar mboh damen. Yau nan ye hulin ngak harak gar tuk angan likau ngak mbang.

Padang cơ sở ia klaok ngan song sa urang bangsa Ê Đê nan lac sa bruk biak bahrau dalam jalan sahaneng song jalan ngak, kayua meng kan mai mikva bhian mek ia meng chraoh mai pandar. Yau nan ye dom harei camereip bahrau ngak, ong Y Kuing Niê gaok kan kandah oh lac gah phun jien bo daok gaok kan kandah kayua duik anek oh pachreih tui. Hadei di tuk langyah, kuhri kuhria cambaih laih song diuk anek, ong Y Kuing Niê ba 7 “sổ đỏ”, song tong abih sang dok, hamu apuh nao thế chấp piah mesraiy jien di gilang pariak hu 200 triệu đồng, nyim di adei saai but pajaih hu 100 triệu đồng tra piah padang ngak xưởng, blei jamriak xử lý ia, palih ruah urang ngak, duah labik pablei. Ong Y Kuing Niê daok brei thau lac:  “phun jien camereip 300 triệu đồng tok ginup padang xưởng saong blei hu jamriak njuk ia sit. Tuk nan drei oh thau ngak mabng pablei salih yau habar, drei oh naih joi ndom nyai song tuai, nan ye hu jak dom adei saai urang Yuan, urang nao chào hàng, blei pandap dong drei. Bloh dom urang nan patom phun tame brei nyim radeih tải piah pajeng.

Dom kan kandah tuk camereip dak harei dak hu pasiam, cơ sở ngak ia klaok KAWA hu tani tanat. Mbang akaok meti dalam palei Tơng Jú, xã Ea Kao, ban sit  Buôn Ma Thuột hu sa cơ sở sản xuất, ba bruk ngak ka 18 urang ngak, tong abih jeng lac urang bangsa Ê Đê duah hu jien bilan meng 2 triệu meteh tal 3 triệu. Saai H Loanh Ê’Ban, urang ngak di labik ni brei thau: Drei ngak di labik ni hu 3 thun ye, yaok bilan hu 2 triệu 600 ribau đồng. Tuk bahrau tame drei oh thau ngak hagait min bac meng dom adei saai tame ngak dahlau. Drei hu nao bac gah vệ sinh an toàn thực phẩm, bruk sx song khan ao cuk njauk quy định”.

Meng 300 triệu đồng phun jien tuk camereip, hadei di jiak 6 thun ngak bruk hu liba, ong Y Kuing gam gam buh jien tame peih praong labik ngak, blei jamriak bahrau, song yaom phun jien tagok tal 3 tỷ đồng. Urak ni yaok harei ngak song pablei hu labaih 700 tal 1000 thung, janih 21 lít. Meng labik lac tok pablei dalam palei, urak ni angan ia klaok KAWA hu urang pandar di grauk ban sit thau tal. Bruk njauk biai nan lac, meng tuk hu labik ngak ia ia hacih ini, mik va Ê Đê dalam palei oh daok nao mek ia oh hacih sa-at di chraoh mai pandar bo nao tal sang ong Y Kuing Niê mek ia mai pandar.  

Hadei di tuk labik ngak ia klaok ngak mbang hu liba, ong Y Kuing padang trang trại rong pabui hu yaok rituh drei, saong daok blei hu 2 ha café, 8 sào hamu piah pala drak, patagok năng xuất. Tong abih dom bruk ngak mbang pablei salih kayua Y Kuing khik ramik jeng hu kein liba glong, nan ye ong blei hu ô tô saong padang hu boh sang praong siam yaom labaih 2 tỷ đồng. Amuk H Yam B.Krông, akaok palei Tơng Jú brei thau: Tui hulin mboh sang ong Y Kuing ngak mbang naih joi, tuk halei jeng duah jalan ka raidiuk patagok, thau ba ilamu barau tame bruk rong glang, pala drak piah rai duik hu ginup meda. Ka dua lac ba bruk ngak ka urang ngak dalam palei, urak ni xưởng di ong  Y Kuing hu rilo urang ngak, meng dom urang oh hu bruk ngak, urang mai xưởng ngak bloh hu jien bilan tani tanat.

Meng thau salih bharau jaklan sahneng, jalan ngak, ong Y Kuing Niê hu jak jeng di tuk camereip. Ni lac sa kreih camin urang nong bangsa Ê đê ngak KT naih joi di palei  Tơng Jú, xã Ea Kao, ban sit Buôn Ma Thuột, tỉnh Đắc Lắc./.