Urang blei sang “klau gam” mbuan ba tal khat lahik nan lac po sang ba sổ bhong nao padang 

Di Quận 12, rilo baoh sang di khu phố 3, phường Thạnh Xuân daok duh hatai yau “daok angaok apui” kayua mbuan njauk cưỡng chế, yah klaak sang daok. Dom urang ini ngak harak khiếu nại payua nao tal dom jabat chức năng. Labik sang daok di dom baoh sang pak ini hu amuk Tô Cẩm Thuý padang ngak di thun 2017. Di tukvak nan, UBND Quận 12 hu brei harak adat padang ngak sang ka amuk Thuý piah ngak sang angaok mblang taneh labaih 238 mét vuông. Harak brei adat ini brei padang ngak sa baoh sang, min amuk Thuý parabha jeng rilo baoh sang sit (sang klau gam) angaok mblang taneh ini, hadei di nan pablei ka dom baoh sang karei. Bruk padang ngak sang rah tabiak jaik UB bhap bani phường Thạnh Xuân min jabat chức năng oh pacang cakak bruk ngak suan ini:“Karja daok jaik nan bo tuk khaol dahlak blei sang, manuac urang daok ngak sang yau nan. Dahlak tagok sua tangi, karja jeng daok kandang brei ngak, ye bhap bani halei bo oh jia tui. Dahlak caong khin hu bruk công bằng di karja, njauk pacang khik quyền lợi ka urang kan kathaot.”

Bruk njauk biai nan lac, pablei sang blaoh ka mikva, min amuk Tô Cẩm Thuý daok pablei taneh nan ka urang karei. Yau nan, sổ bhong urak ini di khu taneh ini hu salih angan ka po bahrau, daok amuk Tô Cẩm Thuý oh daok mboh mbaok, oh daok taom gaok hu.

Bruk padang ngak sang “klau gam”, nan lac padang ngak sang angaok sa mblang taneh prong blaoh parabha jeng yaok baoh sang sit jeng daok hu mboh rilo di Quận 12. Di phường Thạnh Lộc, sa danak dak sang daok hu po buh jien tame ngak nan lac Công ty Nhà Phố Việt Nam padang ngak di mbaok jalan jalan Hà Huy Giáp. Dom blah mạng pablei salih sang danaok, taneh riya meyaih khan danak dak hu angan One Palace hu 63 baoh sang, mblang taneh prong meng 60 m² tal 75 m², yaom yaok baoh sang meng 5,2 tỷ đồng. Yau nan min, UBND Quận 12 hu tabiak harak 954 thun 2021 brei thau lac, tapa pasang iek angaok Quận 12 oh hu danak dak One Palace Hà Huy Giáp. 

Tui dom chuyên gia, urang blei sang “klau gam” mbuan ba tal khat lahik nan lac po sang ba sổ bhong nao padang atau dom urang ngak po haong gauk gaok kan kandah ka adat hukum ye biak kan pablei salih sang daok. Ong Lê Hoàng Châu, akaok Kapul sang danaok taneh riya TPHCM hu panuac kakei, bhap bani njauk duah thau cambaih laih dahlau di tuk blei sang “klau gam” piah plaih laik tame bruk “jien lahik, ruak daok”, mbuan ba tal pathau gauk, merak gauk:“Khaol dahlak hu panuac kakei mikva njauk caik hatai, dom bruk ngak nan oh njauk haong adat hukum saong quyền lợi di mikva jeng gaok kan kandah. Gaok mai mikva meda lahik abih jien bo oh ngak hu harak sang, meda mbuan ba tal bruk merak gauk hadei ini bo khaol drei oh thau dahlau hu”

Piah langyah dom bruk ngak suan gah  padang ngak, urang Quốc hội Trương Trọng Nghĩa, Kapul urang QH ban raya HCM ndom lac njauk mong iek bruk ngak suan nan yau habar piah ba tabiak jalan ngak catang, yau khởi tố vụ án hình sự. Hu yau nan ka meng ngak ka urang huac blaoh oh daok ngak suan:“Salih bahrau saong ramik pasiam veik dom kapul ngak bruk hành chính karja dalam gah padang ngak. Phường xã, quận huyện nan lac jaik taphia haong bhap bani di abih, jaik taphia haong taneh riya labik drei ngak bruk”

Piah oh daok bruk ngak suan gah padang ngak, dalam nan hu bruk blei salih "klau gam", caong khin hu bruk ba tangin tame ngak khang di karja puk palei. Ngak suan bruk padang ngak njauk pacang cakak meng camereip, meyah oh yau nan meda jhul kan kandah saong khat lahik mai ka bhap bani./.

Urang lang: Jasi – 25/03