Meng akaok thun tal ini, dalam huyện oh hu jit ruak tamuh tabiak, bruk pasang iek jit hu khik kajap. Tui nan, pasak y tế huyện hu peih bruk pasang iek ruak pandiak dom di dom puk palei, pabak ginup jru iek ruak saong caga ruak pandiak dom, oh hu urang halei ruak pandiak dom, oh hu urang halei metai. Taphia di nan, pasak y tế huyện daok hu peih danak dak klauk jru peih praong thun 2015 di taong abih 10 xã dalam huyện, piah ka taong abih dom uranaih umo ala sa thun hu klauk jru ginup. Jeng dalam quý I, pasak y tế huyện hu tham mưu ka UB bhap bini huyện padang kapul liên ngành nao pasang iek saong peih bruk dut iek chất lượng vệ sinh an toàn thực phẩm di dom xã dalam huyện. Tapa nan hu 83 labik ngak saong pablei pandap mbang menyum hu pasang iek. Dalam nan, dom labik ngak saong pablei pandap oh siam lac 16 labik, oh hu mbang halei ngộ độc pandap mbang menyum.

Gam saong bruk pacang cakak jit ruak, peih dom danak dak y tế, bruk iek ruak jeng hu pasak y tế huyện Pắc Nậm iek praong bruk ndom puac haong urang ruak, oh ngak kan urang ruak. Dalam quý I, hu iek ruak ka abih tih 2.971 mbang urang ruak, ralo jang 21,2% duk saong thun dahlau. Dalam nan, hu 610 urang ruak hu iek ruak nội trú, oh hu urang ruak halei iek ruak ngoại trú, hu 61 urang ruak hu salih tuyến saong hu siêu âm, điện tim, thaot X quang, blac daraih… Pasak y tế huyện hu pabak ginup jru iek ruak ka urang ruak, pandar jru siam saong lagaih.

          Ong Nguyễn Văn Dưỡng- Giám đốc pasak Y tế huyện Pác Nặm brei thau: Gam saong bruk paglaong chất lượng iek ruak ka bhap bini, meng akaok thun pasak y tế huyện hu tham mưu ka UB bhap bini huyện peih dom mbang thanh tra, pasang iek vệ sinh an toàn pandap mbang di dom labik pablei salih, labik ngak pandap saong peih tabiak dom jalan pacang cakak ruak tui bilan, abih di nyu nan lac di dom sang bac saong palei pala dalam huyên piah patakik hu dom janih ruak njom mbak”. 

Taphia di nan, piah pacang cakak dom jit ruak tamuh tabiak kayua langik salih bilan saong patagok bruk iek ruak ka bhap bini, Pasak y tế huyện Pác Nậm hu pambuak bruk saong dom gah chuyên môn, duk chức năng saong ba tabiak jalan ngak ka dom blai y tế xã saong kapul urang y tế puk, palei, y tế sang bac peih ngak chip dom jalan pacang cakak saong pathau khan ka bhap bini thau khik ramik vệ sinh, langyah dom labik njom nerak mbuan tamuh jit ruak. Taphia di nan, peih ngak hu siam saong njauk tukvak dom danak dak y tế pakat negar di dalam huyện, khik siam pren yava ka bhap bini./.