Rilo urang padang phun nêu meng phun kreim kaoh hacih dhar hala. Min hu menuac pandar dom janih phun karei kreim la-ar, lồ ô atau phun tabau. Dalam tuk dom bangsa takik tok pandar dom janih phun kayau rup khang, yau phun gạo di urang Gia Rai.

Angaok phun nêu, urang tuan dom kon sit atau dom pandap tui adat di menuac labik nan yau ye kadung sit caik hala paneing saong talak, nding khlei, atau candaih pasei praong sit. Tuk hangin yuh dom pandap nan paoh tame gauk jeng sap leng keng pang biak takre. Urang jia lac dom pandap tuan di phun nêu, gam saong sap di dom baoh chuông khánh lac piah brei ka bhut khamot thau lac labik ini sang hu po, juai mai  ngak srau kadau…

Melam sup, urang tuan 1 baoh gom di phun nêu piah muk kei thau jalan mai sang mbang Tết haong anek taco. Di melam palao thun klak, raok thun bahrau daok brei cuh pháo di phun nêu piah uan raok thun birau, pateok bhut khamot atau dom bruk oh patuah.

Yaok thun, tal harei 23 bilan mat lac harei Patao ging tagok langik ye phun nêu hu padang tagok. Tui dalikan, kayua meng harei nan tal melam palao thun klak, raok thun bahrau oh hu mbaok Patao ging, bhut khamot bhian pambak tame bruk nan piah mai ngak srau kadau, nan ye brei padang phun nêu piah pateok nyu. Angok phun nêu hu tuan chuông khánh, yava sap tuk hangin yuk megei piah but khamot mehit blaoh plaih. Angaok jung phun nêu daok hu kak sa paok hala dứa atau dhar phun yo dalah vang piah bhut khamot huac. Langiu di nan, urang daok cih thaot siuk akaok haluk tacei nao gah Timur saong proi cur trun haluk anak pabah mbang tame tabiak dalm dom harei Tết piah bhut khamot oh tame hu. Tal harei 7 bingun bilan 1 phun nêu meng hu plaik trun. Yau nan, phun nêu hu jeng thaot binguk di bruk mesruh di gah siam saong gah jhak piah khik ka raidiuk anek manuac hu siam mekre, salamat. 

 Tuk camereip phun nêu hu padang tagok haong makna lac pateok bhut khamot, kakuh po yang saong mukkei, klaak dom kanjah jhak di thun klak. Dalam dom rija roya, phun nêu lac pasak di labik pataom gauk, pambuak jalan sahaneng di bhap bini. Tuk phun nêu hu padang tagok, taong abih dom bruk ngak karei brei padeih veik, ngak jeng bruk sumu gauk di thun klak saong thun birau. Anek manuac sahanang hatai main bui sambai, var klaak nao dom haduh hatai di thun klak./.

Urang lang: A.Nghiem 9/2/2021