Kham merat piah mek hu angan palei pala birau di thun 2022, xã Tân Phú daok ieu pataom yaok prein khang, kham ngak salah dom bruk daok veik  piah mek hu tanut chuan palei pala birau. Dalam nan iek praong bruk jhul khang pathau khan ka bhap bini peih ngak 16 tanut chuan baoh sang palei pala birau. Gam haong nan, xã Tân Phú daok pataom tame cak rok patagok bruk ngak pandap, pambak praong dom bruk ngak kinh te hu kein laba glong, paglong jien mek tame ka bhap bini. Urak ini, dalam xã padang hu labaih 100 bruk ngak kinh te sang hu jien mek tame 100 trieu đồng sa hecta sa thun tagok. Tal tukvak ini, xã Tân Phú ngak hu 13 dalam 19 tanut palei pala birau. Abih di nyu lac sangka tal bruk alam moi truong, meng akok thun tal ini xã pambuak saong dom kapol nyaom rilo mbang tabiak pala phun kayau, ramik hacih hareik harom di dom jalan dalam palei, padang ngak jalan mekre kieu mau.

Daok xã Long Trị A hu pok brei angan palei pala birau dahlau di ini jaik 5 thun, meng nan tal ini xã tuk halei jeng kham merat peih ngak 16 tanut palei pala birau. Xã hu rilo bruk ngak mbang patagok kinh te kapol nyaom, dalam nan  njauk ndem tal HTX kaya nong hacih sa-at Long Trị A. Meng taneh  pala drak abih tih jaik 34 ha, dalam nan njam mbang hala hu 6 ha. Urak ini, HTX ba bruk ngak saong duah jien tame tani tanat ka 31 urang. Ini lac bruk ngak lagaih daong pasaim bein pala oh hu laba, paglong jien mek tame ka bhap bini. Tui kuhria, puac thun ini HTX meda mbaoh tangin pambuak bruk haong dom D.N langiu tỉnh piah peih praong taneh pala drak, kham merat piah mek hu angan pandap OCOP.

Bruk cak rok patagok bruk ngak nong hu sangka, dahlau diah, ralo meng ngak padai, xã hu salih tapa ngak rilo bruk pala njam patam, phun mbang baoh, raong glang ba mai kein laba glong. Xã hu 4 balai pruh ia meng điện tui ilamu birau hu  ngak tui bruk di tỉnh, meng nan taong abih taneh pala ngak nong hu ia pruh ginup. Jien mek tame kuhria tui yaok akaok manuac hu jaik 62 trieu đồng sa urang sa thun. Baoh sang kathaot kuhria tui rilo gah trun daok 1.68%.

Bruk njauk menyai nan lac, gam haong pataom tame cak rok patagok bruk ngak mbang, patruh eik patrun kathaot ye cơ sở hạ tầng jeng hu buh jien tame ngak, nan ye urak ini xã Long Trị A hu veik 5 tanut ka jalan mbak, cơ sở pandap panda ilamu, alam moi truong saong an ninh – trật tự. Urak ini, taong abih jalan palei, labik daok di bhap bini hu tuh betong saong hu gom truac hadah.  Ia hacih hu ba tame tal yaok baoh sang. Dom jalan saong paga meng phun kayau hijao hu kaoh cakak biak mekre, tapak samu, ngak gheih mekre ka puk palei.

Tui ong Mai Lý Tưởng, Phaok akaok Thường trực UB bhap bini ban sit Long Mỹ, piah ngak hu yau nan, ban sit hu peih ngak siam dom danak dak di Karja; ieu pataom dom gah buh jien tame padang ngak hạ tầng di dom xã. Pataom prein tame cak rok patagok tui bhum; ba mbuan lagaih daong ka bhap bini salih janih phun pala, athur raong piah patagok kinh te, paglong jien mek tame, dak harei dak trun kathaot khang kajap. UB bhap bini dom xã peih ngak dom tanut padang palei pala birau tui jalan “ mbuan ngak dahlau, kan ngak hadei”, salah tanut halei kajap tanut nan”. Gam haong nan, pamedeih bruk kham merat, brei ngak dahlau, hadah krah di yaok bhap bini, kham padang ngak palei pala birau.

Meng dom bruk ngak hu dalam tukvak tapa yau pabak prein khang piah ka Đảng bộ, karja saong bhap bini ban sit Long Mỹ peih ngak dak harei dak siam jang Danak dak bruk ngak negar ka padang ngak palei pala birau, padang hu bruk bui sambai chreih chrai saong hatai jia dalam bhap bini./.

Urang lang: Ai Nghiem -26/11/2021