Tỉnh Bà Rịa-Vũng Tàu urak ini hu 6 xã điểm daok dalam dom huyen Xuyen Mộc, Đất Đỏ, Long Điền, Châu Đức, Tân Thành saong ban Bà Rịa mek hu abih 19 tiêu chí dalam bộ quy chuẩn padang ngak palei pala birau. Tỉnh daok kham merat meng ini tal thun 2015 hu 21 xã tra jeng xa palei pala birau mek hu ginup 19 tiêu chí. Kadha njauk ndom tal di dom xã padang ngak palei pala bahrau di BRVT nan lac dak padang saong patagok hu rilo bruk ngak nong hacih sa-at, ba mai kein laba glaong ka bhap bini. 

Maong tame baoh sang birau ngak blaoh hu yaom jaik 1 tỷ đồng di ong Nguyễn Đức Phú  daok di palei Hiệp Thành, xã Quảng Thành, huyện Châu Đức, tỉnh Bà Rịa-Vũng Tàu thei jeng meyaom. Ini lac bruk ngak hu di sang ong hadei di dom thun salih meng phun caphe oh hu kein laba tapa pala amriak kalu, janih phun lagaih saong taneh riya saong tui jalan pala hacih di palei. Thun blaoh, 1,2 hecta taneh pala amriak kalu di sang ong paik hu 7 tấn asar, kuhria tabiak yaom jien labaih 1 tỷ đồng. Ong caga blei tame sa sruh radaih 4 baoh (kong) piah nao mai hu mbaun lagaih. Ong Phú chreih chrai lac: 'Yaom amriak kalu dom thun ini di darak pasar nyu  tagok glaong, mikva biak uan tabuan. Buh jien tame pala amriak kalu hacih brei takik baoh jang min phun amriak kalu hu khang kajap saong anek manuac hu siam jang'.

  Jeng yau sang ong Phú, sang amuk Phan Thị Tài daok di xã palei pala birau Quảng Thành, huyện Châu Đức palih ruah ngak tui jalan Global Gap ka jaik sa hecta amriak kalu di sang drei. Pala amriak kalu hacih, gam njauk amriak kalu gam pablei hu yaom yau nan ye raidiuk sang amuk dak harei dak ginup meda, raong dua urang anek bac tagok đại học. Kadha bo amuk Tài saong 104 baoh sang karei daok di xã Quảng Thành njauk hatai nan lac patagok bruk pala amriak kalu hacih, tui jalan an toàn, karja palei saong dom gah biak sangka tal bruk jao brei dom ilamu birau-kỹ thuật piah pabam pajaih, phun pala saong iek glang bein amriak kalu, jalan pacang caga halak halin palai pajoa piah khik brei phun amriak kalu tamuh siam khang kajap saong hacih sa-at ka anek manuac. Amuk Phan Thi Tài brei thau:  "Anak meta khak sinh học nyu ngak ka phun tamuh siam veik saong hu suai lavik jang. Dom thun bo drei pandar jru hóa học ye jien buh tame ngak rilo jang. Urak ini, drei pandar khak sinh học ye jien buh tame takik jang min brei hu rilo urang ngak jang, lahik rilo tukvak min phun takik ruak, hu rilo asar jang." 

  Meyah xã Quảng Thành, huyen Châu Đức pala rilo amriak kalu hacih saong ngak kaya meda meng janih phun ini ye xã Sông Xoài, huyện Tân Thành palih ruah bruk pala kruac bung hacih tui jalan Viet Gap piah cak rok patagok kinh te baoh sang ka urang ngak nong di labik ini. Gam saong bruk padang bhum pala kruac bung, mikva daok padang hu HTX kruac bung kalik hijao Sông Xoài ngan saong 43 hecta kruac bung kalik hijao di 53 baoh sang tame ngak. Bruk ngak nan meyah “hajan siam hangin lagaih” ye yaok thun ba mai kein laba glaong ka urang pala. Pho Akok Hợp tác xã kruac bung kalik hijao Sông Xoài Bùi Hoàng Kha thun ini umo birau 22 thun  min hu rilo ilamu iek glang phun kruac bung tui jalan haci hacih, brei thau: Têt thun blaoh, HTX mek hu 150 tấn kruac bung kalik hijao, yaom pablei 40 ribau đong  sa kg saong duah labik pablei eng hu 50 tấn di dom darak pasar di ban raya Ho Chi Minh, Ha Noi, daok veik 100 tấn pablei ka urang pablei salih. Kayua yau nan ye, gam saong bruk padang angan pablei salih ka kruac bung kalik hijao hacih Sông Xoài, HTX daok duah labik pablei khang kajap piah plaih pagam pambak tame urang pablei salih, plaih njauk urang blei kateik kateik yaom. Phó akok Hợp tác xã Kruac bung hijao Sông Xoài Bùi Hoàng Kha khan lac:  "Jalan ngak di HTX nan lac duah labik pablei tani tanat saong patagok bruk ngak kinh te ka HTX di drei. Duah labik pablei piah plaih urang blei kateik yaom, saong ngak ka baoh kruac bung dak harei dak siam jang".

       Xã Quảng Thành khang gah amriak kalu, Sông Xoài hu angan gah kruac bung ye xã Bưng Riềng, huyện Xuyên Mộc hu bruk pala thanh long hatai bong,  xã Châu Pha, huyện Tân Thành kahng gah raong limo ia tasau saong pala njam hacih sa-at; xã Hòa Long di ban Ba Ria hu bruk pala bimao…Jien mek tame di dom baoh sang ngak dom bruk nan biak rilo, yaok baoh sang hu meng dom rituh trieu dong tal dom tỷ đồng yaok thun. Abih di nyu nan lac di 6 xã điểm hu ngak salah blaoh bruk padang ngak palei pala birau ngan saong dom bruk ngak kinh tê siam lagaih ye jien mek tame yaok tui kaok manuac hu jaik 34 triệu đồng sa thun, glaong jang jaik  1 mbang meteh dut saong dom xa birau padang ngak palei pala birau di tinh. Ông Vũ Ngọc Đăng, Phó Akok Chi cục patagok palei pala, Sở Ngak nong saong patagok palei pala tỉnh Bà Rịa-Vũng Tàu, brei thau: "Tapa klau thun padang ngak palei pala birau, jien mek tame saong raidiuk urang ngak nong galong jang meng 1,6 mbang tal 2,8 mbang dut saong dahlau diah, sumu 33 tal 35 triệu triệu meteh sa urang sa thun. Nan lac yaom jien mek tame glaong dang akok dalm taneh ia. Anak tal patagok tui danak dak rami ramik veik gah ngak nong saong gah kinh te, gah ngak nong Ba Rai – Vung Tau daok peih ngak rilo bruk piah ngak tabiak rilo pandap hu yaom glaong piah patagok bruk apla drak paglaong raidiuk ka mikva urang nong".

  Bruk ngak nong hacih sa-at tui jalan khang kajap daok hu urang ngak nong di dom xa padang ngak palei pala birau di tinh Ba Ria –Vung Tau ngak tui. Yaok xa hu palih ruah meng 1 tal 2 bruk ngak kinh te khang di palei drei piah cak rok patagok. Meng dom bruk ngak kinh te hu kein laba nyu ba tal bruk pambuak gauk ngak tabiak saong pablei pandap hu tani tanat. Tapa nan nyu pagalong hu yaom di kaya nong, peih praong darak pasar, tani tanat yaom kaom…paglaong raidiuk ka urang nong. Ini lac bruk bo tỉnh Ba Ria- Vung Tau daok pamaong tal dalam bruk padang ngak palei pala birau./.