Pablei salih dom janih Te Kandiuk, Công ty TNHH Cầm Thiều, ban sit Ngã Năm, tỉnh Sóc Trăng buh jien tame padang ngak piah pabak dom tanut chuan asar siam saong ngak pandap meng kaya nong, hacih sa-at. Te Kandiuk di công ty hu taduan angan OCOP 4 patuk, urak ini hju pableidi rilo bhum palei saong hu ba tame dom sieu thi dalam negar. Tui nan, tapa bruk cak rok patagok pandap OCOP, công ty pambuak bruk blei veik kaya nong tani tanat ka dom baoh sang urang pala kandiuk di bhum palei, ba bruk ngak ka 15 urang. Ong Dương Minh Trung, Yam ndoc công ty brei thau:“Langiu di nan, bruk marketing online saong bruk pablei pandap online njauk bhian ngak piah urang blei pandar hu thau tal. Urak ini, ralo urang blei pandar jeng blei pandap tapa online rilo, dahlak pambak tame nan saong yaih khan pandap di drei angaok blah web điện tử”.

Labaih 3 thun tapa, tỉnh Sóc Trăng hu 99 pandap OCOP; dalam nan hu 24 pandap hu tanut 4 patuk, 75 pandap mek hu 3 patuk. Tui taong yaom di gah chức năng tỉnh, urak ini, dom pandap OCOP hu taong yaom, brei angan hu asar patagok, rilo mẫu mã, ao papaok, njauk lagaih, quy định tem, nhãn, brei thau labik pala iek glang, tui nan hu dom labik pablei rai, blah web pablei salih điện tử mbaoh harak blei kaya nong rilo. Tapa bruk peih ngak danak dak OCOP, rik daong rilo kaya nong đặc sản, bingi karei, lagaih di bhum palei brei mboh angan je di darak pasar dalam negar.   

Labik ngak pandap Ba Khía Cô Mới di phường 3, ban sit Sóc Trăng lac sa dalam rilo bruk brei mboh lac tuk pandap mek hu tanut 3 patuk OCOP di palei ye pandap hu darak taduan, padang hu angan je saong tuai damuai thau tal rilo jang. Sa-ai Phạm Thị Mới, po di labik ngak pandap brei thau, urak ini labik ini hu labaih 30 đại lý dalam saong langiu tỉnh, saong jien mek tame tagok labaih 30% dut saong dahlau diah tuk pandap hu brei angan  OCOP.

Danak dak yaok sa xã sa pandap OCOP ngak pamedeih hu bhum palei, rilo pandap di bhum palei hu tabiak rai, jalan pandang bruk ngak mbang birau hu pambak praong, ba dom kaya di bhum palei tal urang blei pandar. Dalam tukvak tapa, tỉnh Đồng Tháp hu 161 kaya OCOP, dalam nan hu 54 pandap hu tanut chuan 4 patuk saong 104 pandap hu tanut chuan 3 patuk. Piah ngak hu bruk caong khin ba pandap par atah, par glaong, sumu darak pasar dalam saong negar langiu, Đồng Tháp pambuak saong rilo siêu thị, pasak pablei salih piah yaih khan dom pandap đặc sản, pandap khởi nghiệp saong pandap OCOP. Langiu di nan, padang Pasak yaih khan đặc sản saong du lịch Đồng Tháp di Hà Nội - Ban raya HCM…piah yaih khan. Ong Võ Tiến Thành, Yam ndoc Pasak pablei salih di tỉnh Đồng Tháp brei thau:  “Anak tal khol dahlak jhul pakhang bruk ngak ao papaok, mẫu mã pandap jeng yau dom mã vạch piah pabak dom tanut chaun piah pablei tabiak negar langiu. Suai lavik ye khol dahlak ba pandap ini piah pablei tabiak negar langiu, piah daong ka urang nong labik ini pablei  pandap hu siam jang”.

Thứ trưởng Mentri Ngak nong saong Patagok palei pala Trần Thanh Nam brei thau, piah taong yaom pandap OCOP hu 4 bruk praong, ka sa pandap hu labik pala di palei; ka dua lac pandar urang ngak di palei; ka klau pandap hu asar siam, hacih sa-at saong ka pak lac hu chỉ dẫn địa lý. Bhum taneran kraong Cuu Long urak ini hu labaih 500 pandap OCOP, dom pandap brei mboh rilo janih, ba mai yaom kinh tế glaong saong hu dom palei, caik hatai, yaih khan dalam saong langiu negar.

   “Pandap ini pamedeih hu pein khang, kein lagaih di bhum palei tapa dom pandap meng baoh kayau, tapa dom pandap kaya ikan, gam padai, brei mboh cambaic laic ini lac dom janih pandap karei di gauk rilo di bhum palei pala.”  

Tukvak tapa dom bhum palei dalam bhum taneran kraong Cuu Long brei pataom tame patagok dom pandap OCOP. Rilo pandap hu danei angan atah saong njauk hatai urang blei, brei mboh yaom glaong di pandap, pemedeih tagok dom kein lagaih di kaya nong palei, ba bruk ngak saong ba jien tame ka bhap bini. Langiu di bruk pambuak gauk, mbaoh harak piah yaih khan pandap ye dom doanh nghiep, po di pandap OCOP oh ka caik hatai rilo tal ao papaok, thaik thaok, mbaok meta angan je, ini lac bruk ngak pandap OCOP ka oh par atah tabiak darak dunya hu. Kadha vak puac, khol dahlak hu khan tal dom jalan, patagok pandap OCOP di bhum taneran kraong Cuu Long, padang hu angan, njauk hatai urang blei, hu tame darak pasar dunya, da-a mikva saong grauk ayut pang Danak dak harei paguh 30/3./.

Urang lang : Aí Nghiêm  29/3/2021