Bruk dut iek hu peih ngak di rilo labik 

Meng harei 1/7 hu 4 Hukum hu ba tame pandar. Nan lac Hukum Cư trú; Hukum Pacang caga njom vi-rút ba tal trun bruk pacang caga njom ruak di menuac (HIV/AIDS) pasiam veik; Hukum Pacang caga bala meng langik tasik saong  Hukum Ar kraong ribaong pasiam saong Hukum ginum biai dunya. Dalam nan, Hukum Cư trú hu ba tabiak asar kadha njauk brei caik hatai, nan lac meng harei ini oh ngak birau Sổ hộ khẩu, Sổ tạm trú tuk bhap bini mai tut angan thường trú, tạm trú. Jabat tut angan cư trú brei pabak khaw tin ka labik daok, labik daok tạm birau, tukvak daok tạm di urang tut angan tame Cơ sở dữ liệu labik cư trú.

Thủ tướng rajaei bahrau tabiak sarak 1022 harei 30/6/2021 ka bruk pabak tame labaih 7.650 tỷ đồng ka mintri  Y tế piah blei song pandar  61 triệu mbang vaccine pacang Covid-19, dalam nan hu 30 triệu  mbang  AstraZeneca song 31 triệu mbang vaccine kayua Pfizer ngak tabiak.  Mintri Y tế taduan bruk blei song pandar  vaccine pacang Covid-19 tui njauk hukum ka bruk đấu thầu, hukum ka drap ar karja song dom asal kadha karei di hukum  hu pambuak tal.

Page ini 1/7, Mentri Y tế brei thau hu 189 urang birau njom Covid-19, dalam nan hu 188 urang dalam labik daok karei atau labik hu pacang veik, 1 urang daok duah thau ka jit ruak. Ban raya HCM hu 158 urang. Urang pan akaok di dua tỉnh Bắc Ninh, Bắc Giang brei thau tui kuhria meng harei 10/7, dua tỉnh nan hu mai  veik yau tukvak dahlau jit rah tabiak.

Harei ni (1/7), ban  Thủ Đức, TP.HCM peih bruk mek mẫu dut iek Covid-19 biak praong, tui kuhria lac labaih  600.000 mẫu. Tui bruk batabiak, bruk dut iek hu peih tabiak  meng  mon 10 mesup tal mon 10 melam, tui jalan mek mẫu pagam 10. Urang dut iek lac rahra ginup 18 thun tagok, oh dut iek ka urang taha ruak kik. Ban  Thủ Đức hu dak tame nyaom mbuan si njom biak glong, bruk dut iek Covid-19 hu peih prong piah samar duah dom urang njom ruak, oh caik ka jit njom mbak praong. Quận Bình Thạnh song  Quận 3 harei ni jeng hu peih bruk dut iek ka bhap bini, tui kuhria abih tih labaih  610 ribau mẫu.

UB bhap bini tỉnh An Giang brei pa-atah di gauk dalam xa hoi abih ban sit Long Bình, huyện An Phú, tỉnh An Giang meng 7 tuk page harei 1/7 tui Srak 15 di Thủ tướng Rajaei. Tỉnh daok peih ngak khang dom jalan pacang caga catang jit Covid-19 hadei di tuk hu 4 urang njom SARS-CoV-2 saong 7 urang karei  di ban sit Long Bình njom Covid-19. An Giang samar brei padang labik brei daok karei praong 300 laneing giay ndih di ban sit Long Bình piah ba urang tame daok karei di bhum An Phú.

Nga daok peih bruk klauk vắc-xin pacang Covid-19 ka yaok  triệu urang ngak lac urang negar lingiu dok ngak bruk di ban ine Mát-xcơ-va. Dom urang ngak negar langui  di  Nga brei hu po pah ngak padang angan ba nao klauk jru. Dom urang ngak ni hu klauk vắc-xin Sputnik Lai (Light) 1 mbang, yaom 1.300 rúp (jiak 18 đô la Mỹ) hu po di urang ngak bayar. Điện Kremlin dalam adit ni brei thau, Nga ka oh ngak hu bruk klauk vắc-xin pacang  Covid-19 ka labaih  60% urang Nga dalam bilan  thu ni kayua bruk klauk jru biak beir.

Gilang pariak dunya hu sanya tagok jien pabak kadung jien blei vaccine Covid-19 klauk caga ruak meng 12 tỷ đôla tagok 20 tỷ đôla. Urak in, hu 4 tỷ đôla hu brei ka 51 taneh ia daok patagok saong Gilang pariak Dunya meda samar pabak tame yaok tỷ đôla ka 25 taneh ia karei dalam dom adit tal. Gilang pariak Dunya iew dom taneh ia labiah vaccine daong dom taneh ia daok patagok.

Hãng kapal haoh di Mỹ United Airlines brei thau bruk pablei kapal haoh prong abih dalam dakrai di  hãng ngan song 270 sruh kapan haoh bahrau, yaom abih tih tagok tal  35,4 tỷ USD. Bruk njauk menyai nan lac, dalam dom sruh kapan haoh ni hu 150 sruh 737 MAX 10 phiên bản bahrau di  Boeing,daok hu ngak iek saong hu dom jabat khik ramik siam mekre kapan haoh Mỹ tui iek catang. Tui urang pal akaok di United Airlines, harak pambuak bruk blei pandap ni  hu makna biak praong, brei mboh jalan patagok veik du lịch meng hu  vaccine Covid-19./.

Urang lang: Hanipha- Ái Nghiêm -1/7