Kadha: “Urang ngak hamu cong thau” harei ni, khol hulin likau tacei ka mik va urang nong ilamu pala njam hacih saat meng công nghệ bahrau, daa mik va song tong abih gauk tui pang.

Urang nong: pathau kỹ sư pala njam hacih ba mai kein liba hagait?

          Kỹ sư: Urak ni, công nghệ pala njam hacih hu siam lagaih di labik lac pala pak halei jeng hu, meda pala di ban công, angaok sân thượng, mblang bein dalam sang. Nan daok lac sa bruk me-in sambai jang yau iek glang phun bingu cảnh. Tui kuhria mboh di dom urang ilamu, meyah yaok boh sang pala meng 2 tal  4m², khol drei meda hu labaih 1 triệu m²  mblang bein hajao dok di dom ban công, sân thượng, bein sang.

Meng công nghệ pala njam hacih saat, yaok thun urang nong meda pala hu meng 11 tal 12 vụ, oh daok lac meng 1 tal 2 vụ yau meng dom saman ini mai pala angaok taneh. Công nghệ ni meda pala hu di dom labik taneh oh pala drak hu, min jeng hu rilo njam siam, hacih.

Urang nong: Pathau kỹ sư brei kuhria caga hagait tuk pala njam hacih di sang.

         Kỹ sư: Yaok boh sang brei hu talam katak, hộp mút xốp, thung katak hu phluh bahon, 100g asar ratak pala dalam sa talam atau hộp mút xốp, pala meng 5 tal 8 harei meda mek hu 1kg rau mầm ... Yau nan, dut song yaom njam patam di angaok darak pasa yau urak ni ye pala rau mầm dok hu kein laba KT. Min jalan ngak ni hu nhược điểm lac meng 4 tal 5 tuk brei pruh ia sa mbang. Tuk langik pandiak thu brei pruh ia rilo jang. 

          Nông dân:  Pathau kỹ sư buh khak yau habar piah hu siam, lagaih.

Kỹ sư:  Taneh saat hu lai song khak hữu cơ sinh học caik dalam talam, thung nhựa, jalan ngak ni piah pala dom janih njam yau njam sabei, njam puan. Pala yau ni oh cang labik praong, tok hu ia harei siam ye hadei di 5 tal 7 harei, ngan song 10 asar pajaih meda mek hu meng 100 tal 150g njam hacih. Taneh dok veik meda pandar veik min brei kuac pasoh tagok, duan klak abih gha dok kandong veik, buh pabak taneh siam tame.. Tui jalan pala njam yau ni, brei palih labik hadah hu ia harei, meda pandar hu dom janih pandap khut, klaak yau talam, thung nhựa, phein haluk, hộp xốp, gah ala phluh meng 3 tal 5 bahong piah tathuak ia, meng jalan ngak ini, mik va meda pala di sang piah hu njam hacih piah mbang./.