Palei ilamu – DL dom bangsa VN peih pabah mbang taduan tuai meng bilan 9 thun 2010, palei praong 1500 ha, hu dom palei bangsa yau: Tày, Nùng, Mông, Ê Đê, Gia Lai, Chăm… Dom palei ini jeng hu dom kiến trúc sư, urang roh duah padang ngak tui tỷ lệ 1/1. Haadei di 5 thun, tuai mai ini labaih 200.000 mbang urang sa thun, dalam nan eng tuai mai maong iek tok hu 100 ribau mbang urang, ralo meng lac tuai eng drei mai, oh ka tapa dom cty lữ hành. Tapa nan meda lac, bruk praong abih piah ka dự án hu kein lagaih nan lac brei hu rilo tuai mai min bruk ini oh ka ngak hu

Ban khik iek palei ilamu – DL dom bangsa VN jeng mboh lac, bruk kurang dom dịch vụ tuai mai maong iek, bruk ngak ilamu oh gam gam, oh pachreih urang saong công trình ilamu hu kadung jien karja buh tabiak ngak oh ka hu kein lagaih lac makna ngak ka tuai damuai, cty lữ hành oh iek lac labik pachreih urang mai dalam dom tour DL. Njauk caik hatai nan lac tukvak ini, palei ilamu – DL dom bangsa VN oh ka pachreih hu dự án buh jien tame ngak dịch vụ me-in, giải trí, nhà hang, khách sạn, ilamu thể thao. Kayua yau nan ye, tuai mai maong iek oh ka hu labik me-in, labik mbang menyum padeih padei nan ye tok iek labik ini lac labik padeih takai dalam tukvak katut panak. Nguyễn Ngọc Anh, sinh viên khoa DL – Viện ĐH mở HN mai ini brei thau:

"Brei hu dom dịch vụ thiết yếu jang yau gom điện, atau dom dịch vụ giải trí duh ka menuac urang meng hu. Kol adei daok di labik ini khin hasit ia jeng atah bayah, radaih nao kan kandah”.

      Tui danak dak patagok palei ilamu – DL dom bangsa VN, dom palei bangsa bhian hu urang bangsa mai daok tui jalan pajeng gauk, salih gauk, piah brei mboh veik dom rija roya, kadha me-in bhap bini, ragu daoh, ragam tamia. Tukvak tapa, palei pambuak saong dom puk palei barau pachreih hu meng 6 tal 7 mbang sa thun ngan saong abih tih 1000 urang sa thun. Ban khik iek taduan hu rilo panuac di tuai damuai lac oh ka pabak hu dom dịch vụ thiết yếu saong abih di nyu nan lac oh chuyên nghiệp dalam bruk ngak di labik dom palei bangsa. Sa dalam dom bruk di dự án nan lac ngak ka labik ini jeng pasak du lịch ilamu, labi pachreih hu rilo tuai damuai dalam saong langiu taneh ia, min labik ini urak ini oh ka hu sa janih dịch vụ halei. Labik praong hu 7 cụm palei bangsa, min tok di hu dua urang tacei jalan, langyah brei thau.

Ông Nguyễn Thanh Sơn, giám đốc ban khik iek palei ilamu – DL dom bangsa VN brei thau, bilan 7 tal hu peih ngak dự án padang dịch vụ saong khai thác kinh doanh. Tui nan, dom pandap, dom dịch vụ ndung bak ilamu bangsa, meda yaih khan hu siam, ngak jeng pren pachreih urang, pabak hu siam jang hatai caong di tuai damuai tuk mai maong iek saong ngak bruk di palei, nan lac pablei harak maong ik; padang labik mbang huak brei mboh veik khung cảnh plei pala, pandar sang di bangsa piah peih bruk du lịch kapul nyaom saong peih dom dịch vụ mbang, ndih. Dom doanh nghiệp hu pah taneh saong mbaok ia piah padang ngak hạ tầng du lịch. Ong Nguyễn Thanh Sơn lac:

     "Dalam palei ilamu kol dahlak daok ruah duah piah padang ngak labik taduan bhap bini bangsa,  ruah duah pambuak bruk piah pabak hatai di tuai damuai. Lingiu  di nan kol dahlak jeng daok padang dom tua dalam harei, tua dua harei piah pasiam bruk du lịch"

     Tabiak truh palei ilamu – DL dom bangsa VN, kol dahlak mboh rilo tuai damuai daok damen ka labik DL praong, siam min biak joa lange saong oh ka thau tuk halei mai veik. Ralo menuac dom harei, joa lange abih thun nan lac bruk mboh di anak meta di palei ilamu dom bangsa. Jien buh tame ka dự án hu rajaei mbaoh tangin brei dalam tukvak 2008 – 2015 tagok tal 3200 tỷ đồng min bruk ngak saong kein lagaih di dự án ini oh ka samu saong yaom jien biak praong meng kadung jien karja. Yau nan, ban khik iek palei ilamu – DL dom bangsa VN brei duah jalan langyah, đầu tư saong khai thác hu kein lagaih; patagok pren ngak bruk di dự án, jui daok la cang kadung jien karja buh brei./.