Kan kandah kayua jit Covid-19 nyu pachreih dom palei ngak duah jalan piah dang kajap

Sa-ai Nguyễn Hoàng, po doanh nghiệp ngak pandap kayau di xã Xuân Tâm, huyện Xuân Lộc, brei thau, 3 bilan tapa, 1 labik ngak pandap saong 2 labik pablei salih di sang sa-ai njauk kareik pabah mbang. Yaok pluh ruang ngak klaak nao palei atau nao ngak di labik karei, urak ini labik ngak di sa-ai Hoàng tok hu jaik 20 urang ngak. Kayua oh ginup prein peih ngak tui jalan “3 di labik”, nan ye dom urang ngak ini jeng daok sang pah, yaok bilan sa-ai Hoàng njauk buh tabiak dahlau meng 4-5 triệu sa urang piah khik takai urang ngak. Rilo pandap ngak tabiak dahlau di nan oh nao jao hu, saong yaok pluh bruk hu mboh tangin pambuak bruk ngak nội thất kayau oh ngak hu kayua kayau blei meng negar langiu jeng daok ndih di pabah lamnge. 

Labik ngak pandap kayau di sang sa-ai Ngô Huỳnh Diệu, xã Xuân Hưng, jeng gaok kan kandah yau nan. Urak ini, sa-ai Diệu tok khik veik oh ka tal pluh urang ngak piah ngak dom bruk oh ka ngak salah.

Palei ngak lan am mỹ nghệ Đồng Nai lac sa dalam dom palei ngak meng kan daneiy angan abih di tỉnh, dom janih pandap ngak tabiak labaih sa meteh lac pablei tapa negar langiu, daok veik lac pablei dalam negar. Meng bilan 3-2020 tal ini, pandap lan am mỹ nghệ pablei suai nan ye dom labik ngak brei patrun công suất, atau brei padeih ngak...

Dang anak dom kan kandah yau gauk, dom palei ngak meng kan di Đồng Nai salih tapa darak pasar dalam negar saong pataom tame duah jalan ngak mbang bahrau; saong piah khik bruk ngak mbang, pablei salih, dom labik ngak hu salih tapa jalan pablei salih online.

Sa-ai Nguyễn Văn Sỹ, po labik ngak kayau Tiến Vy di ban Biên Hòa, brei thau, labik ngak di sa-ai mai veik haong darak pasar dalam negar, duah dom urang blei takre me-in kayau mỹ thuật trang trí dalam sang, dalam mblang bein. Piah pachreih urang blei pandar dalam negar, sa-ai hoang urang ngak duah jalan ngak tabiak dom mẫu mã bahrau, gheih, yaom pablei meriak gauk. Meng samar duah thau hatai caong khin di darak pasar dalam negar, duah dom urang blei di gah Meraong, gah kreh negar, saong gah Barak nan ye bruk ngak pandap, pablei pandap di palei ngak mboh hu hadah hadai jang  dalam tukvak jaik di ini.

Jeng duah hu labik pablei, ong Đỗ Minh Sơn, Yam ndok Cty TNHH Lan am mỹ nghệ Hoàng Mỹ di Cụm công nghiệp lan am Tân Hạnh (ban Biên Hòa), brei thau, meng tuk rah tabiak jit ruak, ong salih tapa taom gaok, ndom biai haong urang blei tui jalan online. Langiu di bruk meyaih khan dom janih pandap hu blaoh, ong Sơn daok tacei jalan ka urang blei pandar palih ruah dom janih pandap ka nyu laghaih haong bruk urak ini, pandap kayau ma-in dalam sang, sambo màu di baoh sang atau di mblang bein... Nan ye, meng puac thun 2020 tal ini, công ty hu rilo đơn hàng saong oh daok having akaok duah jalan pablei pandap

Salih jalan pablei salih online jeng lac jalan ngak di sa-ai Hoàng Ngọc Toàn - nghệ nhân, po labik ngak lan am xã Vĩnh Tân, huyện Vĩnh Cửu. Meng jalan ngak ini, labik ngak lan di sa-ai ngak hu labaih meteh dut haong tuk ka oh hu jit, daong oh klaaoh bruk pabak brei ka urang blei. Sa-ai khan lac: jit ruak di Đồng Nai jang yau di huyện Vĩnh Cửu daok trun, rilo labik hu peih ngak veik, doanh nghiệp baoh sang caong khin samar hu klauk vaccnie ka urang ngak piah ka dom urang nan mai veik ngak bruk./.

Urang lang: Jasi – 08/10