Pahadar 25 thun harei padang Kapul urang dahlau deih ngak bol lin VN (6/12/1989 – 6/12/2014), Lê Thơm, urang vak di rayo sap ndom VN hu khan brei thau dom kreih camin hadah di dom kapul, urang hội kapul urang dahlau deih ngak bol lin VN. Dom urang hội, kapul nyaom cơ sở ni hu jalan ngak siam, gheih, hadah krah, patagok ilamu “Bộ đội Cụ Hồ”, daok rik dong biak rilo dalam bruk patagok di XH.    

Labaih 10 thun tapa, bhap bini phường Láng Thượng, quận Đống Đa, Hà Nội  hu bhain randap song bruk dom urang dahlau deih ngak bol lin tabiak jalan song gah cảnh sát giao thông piah phân luồng, langyah dom bruk oh an toàn, ngak suan hukum nao mai angaok jalan mbak, khik caga trật tự an toàn giao thông. Piah paglong akaok sahaneng di urang hội tuk nao mai angaok jalan mbak, tong abih dom urang hội song boh sang jeng hu tut angan tame harak sanya oh lih tabiak jalan, khik caga dom công trình giao thông, abih di nyu nan lac dom boh sang daok di labik hu hu rilo menuac, sang bac, sang iek ruak. Taphia di nan, dom urang jakar, urang hội dok hu rik dong yaok rituh triệu đồng piah pasiam jalan mbak, gom hadah piah khik siam mekre salamat ka bhap bini tuk ndik radeih angaok jalan. Ong Lương Văn Lưỡng, Chủ tịch kapul dahlau deih ngak bol lin phường Láng Thượng, quận Đống Đa, Hà Nội brei thau: Yaok bilan khol hulin taom gaok ginum biai song công an phường piah taong yaom song pasiam veik dom tavak tavaiy dalam tuk peih ngak. Khol hulin patagok bruk ngak hu, pambuak bruk hong công an song gah trật tự khik caga trật tự an toàn giao thông. 10 thun tapa, khol hulin hu dong pathau khan pato pakai brei bhap bini thau paglong akaok sahaneng, pan njauk hukum nao mai angaok jalan, dong langyah dom labik  gar jalan.      

Oh lac rik dong khik ramik trật tự an toàn xã hội, Kapul urang dahlau deih ngak bol lin di dom tỉnh dok caik hatai tal bruk patagok KT di puk palei. Lac xã bhum ceik hu taong abih menuac lac urang bangsa Mông, Kapul urang dahlau deih ngak bol lin xã Nậm Khắt, huyện Mù Cang Chải, tỉnh Yên Bái hu 55 urang hội  min boh sang kan kathaot hu tal 80%. Patagok ilamu “Bộ đội Wa Hồ”, urang dahlau deih ngak bol lin xã Nậm Khắt tuk halei jeng nao dahlau dalam rilo bruk di puk palei, jak ba song dong gauk patagok KT, patruh eik patrun kthaot. 5 thun jiak di ni, Kapul hu jak ba dom urang hội ginup meda song dom urang hội rik dong pasiam sang taik tahak ka urang hội. Kapul jeng kham merat pathau khan dom ilamu khoa học kỷ thuật song jak ba urang hội ba tame bruk ngak mbang pala drak, patagok KT. Nậm Khắt urak ni hu rilo boh sang urang hội patagok KT tui jalan pala phun thảo quả, tuk camereip yaok baoh sang yaok thun mek jien tame hu meng 70 triệu đồng tal labaih 200 triệu đồng. Ong lý Vảng Chua, Chủ tịch Kapul urang dahlau deih ngak bol lin xã Nậm Khắt brei thau: Jalan piah patruh eik patrun kathaot meng thun 2012 tal thun 2017, ka sa lac patagok bruk brei mesraiy jien piah ngak mô hình cambaih laih jang. Ka dua lac pala glai, khik caga glai song pala thảo quả piah khik glai, khik halau ia. Taphia di nan, urak ni dok salih sa vụ tapa 2 vụ min ngak padai song pala tangei oh hu nan ye pala njam hacih piah pablei.  

Nan bahrau lac 2 dalam yaok rituh urang dalam Kapul urang dahlau deih ngak bol lin cơ sở mai hu mbaok dalam nyaom roya pakacah gauk anit ranam taneh ia mbang ka 5 di kapul urang dahlau deih ngak bol lin VN Trung tướng Phùng Khắc Đăng, Phó Chủ tịch Kapul urang dahlau deih ngak bol lin Việt Nam brei thau, hu rilo kreih camin urang dahlau deih ngak bol lin meng dua plak tangin saoh yam tagok, tuk ginup meda ye sahaneng chip tal bruk dong ka đồng đội. Ni lac bruk ngak siam, njauk pambak praong dalam dom cơ sở hội jeng yau dalam XH. Tapa nan, pambuak pakajap jang talei jum pataom di urang dahlau deih ngak bol lin dalam taneh ia. Trung tướng Phùng Khắc Đăng lac: Tapa dom bruk ngak ni meda lac urang dahlau deih ngak bol lin khol hulin pambuak pakajap song gauk. Hu mban liên lạc di dom đơn vị saman mesruh metak dahlau deih jeng dok tom gauk, tuk gaok kan kandah jeng hu dong gauk. Meng bruk ngak ni nyu patagok biak siam talei jum pataom oh lac di dom urang dahlau deih ngak bol lin harei ini bo dok pambak tal anek kamuan di urang dahlau deih ngak bol lin jeng hu bac megru ngak tui.

Urang dahlau deih ngak bol lin VN, dom urang hu dang tagok mesruh metak peih paha bangsa dahlau deih, urak ni dok hu dom bruk ngak siam lagaih song hu makna dalam bhap bini, njauk lac dom kreih camin hadah ka menuac sia song anek taco pasang tame, ngak tui./.