Meng dom harei puac bilan 4, akaok bilan 5, labaih 50 uranaih di Kapol Dam dara halan hatian Daong urang ruak di Mạng lưới Halan hatian pakat negar bhum gah Barak ngak miat jaik 5 ribau tamo pacang ia prah piah alin ka dom tỉnh, ban daok gaok kan kandah kayua jit Covid-19…Meng hu caga blaoh pandap piah ngak saong hu ilamu ngak meng dom mbang jit dahlau, nan ye bruk ngak tamo hu dom ayut dam dara ngak biak samar, sumu ba nao tal dom labik brei daok karei saong labik akaok pacang jit. Gam haong nan, rilo kapol urang dam dara halan hatian di dom sang bac đại học di  Hà Nội saong dom đơn vị di dom tỉnh Vĩnh Phúc, Hà Nam, Bắc Ninh, Bắc Giang pambuak bruk iew dom đơn vị, doanh nghiep, kapol nyaom, urang ngak pahala saong dom menuac urang daong ka bruk pacang jit mbang ka 4 ngan saong pandap  lac: 43.000 blah khau trang y te, 300 kalaok ia rao tangin diệt khuẩn, jaik 5 ribau tamo pacang ia priah. Dom đơn vị di Mạng lưới Halan hatian pakat negar bhum gah Barak jeng hu daong yaok ribau paok pandap yaom jaik 1 tỷ đồng di bhum plei hu jit. Sa-ai Nguyễn Xuân Trường, Phaok Ban thường trực Mạng lưới Halan hatian pakat negar bhum gah Barak brei thau:“Mbang ini jit ruak pambak praong jang saong rilo tỉnh ban jang min gah pambuak bruk yau khol dahlak saong dom gah pak di labik ye hu caga dahlau saong tuk halei jeng caga tame bruk. Yaom lac, raidiuk bhap bini gaok kan kandah jang min thei jeng abih hatai rik daong jang dahlau”.

Gam saong bruk halan hatian di dom ayut dam dara, Ban Công tác xã hội Khóa 93-96 PTTH Hà Nội jeng hu jak ba yaok pluh ribau urang dalam nyaom rik daong pandap saong jien piah blei pandap y té, khau trang, ia rao tangin. Oh ka tal sa adit iew daong, dom urang di Khóa rik tame labaih 300  trieu dong gam haong yaok ribau pa-op khau trang, ia rao tangin sát khuẩn, mi tom, ia tasau piah halaih brei ka dom sang iek ruak daok pacang cakak saong dom labik brei daok karei di dom bhum palei gaok kan kandah trak damah kayua jit Covid-19 yau Vĩnh Phúc, Bắc Giang, Bắc Ninh. Anh Nguyễn Phan Giang, Akok  Ban Công tác xã hội, Niên khóa 93-96 PTTH Hà Nội lac:“ Langiu di bruk daong ka dom y bác sĩ ye Khóa 93-96 Hà Nội daok hu daong biak ralo ayut dalam khóa bac hu raidiuk kan kandah yau brah, jru atau daong ka dom ayut hu phone tangin atau komputer piah bac online di sang. Dalam kan kandah dak mboh hatai anit ranam gauk di urang Viet Nam biak gheih. Dahlak mboh biak hu makna kayua rilo ayut oh labaih jien padai hagait gaok mai lac kan kandah min daok  rik tame bruk ngak pahala di Khóa, langiu daong bruk pacang caga jit Covid-19 ye daok daong ka bhap bini kan kandah dalam dom danak dak di khol dahlak.

  Langik pandiak di bilan 6 oh meda ngak alah metah hatung hatian di dom urang ngak pahala. Oh huac kan kandah, gaih glar, dom sruh radaih pajeng pandap yaok harei peih tame dom labik brei daok karei. Yaok ribau paok lisei ngak pahala di rilo nyaom halan hatian hu payua tal dom urang ruak, gauk gar urang ruak, y bác sĩ di sang iek ruak K labik Tân Triều saong Tam Hiệp. Pachreih tui panuac iew daong di sư thầy Thích Đàm Hoài, Trụ trì baha Phúc Long, xã Vĩnh Quỳnh, huyện Thanh Trì, Hà Nội, rilo urang ngak pahala rik jien, pandap saong prein yawa gam saong baha tahanek lisei brei saoh ka sang iek ruak tal tuk abih mbang jit ruak ini. Langiu di nan, sư thầy Thích Đàm Hoài daok hu panuac ieu dom urang ngak pahala daong yaok ribau pa-op khau trang, ia rao tangin, mi tom, ia tasau, ngak camin pacang ia prah tal dom labik daok karei di dom tỉnh Bắc Giang, Vĩnh Phúc, Bắc Ninh. Sư thầy Thích Đàm Hoài lac: Dahlak jeng yau dom phat tu sahaneng lac njauk nao tal labik mikva kurang, brei ka mikva. Tapa nan, dahlak khin kakei dom phat tu lac khol drei, lac urang Việt, tuk halei jeng brei hu bruk anit ranam klak rabha, daong ka urang, nan jeng lac hatung hatian di anek menuac Viet Nam.

Daok biak rilo dalikan ka dom kapol nyaom, menuac urang, doanh nghiep daok rik daong haong Rajaei dalam bruk pacang caga jit dalam dom harei tapa ngak ka manuac sia druat druai. Nan lac dalikan di muk taha umo 87 thun daok di Huế nao dalam pandiak, juak radaih  ba ia  saong kruac alin brei ka labik pasang iek jit Covid-19 atau dalikan mBan Chỉ huy quân sự huyện Thanh Thủy, Phú Thọ brei urang lin nao daong mikva xã Tân Phương yuak padai langiu labik pacang cakak; bruk ca sĩ Tùng Dương jak ba ayut sahabat blei pandap pajeng tame tapak labik  brei daok karei  saong rilo dalikan biak druat druai karei ndem tal bruk anit ranam gauk dalam tuk jit…Dom bruk ngak gheih mekre dalam bhap bini dalam dom mbang jit Covid-19 hu brei mboh hatai jia ka hatai siam, bruk klah rabha, trach nhiem saong jalan sahaneng di anek manuac tuk halei jeng pasang hadah njauk tuk saong mbluak jang nan lac bruk am ap, dom bruk ngak gheih mekre hu ba anek manuac mai jaik gauk jang, pambak praong prein khang jum pataom bangsa./.

Urang lang: Aí Nghiêm -6/6/2021