Tỉnh ĐakLac  patagok pandap panda di drei piah pablei tabiak drak pasa 

Tui Sở Ngak nong saong patagok palei pala Đắc Lắc,ngak tui bruk ba tabiak di danak dak OCOP thun 2020,Hội đồng taong yaom,parabha labik dang OCOP di tỉnh hu peih bruk brei tanut taong yaom, brei labik dang mbang ka I ka 12 janih pandap di 6 huyện saong ban sit.Tapa nan palih ruah hu 11 janih pandap siam gheih, dalam nan hu 1 janih pandap mek hu 4 baoh patuk  saong 10 pandap mek hu 3 baoh patuk.Ini lac dom janih pandap hu pren khang di dom puk palei,hu angan je saong duah thau hu asal di nyu mai meng halei.

Tapung ca cao tamo di Công ty TNHH Ca cao Nam Trường Sơn (huyện Krông Ana) lac pandap mek hu 4 baoh tapuk dalam mbang dak labik dang akaok meti di tỉnh.Ong Trương Ngọc Quang, akaok công ty brei thau, doanh nghiệp hu mbaok tame rilo hệ thống chứng chỉ, min ngan haong OCOP lac danak dak prong oh lac di tỉnh bo daok lac di taneh aia.Tuk hu mbaok tame taong yaom Chứng nhận pandap panda OCOP, công ty jeng caong khin brei mboh veik yaom glaong di angan je, langiu di nan meda hu thau gauk, pambuak bruk ngak tabiak pandap OCOP piah ngak hu pandap siam jang, hu darak pasar tani tanat dalam saong langiu negar.

Lac sa dalam dom janih pandap OCOP hu pagam 3 baoh patuk, angan je Tapung kanjik Kim Luyến (huyện Cư M'gar) sa mbang tra brei mboh chất lượng pandap saong pakhang labik dang di drei angaok darak pasar. Amuk Trần Thị Kim Luyến, po labik ngak Tapung kanjik Kim Luyến brei thau, mong mboh hu darak pasar  prong di janih pandap tapung kanjik nan ye amuk ba tangin tame ngak iek dom janih tapung siam. Akaok thun 2019, amuk Luyến khang hatai tut angan Tapung kanjik Kim Luyến saong peih labik ngak tapung kanjik piah pablei tabiak darak pasa. Tui jalan ngak lac ba tal urang blei pandar janih pandap hacih, sa-at, siam ka pren yava, yaok bruk dalam tuk ngak hu pasang iek biak catang, pandar jamriak bahrau,oh pandar chất nhân tạo. Meng nan, pandap di labik ngak ginup tiêu chuẩn piah pablei tapa darak pasar Mỹ, Nhật Bản, Singapore…Yaok thun, labik ini pablei tabiak jaik 2 tấn tapung kanjik katam, kanjik mbong.

Danak dak OCOP hu mong lac jalan ngak siam piah patagok nyaom pandap pakat xã, huyện. Gam haong nan, ba bruk padang ngak palei pala bahrau tame dalam, kein laba,khang kajap. Kayua yau nan ye,Đắc Lắc ba tabiak jalan ngak lac tal abih thun 2020 meda hu ngak salah blaoh, paglaong 27 janih pandap OCOP dalam gah ngak nong saong dịch vụ, rivang ma-in palei pala urak ini daok hu di dom puk palei; brei angan 1 - 2 janih pandap 5 baoh patuk pakat negar, 10 – 12 janih pandap 3 – 4 baoh patuk pakat tỉnh; kham merat padang 1 – 2 palei rivang ma-in, palei ilamo pambuak haong labik daok di bhap bani palei pala bahrau. Urak ini tỉnh dak labik dang hu ka 11 janih pandap,dom janih pandap daok veik daok hu  taong yaom dalam mbang ka II, thun 2020.

Ong Nguyễn Hoài Dương,akaok Sở ngak nong saong patagok palei pala Đắc Lắc brei thau,bruk parabha janih, brei labik dang, pagam patuk ka dom janih pandap OCOP lac hu makna biak prong dalam bruk brei mboh chất lượng dom janih pandap ngak nong, lingiu ngak nong, dịch vụ di dom puk palei, rik daong patagok yaom glaong saong hu sa darak pasar pablei tani tanat,khang kajap.Bruk pagam patuk saong hu brei tem thau hu asal di nyu lac brei mboh ka chất lượng pandap panda, plaih bruk ngak ja, ngak mblah.Ini jeng lac jalan peih tabiak piah paglaong dom janih pandap daok hu di puk palei saong paglaong jien mek tame ka doanh nghiệp,hợp tác xã, baoh sang ngak pandap, pablei salih.

Yau nan min, piah mek hu dom tiêu chuẩn patuk pakat negar (5 patuk),dom labik ngak oh padeih paglaong chất lượng, cak rok patagok, meyaih khan pandap panda,abih di nyu lac sangka jhul patagok chuỗi giá trị,pambuak haong pren khang saong bruk hu mbaok tame di bol bhap rah ra./.

Urang lang: Jasi -20/12