Đờn ca tài tử yau sa janih pandap mbang di urang dok di palao Thổ Chu (tỉnh Kiên Giang). Dalam tuk rai duik dok rilo glaih glar, kan kandah, bhap bini di labik ni thau mek dom panuac daoh piah ngak sambai hatai. Kayua yau nan ye bo kalup kapul đờn ca tài tử song doh takơ di kapul urang nong di palao Thổ Chu hu tabiak rai, kayua ong Lê Trường Giang, sa urang dok di xã palao padang tabiak. Tal palao Thổ Chu, khol hulin mboh sambai hatai jang tuk hu mboh rai duik di bhap bini hu ginup meda jang dahlau, saong daok hu pang đờn ca tài tử menyi tagok di kreik krong ribong langik tasik. Daa mik va song tong abih gauk pang kadha vak: “Pang đờn ca tài tử di angaok palao Thổ Chu” di urang vak Phương Thúy.

 Ong Nguyễn Văn Tám dok di Rạch Giá, Kiên Giang livik livik hu tabiak palao Thổ Chu rivang boh sang parui di drei nan lac ong Lê Trường Giang song amuk Nguyễn Thị Dung. Mbang halei jeng yau nan, tal labik bo gaok daoh, dom ong nan ba capi tabiak doh. Dom lagu capi, dom panuac doh jeng ginup piah brei mboh hatai di urang tuai dok di atah mai.

Tabiak rivang parui, di labik ni kalup kapul đờn ca tài tử di adei saai, urang doh jeng rilo, urang paik capi jeng rilo. Hu mbaok di labik ni, dahlak jeng ba drei tame daoh haong adei saai. Hulin mboh bui sambai lô.

Dom urang hu mbaok tame bui sambai harei ni song boh sang ong Lê Trường Giang jeng lac adei saai, puk paga dok di palao Thổ Chu. Meng di harei tom gaokgauk di palao kaoh, piah patrun bruk uan palei, uan baoh taneh, urang jak gauk padang tabiak kalup kapul đờn ca tài tử song doh takơ di kapul urang nong palao Thổ Chu kayua ong Lê Trường Giang dang akaok. Tuk camereip, kalup kapul hu jiak 20 urang. Lavik livik harei, kayua jar var haong bruk ngak mbang duah jien, kalup kapul urak ni dok 8 urang min. yaok meteh bilan urang taom gauk sa mbang. Ndom yau panuac di ong Giang ye “hu ginup menuac ye pataom gauk veik”, yaok mbang dalam 2- 3 harei urang doh, urang paik capi. Meng bruk dalam rai duik gam song dom bruk dalam sajarah dak rai, ong Giang jeng lac urang vak panuac bahrau ka đờn ca tài tử piah adei saai daoh.

Hulin lac urang dalam Hội Văn học nghệ thuật di huyện palao Phú Quốc Hulin bhian paneh dom kadha doh piah pachreih urang ngak bruk siam di angaok palao ni. Kadha doh ka amaik VNAH hulin paneh meng thun 1995 song hu công nhận lac hội viên di kapul meng tuk nan..

Takre doh, dom ong muk dalam palei  klak jien kadung tabiak blei nhạc cụ. Urang jeng ramik sa labik piah daoh di mblang bein. Lavik lavik hu tuai tabiak rivang palao, urang hu taom gauk daoh nao mai. Dalam palei hu likhah caga, jeng hu daa kalup kapul mai doh pamơrơ. Amuk Trần Kim Hằng, sa urang bhian doh dom lagu tân cổ dalam kalup kapul brei thau “Amuk bahrau tame doh meng 4-5 thun ini mai, bhain doh dom kadha doh yau Hàn Mặc Tử”, “Lá trầu xanh”, trích đoạn “Đêm lạnh chùa hoang”… Hu tuk taeng muk đóng rilo vai dalam sa trích đoạn. Dua duik pasang muk daoh haong gauk biak bingi pang. Yau dom urang karei dalam kalup kapul, muk jeng cong khin hu taom gaok, daoh takơ nao mai haong dom kalup kapul di dom puk palei karei, min biak kan ngak hu kayua jalan mbak nao mai kan kandah.

Takre doh lo, khin nao daoh di labik ni labik deih brei thau, min oh ka hu điều kiện. Urak ni drei nao halei ayhut sahabah nao tal nan, taom gaok song adei saai bui sambai lo. Hu tuk nao di An Giang gaok kalup kapul Bình Minh. Mboh kapul urang ngui capha patih cuk aow meriah, drei caong hu yau nan nao taom gaok labik ni labik deih brei thau.

Jeng kayua jien dong biak takik nan ye bruk hu mbaok dalam kalup kapul jeng lac halan hatain. Ong Lê Trường Giang brei thau, meyah oh hu bruk pachreih tui di duik anek ye oh sahanang hatai iek glang ka kalup kapul./.

Khik ramik hu kalup ni meng hu bruk pachreih tui di diuk dahlak. Diuk pasang njauk gauk bruk hagait jeng ngak hu. Ni lac kadha praong piah ngak hu bruk. Nan ye tuk drei sambai ye tong abih urang jeng sambai tui.

Ngan song dom urang dalam kalup kapul đờn ca tài tử song doh takơ Kapul urang nong palao Thổ Chu, bruk takre doh, hu taom gaok daoh nao mai hu makna jang labik halei. Di kreh palao atah, sap doh di urang mboh yau lai li-an jang, yau hatai anit ranam di dom urang  dahlau di abih lac padang mbang ngui, khik kajap hatai jia, ba gauk khik pulao, khik tasik./.