Meng rilo thun ni mai, pasak dong ba ka dam dara urang ngak ban raya HCM hu mong lac sa boh sang di dam dara, urang ngak, ban raya. Meng boh sang ni, rilo dam dara urang ngak, abih di nyu nan lac dom urang dok atah palei, hu rai duik kan kandah hu dong patagok rai duik mbang ngui, akaok sahanang song pasram paglong chuyên môn nghiệp vụ. Meng nan dong ka urang hu rai duik siam mekre jang. Kadha vak di urang vak Ngọc Luân, dok di ban raya HCM. 

Duik pasang Nguyễn Văn Nam dok di  phường Tam Bình, quận Thủ Đức, ban raya Hồ Chí Minh likhah hu 4 thun song urak ni biak haniem phol song 2 urang anek, sa likei, sa kamei. Saai Nam drut droi hadar veik, haduik pasang saai meng di gah kreih negar tame Bei Gon padang mbang ngui. Dua duik pasang saai ngak công nhân, rai duik KT kan kandah yau nan ye ranam gauk lavik ye bo oh ka ndom tal bruk likhah caga. Biak metuah jamo saai hu pasak dong ka dam dara urang ngak ban raya dong ba, peih ngak likhah song brei rilo janih pandap hu yaom. Meng bruk likhah ni bo urak ni duik pasang saai hu sa boh sang haniem phol. Duik pasang saai Nam nan lac sa dalam 600 gu urang ngak jeng duik jeng pasang kayua bruk dong ba di pasak meng rilo thun tapa. Saai Nam brei thau:  Yaok bilan di Thành đoàn hu peih ngak dom danak dak main sambai ka adei saai urang ngak di khu lưu trú. Taphia di nan, dok hu dom danak dak palih ruah dom gu duik pasang, boh sang rong anek khang kajap, bac megru naih joi taduan hu dom ưu đãi di thành đoàn. Rai duik di urang ngak biak siam, drei mboh sahanang hatai. 

Pasak dong ka dam dara urang ngak, ban raya HCM nan lac sa dalam dom labik dong ba rai duik ka dam dara, urang ngak jiak pluh thun tapa. Oh lac iek glang rai duik, mbang ngui dok dang, yau langyah dong duah bruk ngak, sang trọ, dong bruk adat hukum, langyah ka bru kanit ranam gauk, likhah caga, boh sang, dom bruk ndom nyai nao mai, ilamu doh tamia... Pasak bhain peih dom mbang pasram megru kỷ năng, paglong tangin gheih ka urang ngak, pachreih ba DN dong ka dam dara urang ngak. Saai Huỳnh Ngô Tịnh, Akaok pasak brei thau: Dom danak dak di pasak tal dom ayuh sahabah meng abih hatung hatai. Gah pasak khaol hulin sahaneng lac hu atau oh lac nyu oh ka mai tal tong abih ayuh sahabah. Dok urak ni tong abih dom danak dak di khaol hulin, meng urang jakar pasak tal dom chuyên gia ye tuk halei jeng hu hatung hatai biak prong pabak ka dom ayuh dam dara urang ngak dalam abih khả năng di drei./.