Bruk pathau khan hu mai tal grauk labik urang dam dara ranaih umo 

Di tỉnh Yên Bái, dom thun tapa, bruk pacang caga HIV/AIDS hu rilo siam mekre. Ong Nguyễn Văn Hà, Akaok pasak pasang iek ruak kik  tỉnh Yên Bái brei thau bruk pacang caga HIV/AIDS hu padang ngak siam mekre meng tỉnh tal puk palei. Dalam nan, Sở Y tế lac jabat hu mbaok song ngak siam bruk tacei jalan, peih dom bruk pacang caga HIV/AIDS dalam tỉnh. Dom urang jakar ngak bruk pacang caga, HIV/AIDS hu pakhang song patagok ilamu, peih ngak gam gam saong hu siam lagaih. Abih di nyu nan lac bruk pathau khan jeng hu caik hatai iek prong pathau khan angaok rayo papar sap, papar binguk, song bruk pathau khan tui kapul nyaom sit, pathau khan di bhap bini song di dom labik y tế. Meng nan hu ngak patrun bruk neh rabha di bhap bini song urang njom HIV/AIDS, peih tabiak jalan daong ka dom urang nan hu iek ruak saong ba drei tame veik haong puk palei. Ong Nguyễn Văn Hà brei thau:

"Bruk daok pamaong ngak di dom thun anak tal lac peih prong bruk pathau khan, hu mbaok tame, patrun bruk njom mbak HIV; peih prong song parilo janih dut iek. Khol hulin daok brei jhul khang dom bruk pathau khan, salih bruk pacang caga HIV/AIDS, parilo jalan ngak song asar kadha pathau khan” .

Dreih yau nan, tỉnh Hà Giang tuk vak tapa jeng hu jhul khang dom bruk pathau khan  pacang caga hu siam lagaih piah ngak brei salih karei meng hatai sahneng tal bruk ngak di bhap bini, sangka dong brei, oh neh rabha urang njom  HIV/AIDS. Piah patrun patakik di abih bruk urang njom  HIV patagok. Yaok thun, pasak pacang caga HIV/AIDS tỉnh ni kham merat hu mbaok tame danak dak  patrun patakik kanyah jhak di dom huyện, ban tui jalan ngak 3 OH, lac; oh dok urang njom bahrau HIV, oh dok urang metai kayua AIDS, oh neh rabha urang njom HIV/AIDS. Hà Giang hu ba tabiak bruk lac “Abih menuac sia ba tangin tame pacang caga HIV/AIDS. Tui nan meng di akaok thun, Pasak pacang caga HIV/AIDS tỉnh Hà Giang brei jhul khang bruk pathau khan tapak, sangka paglong ilamu jang yau peih dom tal pato pasram ka urang pal akaok,urang jakar chuyên trách. Bác sĩ Nguyễn Thị Thanh Tâm, di pasak pasang iek ruak kik  tỉnh Hà Giang brei thau:

"Di pak ni, tuk khol dahlak iek ruak ka urang ruak ye jaik abih dom urang ruak bahrau nao tal balik iek ruak, tuk halei jeng huac urang iek lap, neh rabha drei. Min tuk mai tal ni, tong abih kapul y bác sỹ di khol hulin jeng abih hatai iek ruak brei. Kadua tra lac khol hulin  ngak habar ka urang ruak mboh hu bruk anit ranam, klah rabha". 

Meng akaok thun tal ni, UB bangsa  hu tabiak bruk pathau khan, jak ba bhum urang bangsa takik song bhum ceik pacang caga jru phein,HIV⁄AIDS.Bruk ni brei mboh hatai kham merat di UB Bangsa brei ka urang bangsa takik thau ka HIV/AIDS, tapa nan jhul kandun likuk, yam tal palahik abih ruak  HIV/AIDS di bhum bangsa. /.

Urang lang: Hanipha- 18/12