Jalan daok ba tabiak lac tal thun 2020, bhum taneran kraong Cuu Long jeng bhum praong ngak tabiak pandap panda kaya nong saong kaya ikan di taneh ia. Min bruk cơ sở hạ tầng, bruk đối ngoại di bhum ini jeng oh ka samu gauk, dom tỉnh oh ka patagok hu pren khang gah nao mai angaok jalan ia, daok kurang dom pasak logistics praong saong hệ thống vệ tinh…Meng labaih 700 km takai tasik min dalam bhum urak ini oh hu pabah lamnge tasik praong piah ngak labik pajeng ba. Dalam tuk nan, dalam bhum bahrau hu jaik 2.000 pabah lamnge kraong saong labik trun tagok pandap, min sit sot.

Urak ini, tui jalan toàn cầu hóa, khu vực hóa brei hu dom bruk cung ứng – logistics – bruk pajeng ba di bhum hu rilo pren khang gah kaya nong njauk pambuak gauk,  hòa nhập haong taneh ia saong dom negar di dunya dalam rilo gah piah jhul samar bruk patagok kinh tế. Kadha ba tabiak nan lac, piah ka bhum taneran kraong CL tagok samu haong pren di drei, ye bruk padeang ngak saong patagok chuỗi cung ứng -  logistics  urak ini lac bruk njauk samar ngak.

Tui ong Lê Duy Hiệp, Phó Chủ tịch Hiệp hội doanh nghiệp Dịch vụ Logistics Việt Nam (VLA), bruk ngak di logistics lac pambuak bruk pajeng ba pandap panda meng labik ngak tal labik pablei habar ka nyu samar jang, abih takik jien jang,saong brei khik hu siam chất lượng pandfap panda, caga hu khat lihik. Kayua yau nan ye, bruk sangka di dom urang dang akaok dom tỉnh, di Rajaei piah patagok abih gah kinh tế Tây Nam Bộ tui jalan logistics khang kajap, kein laba lac kadha praong: "Kol dahlak caong ieu dom doanh nghiệp logistics praong dang akaok kham merat buh jien tame ngak, sangka tal bhum Tây Nam bộ. Daok bruk raoh duah saong pato pakai, bhum ini njauk duah jalan pachreih dom công ty logistics hu jalan ngak siam, maong atah. Oh lac buh jien tame ngak, maong tal kein laba phun jien bo njauk sahneng tal bruk patagok ka dịch vụ logistics. Tây Nam bộ njauk roh duah hạ tầng logistics. Di labik ini hu bruk di hiệp hội ye kol dahlak biak kham merat. Sa kadha tra lac ngak habar pachreih hu dom hãng kapal tasik peih dịch vụ di labik ini, oh njauk lac di ban raya HCM saoh."

Tui kuhria mboh di mBan tacei jalan Tây Nam bộ, bhum taneran kraong CL rik tame 60% sản lượng kaya ikan saong labaih 90% sản lượng brah pablei tabiak negar lingiu di taneh ia. Kayua yau nan ye, bhum ini njauk padang dahlau pasak logistics. Kayua lac, tuk padang tagok, ini meda lac pasak dịch vụ hậu cần đa phương tiện dalam pajeng ba pandap pablei tabiak negar lingiu ka abih bhum.

Tui kuhria, tal thun 2020, dalam taneh ia hu 18 pasak logistics. Dalam nan, hu 3pasak hạng I saong 15 pasak hạng II. Ta-eng bhum taneran kraong CL hu 2 pasak II (pakat bhum), dalam nan hu 1 pasak sit di abih lac 30 ha tal thun 2020 saong 70 ha thun 2030. Pasak daok veik sit di abih lac 20 ha thun 2020 saong 50 ha thun 2030.

Ndom ka bruk ini, ong Phạm Anh Tuấn, Phó tổng giám đốc Công ty Cổ phần tư vấn thiết kế cảng kỹ thuật biển (Portcoast) khan lac, bruk padang pasak logistics di bhum taneran kraong CL lac bruk njauk ngak. Tapa nan, meda daong biak rilo ka bruk patagok khang kajap saong tani tanat di bhum. Min biak di nyu mboh lac, bhum ini jeng daok hu dom kan kandah:

'Dalam quy hoạch, Cần Thơ lac pambah lamnge đầu mối di bhum taneran kraong CL. Yau nan dom jalan pambuak meng pambah lamnge dom tỉnh tal Cần Thơ njauk sangka iek praong. Dalam bruk pambuak gauk dalam bhum ini, dom jalan kraong njauk patagok jang. Kadha tra nan lac pasak logistics, quy hoạch di Mintri Công thương hu paje, dom tinh jeng hu padang jalan ngak pasak logistics. Min maong rah tapa mboh daok kurang saong kan kandah.'

Ong Trần Khánh Hoàng, Phó Tổng Giám đốc Tổng Công ty Tân Cảng Sài Gòn khan lac, jalan patagok dom pabah lamnge tasik tui jalan patagok dom pabah lamnge tasik di bhum taneran kraong CL njauk nao tui jalan mek pabah lamnge Cái Cui di Cần Thơ ngak pabah lamnge pasak di bhum taneran kraong , saong brei ngak pasiam dom pabah lamnge sit dalam bhum piah pambuak gauk.

Tui ong Trần Khánh Hoàng, dự án buh jien tame ngak jalan kapal tasik praong pajeng rilo tame kraong Hậu hu ngak salah di akaok thun 2016. Meng nan, kapal tasik hu tải trọng 10.000 tấn pajeng bak saong kapal 20.000 tấn giảm tải tame tabiak pabah lamnge  Cái Cui:"Kol dahlak daok hu jalan pambuak gauk padang pabah lamnge Cái Cui jeng pabah lamnge pasak di bhum taneran kraong Cuu Long. Daok dom pabah lamnge daok veik dalam bhum meda pambuak haong Cái Cui. Bloh meng Cái Cui meda pambuak saong dom kapal praong tal Cái Mép, Bà Rịa – Vũng Tàu saong ban raya HCM piah tabiak nao dunya. Maong yau nan piah mboh labik dang lac pasak di Cần Thơ dalamTây Nam bộ."

Bhum taneran kraong Cuu Long hu labik dang biak praong dalam patagok kinh tế - xã hội; an ninh, quốc phòng di Việt Nam. Kayua yau nan ye, bruk bhum taneran kraong CL patagok hạ tầng saong dom yaom glaong dalam sản xuất, patagok logistics jeng chuỗi cung ứng hoàn chỉnh ngan saong dom pabah lamnge ginup prein trun tagok pandap, pambuak siam saong dom jalan pajeng ba meda daong patrun jien buh tame, patagok hu pren meriak gauk. Meng nan, patagokhu yaom glaong pandap panda ngan saong dom janih pandap chủ lực di bhum taneran kraong Cuu Long./.