Daok atah di ban raya HCM 100km, tỉnh Tây Ninh mbuan lagaih piah patagok du lịch dut song dom tỉnh ban dalam bhum ĐNB. Kayua ni lac tỉnh daok di labik lagaih, pambuak dom bhum KT meng jalan Xuyên Á, tapa nan pagam dom tour, tuyến du lịch ba tuai du lich meng CPC, Thái Lan, dom negar ASEAN tame VN atau ba tuai dalam taneh ia tapa du lịch negar sahabat. Gam song dom siam lagaih gah labik daok, TN jeng lac tỉnh hu rilo labik hu angan yau Khu Căn cứ Mặt trận bangsa peih paha gah merong, Trung ương Cục miền Nam song rilo inem krung ilamu karei karei yau Tòa thánh Cao đài, Tháp Chóp Mạt, ceik Bà Đen, binek Dầu Tiếng, Bein negar Lò Gò – Xa Mát đặc trưng ka bhum taneh dauk ia tui bilan. Ni lac dom siam lagaih prong piah ka TN patagok dom janih du lịch meng ilamu, sinh thái, padeih padei, mạo hiểm tal du lich tâm linh, roh duah ilamu khoa học.

Dalam tukvak tapa mboh lac, gah du lịch TN hu patagok, tuai mai tal yaok thun yaok mboh rilo jang. Thun 2013, TN hu 3 triệu 500 ribau tuai du lịch dalam song langiu negar, dalam nan taeng ceik Bà Đen  hu 2 triệu 400 ribau tuai. Min dut saong dom hagait daok hu ye Tây Ninh jeng oh ka patagok du lịch samu pren khang di drei. Kuhria tal tukvak ni, dalam tỉnh hu  440 khách sạn 1-2 patuk bo oh ka hu khách sạn 3 patuk, pasak peih ngak hội nghị jeng oh hu.. Dom labik du lịch di tỉnh biak takik, rilo meng daok dalam « dạng đầu tư ban đầu » yau Long Điền Sơn atau di « dạng tiềm năng » yau Ma Thiên Lãnh, binek Dầu Tiếng. Lingiu di nan, dom labik du lịch hu angan  di tỉnh jeng dok kurang rilo janih yau labik me-in sambai giải trí, ilamu, pablei salih... nan ye oh dui takai tuai dok veik lavik harei.

Langiu di bruk yaih khan, brei thau oh ka chuyên nghiệp, ye jalan mbak, cơ sở hạ tầng ka oh siam jeng lac makna ba tal bruk TN oh pachreih hu  dom urang buh jien tame ngak mbang gah du lịch. Kayua yau nan ye bo gah du lịch TN oh ka hu dom salih bahrau khang piah jeng gah ngak mbang praong yau jalan ba tabiak di tỉnh. Ong Trần Hữu Hậu, Akaok UB bhap bini ban sit Tây Ninh mboh lac: Thun 2000-2005 tỉnh tacei lac du lịch nan gah ngak mbang KT praong piah pataom tame đầu tư, min urak ini urang oh daok lac yau nan. Tiềm năng ye biak prong min oh tagok hu kayua oh pachreih hu urang buh jien tame ngak. Hu rilo makna min sa dalam dom makna prong nan lac jalan ngak piah pachreih urang buh jien tame. Biak di nyu lac TN oh ka hu bứt phá halei, urang đầu tư mai tal bloh tabiak nao..

Piah paglaong chất lượng du lịch, pachreih hu tuai damuai mai tal TN, gam song bruk padang ngak jalan mbak, cơ sở hạ tầng, anak tal, tỉnh brei patom tame iek prong bruk patagok dom tuyến du lịch praong, padang ngak du lịch ndung bak ilamu biak karei di tỉnh tui jalan du lịch tâm linh, về nguồn song du lịch sinh thái. Dom đơn vị  ngak mbang gah du lịch, lữ hành di tỉnh jeng hu panuac caong brei samara padang Hiệp hội du lịch tỉnh Tây Ninh piah dang tabiak padang angan du lịch, pambuak bruk saong dom tỉnh, ban tal dom labik mai rivang dalam tỉnh song peih bruk du lich tapa Cam-pu-chia song dom negar ASEAN karei karei, oh caik ka dom DN vak thei thei ngak yau urak ni. Ong Hồ Phước Đức- Giám đốc Công ty cổ phần lữ hành Tây Ninh ndom lac: Khin ka du lịch patagok  njauk hu rilo jalan ngak samu gauk. Ka sa nan lac patagok yaih bruk du lịch TN pak di dom labik pabah mbang negar. Urak ni Hiệp hội du lịch tỉnh jeng dok kuhria caga hu padang tagok piah ieu daa dom DN dalam tỉnh pataom mbaok tame, meng tuk ini drei brei samar padang ngak Hiệp hội nan piah ka dom DN ngak du lịchba gauk tame padang angan je TN, dok urak ni ban thei thei  ngak biak sit sot.

Tui kuhria meng ni tal thun 2020, TN hu patabiak angan dom dự án đầu tư pabak ka bruk patagok du lịch, peih tabiak jalan dak padang saong pachreih đầu tư, abih di nyu nan lac padang ngak cơ sở hạ tầng. Dalam nan pataom tame bruk padang ngak dom khu, cụm du lịch yau cụm ban sit Tây Ninh - ceik Bà Ðen, cụm Thiện Ngôn - Căn cứ Trung ương Cục miền Nam. Taphia di nan, hu panuac ieu daa dom urang đầu tư dalam song langiu negar piah  peih prong dom labik du lịch hu quy hoạch yau Khu du lịch Ma Thiên Lãnh - ceik Bà Ðen prong 96 hecta, atau binek Dầu Tiếng prong 800 hécta jeng pasak du lịch sinh thái, padeih padei, main sambai, thể thao. Suai livik. tỉnh jeng pamong tal bruk patagok du lịch, ba du lịch jeng gah ngak mbang KT praong dalam bruk patagok KTXH di tỉnh. Piah ngak hu bruk ni, gah du lịch TN dok rilo bruk njauk ngak./.