Pathau mikva saong taong abih gauk! Ninh Thuận lac tỉnh hu ralo bhap bini Chăm. Dom thun tapa, meng patagok siam ilamu palei nyu ngak jeng bruk jum pataom di bhap bini Chăm. Meng yaom glaong ilamu palei hu urang Chăm khik ramik meng dom saman ini mai daok patagok saong pambak praong dalam rai diuk harei ini; praong di abih lac dalam padang ngak palei pala barau meng rilo jalan ngak, hu mbaok di yaok but pajaih, yaok palei chăm. Minh Triều, urang pambuak bruk saong rayo sap ndom VN daok di tỉnh Ninh Thuận brei thau ka bruk ini:

Ninh Thuận hu 23 palei Chăm. Meng patagok siam dom yaom glaong ilamu palei bo mikva dalam dom palei chăm tuk halei jeng thau jum pataom, anit ranam daong ba gauk yam tagok dalam rai diuk; ba gauk khik ramik, ngak brei kaya meda jang ilamu meng kan dalam saman salih barau di taneh ia. Hu yau nan, dalam danak dak padang ngak palei pala barau di Ninh Thuận, hu 4 xã bhum urang chăm lac puk palei akaok meti di tỉnh ngak hu 19 tanut dalam danak dak padang ngak palei pala barau. Ong Thập Liên Trưởng, palei Văn Lâm, xã Phước Nam, huyen Thuận Nam, tinh Ninh Thuận lac:

Băng “Sap chăm”

Di palei chăm Hoài Ni, xã Phước Thái, huyện Ninh Phước, tuk hu bruk ngak jalan dalam palei nao tabiak hamu piah palagaih ka urang ngak nong nao mai, pajeng ba kaya nông ye gaok kan kandah praong kayua ralo sang bhap bini oh brei taneh peih praong jalan tui thiết kế. Lac akaok but pajaih Mú Tom, ông Lưu Văn Thính ba akaok nao dahlau halan hatian brei 80 mét taneh piah xã ngak jalan. Ong daok jak ba sang anek kamei saong dom baoh sang dalam but pajaih ngak tui. Mboh akaok but pajaih Mú Tom ngak kadul paga brei taneh ngak jalan, dom baoh sang dalam but pajaih jeng halan hatian yah paga, kaoh kayau, brei jaik 500 mét taneh ngak jalan. Ông Lưu Văn Thính – akaok but pajaih Mú Tom, xã Phước Thái, Ninh Phước, Ninh Thuận khan lac:

Băng tiếng Chăm:

Ngan saong bhap bini Chăm, bruk ba gauk tame padang ngak palei pala barau lac bruk praong hu makna jang hy sinh, bruk rik daong biak praong nan piah salih mek mbaok meta palei pala barau. Taong abih piah brei ka rai rah harei hadei hu sa XH siam mekre saong hadah hadai jang. Meng bruk kham merat nan, ralo but pajaih urang chăm hu padang adat di but pajaih, lagaih saong bruk paglaong rai diuk, khik ramik an ninh, trật tự di puk palei, ngak siam adat hukum, an toàn jalan mbak… Ngan saong dom baoh sang ngak siam hu pok meyaom anak but pajaih, cagar veik, urang halei ngak sung, abih di nyu nan lac ngak sung hukum ye njauk but pajaih kiểm điểm, kakei pato. Meyah ngak suan trak, ba tabiak karja palei langyah. Kayua yau nan ye, dom thun tapa, ralo but pajaih urang chăm oh hu urang halei ngak sung hukum, oh meriak gauk ngak srau kadau tal puk palei. Ong La Văn Bồng, but pajaih Mu Bhok, xã Phước Dân, huyen Ninh Phước, tinh Ninh Thuận daok brei thau lac:

 “Bang Sap Chăm”

Taphia bruk sangka di karja ka cơ sở hạ tầng, bruk jum pataom, khik ramik saong patagok ilamu palei, gam saong bruk ngak di dom but pajaih hu ngak brei salih barau mbaok meta dom palei chăm Ninh Thuận dak harei dak siam mekre, baoh sang kan kathaot trun daok 5,04%. Ong Lưu Nào, Phaok akaok Ủy ban Mặt trận negar Việt Nam tỉnh Ninh Thuận lac:

           “Meng bruk patagok siam ilamu palei saong bruk ngak di but pajaih hu gam saong karja ngak siam bruk padang huyện palei pala barau dalam tukvak tal”.

Ilamu palei di bhap bini dom bangsa VN meng dom saman ini mai hu urang chăm Ninh Thuận khik ramik saong patagok tapa dom rija roya saong dalam bruk dak padang, salih barau harei ini. Tapa nan, brei mboh bruk jum pataom, patagok pren diukrai khang kajap di urang chăm, rik daong tame bruk patagok di tỉnh Ninh Thuận. Dom palei chăm harei ini daok cuk tagok rup blah ao barau: jalan puk, jalan palei praong, siam, kinh tế patagok, rai diuk di bhap bini dak harei dak trei sil. Saong mikva, dom but pajaih dak thau khik ramik, patagok ilamu bangsa hadah krah, rik daong tame bruk patagok di ilamu VN./.