Bhum mik va bangsa takik dak harei dak patagok 

Tong yaom ka danak dak bruk ngak negar  patagok KT-XH bhum urang bangsa takik song bhum ceik vaktu 2021-2030 di mbang nyaom rajaei bilan 4 di harei 5/5/2020, ong Nguyễn Xuân Phúc – Thủ tướng dahlau daih ndom lac: “Thường vụ Quốc hội biak pachreih tui danak dak piah jeng sa danak dak bruk ngak negar bahrau ka urang bangsa takik. Sa bruk praong bo meng dahlau mai mbiah tal ni kol drei ka oh ngak hu”.

Bruk padang danak dak bruk ngak negar  patagok KT-XH bhum urang bangsa takik  song bhum ceik vaktu 2021-2030 lac jalan ngak prong, jalan ba tal peih ngak hu jayah dom bruk hu  Quốc hội pasang iek, brei ngak di sarak ka  88 harei 18/11/2019. Gam haong nan, danak dak meda rik dong siam piah patagok dom siam lagaih, pasiam dom tavak tavaiy, labaih - kurang dalam bruk bangsa song peih ngak sarak bangsa urak ni. Amuk Nguyễn Thị Kim Ngân, akaok QH dahlau daih ndom lac: buh jien tame ka bhum bangsa takik, bhum ceik lac buh jien tame ka patagok khang kajap, patagok prein khang, kein lagaih di bhum, padang jalan ngak, sarak ka bruk pataom pren khang, pachreih ba, tacei pato piah bhap bini bangsa takik kham merat yam tagok, pandar ilamu khoa học tame bruk pala drak song dalam rai duik, oh khin dok dalam eik lipa kan kathaot. Amuk Nguyễn Thị Kim Ngân, akaok QH dahlau daih ndom lac:

"Bruk patabiak sarak  hu asar kadha prong ni lac  1 bruk ngak njauk di Đảng, njauk hukum; njauk Hukum negar, patui jalan ngak tui panuac kakei di Wa Hồ ngan song bruk bangsa, abih di nyu nan lac bangsa takik daok di bhum ceik glong, bhum tapen negar, labik  căn cứ cách mạng, piah ka urang halei jeng hu lasei huak, hu aow cuk, urang halei jeng hu bac daa, yam takai khang kajap, piah ka bhum ceik tui samu bhum taneran , bhap bini dak harei dak hu rai duik trei sil  haniem phol".

Ủy ban bangsa lac jabat  hu rajaei brei bruk dang tabiak tui iek, song  ong  Hầu  A Lềnh, Uỷ viên Trung ương Đảng, Bộ trưởng, Chủ nhiệm Uỷ ban bangsa  hu Thủ tướng rajaei Phạm Minh Chính jao brei bruk lac  Phaok akaok mban Thường trực Mban tacei jalan Trung ương danak dak bruk ngak negar, patagok kinh tế-xã hội bhum urang bangsa takik song bhum ceik vaktu 2021-2030.

Ong Hầu A Lềnh, Bộ trưởng, Chủ nhiệm Uỷ ban bangsa  brei thau

  " Urak ni,Ủy ban bangsa dok pambuak bruk hong dom mintri, mban, ngành, jabat pagam tal piah padang dom văn bản, dom sarak  piah pok tagok Thủ tướng rajaei mbaoh tangin dalam tuk vak meng ni tal bilan 9/2021, kham merat dalam thun 2021 ni ngak salah tong abih dom sarak song dom harak tacei pato, padang hu jalan ngak yau gauk meng  Trung ương tal tỉnh ban, piah peih ngak danak dak ni hu siam lagaih"

Dom gah hu ramik veik di danak dak lac dom xã, palei, bhum urang bangsa takik song bhum ceik; boh sang, menuac urang bangsa takik, boh sang, menuac urang bangsa Kinh sang kan kathaot, jiak si kan kathaot dok di  xã, bhum biak kan kandah song doanh nghiệp, hợp tác xã, dom kapul kinh tế, xã hội ngak bruk di bhum biak kan kandah. Tuk vak peih ngak danak dak lac 10 thun (2021-2030), rabha jeng 2 tuk vak lac: 2021-2025 song 2026-2030. Abih tih phun jien peih ngak tuk vak 2021-2025 jiak 137.665 tỷ đồng. Tui bruk batabiak, danak dak ni hu peih ngak meng bilan 10/2021./.

Urang lang: Hanipha- 12/8