Hadei di ralo thun peih ngak, bruk pato sap saong akhar Chăm ka anek kamuan urang Chăm di dom sang bac tiểu học di tỉnh Ninh Thuận hu khik kajap. Yaok thun bac, hu yaok ribau anek saih hub ac sap saong akhan Chăm. Thun bac barau 2015 – 2016, Ninh Thuận hu 24 sang bac tiểu học dalam dom huyện Ninh Phước, Ninh Hải, Thuận Bắc peih pato sap saong akhan Chăm ka abih tih jaik 10.000 anek saih urang Chăm. Tapa tukvak peih pato sap saong akhan Chăm tal urak ini daok gaok ralo kan kandah, tavak tavaiy yau: tapuk bac sap Chăm hadei di rilo thun pandar, nyu lihik meneing, oh ginup ka dom anek adei tame bac hadei; tapuk puac them ka gru pato, anek saih oh ka hu atau hu biak takik. Urak ini tỉnh jeng daok 21 sang bac tiểu học daok kurang tapuk bac sap Chăm biak ralo. Yaok ribau anek saih njauk bac tapuk klak, giáo trình klak, taik tahak. Sa bruk njauk meyai nan lac, thun 2008, mintri pato megru tabiak bruk peih brei dom bộ tapuk bac sap Chăm oh mek jien. Min, tal urak ini, dom bộ tapuk ini jeng oh ka tal tangin dom adei anek saih. Gru Lưu Văn Đảo, akaok Jabat pato megru bangsa, sở pato megru tỉnh Ninh Thuận brei thau:

 “Sap Chăm”

Taphia bruk kurang tapuk bac sap Chăm ka anek saih, bruk peih ngak sarak ka gru pato sap saong akhar Chăm di dom sang bac bhum urang bangsa Chăm dalam tỉnh jeng oh ka hu sangka ngak samu gauk. Yau di huyện Ninh Hải saong huyện Thuận Bắc. Tui nan, huyện Ninh Hải lac 4 gru pato di 2 labik sang bac nan lac sang bac tiểu học An Nhơn saong sang bac tiểu học Phước Nhơn; huyện Thuận Bắc lac 3 gru pato di sang bac tiểu học Bỉnh Nghĩa… Bruk oh peih brei jien bilan tăng thêm ka gru pato sap Chăm dui atah meng thun 2013 tal urak ini, ngak suh sah oh takik ka dom gru pato. Gru pato Nguyễn Thị Tùng Long, sang Tiểu học Phước Nhơn, huyện Ninh Hải lac:

 “Sap Chăm”

 Jeng lac gru pato hu pato sap Chăm yau gru Nguyễn Thị Tùng Long, gru Hán Thị Kim Anh, gru pato sap Chăm tal 4  saong tal 5 sang bac Tiểu học Tân Đức, huyện Ninh Phước, tỉnh Ninh Thuận hu mbang tui sarak. Gru Kim Anh brei thau:  

 “Sap Chăm”

Dalam tuk nan, paka 9 nghị định 82/2010/NĐ-CP harei 15/7/2010 di rajaei hu tacei lac: gru pato (oh lac biên chế atau hợp đồng, kiêm nhiệm) pato sap bangsa takik hu ginup mong pato tui định mức, dalam nan hu pato sap bangsa takik meng 4 tiết sa adit tagok ngan saong gru pato; meng 2 tiết sa adit tagok ngan saong hiệu trưởng hu mbang phụ cấp trách nhiệm bruk ngak samu 0,3 duk saong yaom jien bilan tối thiểu chung langiu sarak phụ cấp karei tui quy định.

Meng dom kan kandah, tavak tavaiy yau urak ini, 24 labik sang bac tiểu học hu anek saih bangsa Chăm jeng yau kapul gru pato sap saong akhar Chăm dalam tỉnh Ninh Thuận biak caong hu bruk sangka di gah pato megru tỉnh, pabak tapuk pato sap Chăm; taphia di nan, samar hu jalan langyah dom sarak, phụ cấp ngan saong gru pato sap saong akhar Chăm, pabak bruk pato saong bac sap Chăm di dom sang bac tiểu học bhum urang Chăm dalam tỉnh./.