Patruh kathaot meng bruk pưt menyim mengkan

Pathau mikva saong grauk yut ! Khik ramik saong patagok bruk ngak mengkan, hu bruk daong di pasak daong pato bruk ngak pahla saong duah darak pasal ka dom pandap mengkan (Craft Link) di Hà Nội, adei saai bangsa Mông Lềnh daok di xã Chế Cu Nha, huyện bhum glaong Mù Cang Chải, tỉnh Yên Bái hu padang kapul pứt menyim pak di palei drei. Dom pandap pứt menyim mengkan oh lac pabak hatai caong di urang blei bo daok daong rilo adei sai kumei hu jien mek tame, patruh kathaot. Dalam tuk pahadar harei padang kapul LH urang kumei VN 20-10 saong bilan ngak ka urang kathaot, Chẻo Thu, urang vak di rayo sap ndom VN daok di bhum Tây Bắc hu kadha vak : .

           Saai Giàng Thị Mảy tame kapul pứt menyim di Chế Cu Nha meng tuk bahrau padang tal urak ini. Saai Mảy brei thau : meng dom pandap pứt di drei, saai saong rilo adei saai kumei dalam xã hu jien mek tame tani tanat, meng 500 rabau tal 3 triệu lime ratuh rabau đồng tagok, hu saai daok duah hu tal 5.000.000 đồng: “Tuk daok sit hu amuk saong amaik pato pứt. Meng tuk padang kapul pah menyim khan bai di urang kumei Mông di xã Chế Cu Nha, dahlak hu jien mek tame ka sang. Tapa nan, dahlak jeng hu pato veik ka dom anek, dom kamuan khik ramik bruk ngak mengkan di urang Mông drei”

Kapul pứt menyim di xã Chế Cu Nha padang tabiak meng thun 2009, urak ini hu jaik 40 urang. Piah dom pandap di kapul pứt hu nao tal tangin urang blei, langiu bruk daong di pasak daong pato bruk pahla Hà Nội, dalam pablei pandap, yaih khan pandap; kapul pứt daok pambuak bruk saong pasak pato bruk di huyện peih dom tan pato pứt khan bai, menyim khăn len ka adei saai kumei; hu mbaok tame dom nyaom darak di Hà Nội piah yaih khan pandap. Gam saong alamu hu blaoh meng bruk menyim pứt, dom hội viên tuk halei jeng roh duah, salih barau bingu la mẫu mã, meng nan bo trình độ pứt menyim di adei saai kumei dak harei dak glaong. Dom pandap pứt di adei saai biak mekre, hu dom sambo màu hadah, sup angaok nền sambo màu chàm, ngak jeng sa bản sắc karei di urang Mông Lềnh. Saai Hờ Thị Dê, chủ nhiệm kapul pứt brei thau  ‘meng thun 2009 padang kapul pứt menyim di urang kumei Mông saong 28 urang urak ini hu 37 urang. Meng harei hu kapul pứt menyim ini, rilo adei saai kumei dalam xã hu jien mek tame ka sang. Dom pandap meng kapul pứt hu rilo urang thau tal. Caong khin di kol dahlak lac hu sa sang praong piah ginup ka adei saai mai  pứt”

         Urak ini, langiu dom khan, ao mengkan di bangsa, dom urang dalam kapul pứt Chế Cu Nha ngak tabiak hu 20 janih pandap ye : ao patan, kadung, khan lang bhan, dom pandap lưu niệm meng khan bai… Dom pandap hu chat luong dak harei dak hu darak pasal, tuai du lich takre saong kapul ngak mbang hu laba piah khik bruk ngak mengkan. Akaok thun ini, kapul pứt brei dom hội viên nao pakacah pandap sáng tạo dự án patrun kathaot (WB) di tỉnh Yên Bái. Pandap di kapul mek hu giải nhất mbang pakacah, gam tui giải thưởng jaik 100 triệu đồng kuhria tabiak pandap lac mac jhik duh ka bruk ngak di kapul pứt.

Taong yaom ka bruk rik daong di kapul pứt di xã Chế Cu Nha dalam bruk patruh eik patrun kathaot saong khik ramik bruk ngak mengkan, amuk Trần Thị Nguyệt, phó akaok kapul urang kumei huyện Mù Cang Chải ndom lac : “kapul pứt menyim ini rik daong oh sit dalam bruk patagok jien mek tame, daong adei saai kumei tani tanat raidiuk. Bruk praong abih lac khik ramik ilimo bangsa Mông tapa bruk pứt ini. Anak tal, kol dahlak patagok bruk duah darak pasal, pambuak bruk saong rilo gah piah pablei pandap saong salih barau chất lượng pandap. Dang tabiak mesraiy phun jien piah daong adei saai kamei peih praong bruk ngak mbang pablei salih. Sangka dak padang, roh dauh patagok angan pứt menyim piah bruk ngak mengkan khik hu ilamu karei di bhum bhapbini bangsa Mông. Taphia nan lac ba tame hội rilo urang jang piah ba bruk ngak patagok jien mek tame ka adei saai kumei”.

Patagok bruk pứt menyim yau di xã Chế Cu Nha, huyện bhum glaong Mù Cang Chải, tỉnh Yên Bái oh lac khik hu bruk ngak mengkan di bangsa bo daok daong ka bhapbini patruh eik patrun kathaot, meda ngak kaya meda. /.