Gam song taneh ia, tỉnh BRVT dok kham merat peih ngak sarak TƯ 4 ka “Dom kadha njauk ngak chip ka bruk padang Đảng” tal dom pakat ủy đảng dalam tỉnh. Kadha vak di urang pambuak bruk Thu Hà hu kadha vak khan ka bruk ni.

Tal urak ni, tong abih dom kapul cơ sở đảng di tỉnh BRVT hu peih ngak bloh bruk phê song tự phê ka kapul nyaom song dom menuac urang. Meng bruk ngak ni, dom đơn vị, dom palei di Đảng bộ tỉnh dok pataom tame ngak dom jalan pasiam veik dom tavak tavaiy, dom kurang labaih tui jalan kham merat glong di abih. Di đảng bộ dom puk palei, dalam dom jalan ngak hu ba tabiak, tagok hu rilo kadha hu pagam tal rai duik mbang ngui, đầu tư patagok, bruk khik ramik taneh riya, bruk padang ngak, patagok ilamu dom urang jakar dok ngak bruk dalam karja song jalan chính trị. Bruk quy hoạch, pato pakai, brei bruk pandar urang jakar song langyah dom urang jakar, urang đảng ngak suan. Phó Bí thư tỉnh ủy Nguyễn Hồng Lĩnh ndom lac:

Bruk prong di abih nan lac hadei di tuk kiểm điểm bloh khol drei njauk ngak hagait?khaol drei mboh hu dom yếu kém dalam bruk tư tưởng chính trị, dom yếu kém dalam bruk urang jakar, dom yếu kém dalam bruk tacei jalan di urang dang akaok, patui bruk dân chủ ye urak ni jalan ngak piah pasiam dom yếu kém nan yau habar. Yaok pakat ủy đảng, yaok urang đảng, urang dang akaok njauk brei hu jalan ngak pasiam veik dom tavak tavaiy nan.

Bruk njauk menyai nan lac dalam mbang kiểm điểm mbang ni, pakat ủy karja rilo puk palei, đơn vị dalam tỉnh BRVT hu thau cambaih laih, palih ruah dom bruk ngak chip, ngak brei salih bahrau hadei di tuk kiểm điểm. Dom kadha dok kandong veik meng lavik mai mbiah tal harei ni di dom jabat, puk palei, đơn vị oh ka pataom tame langayah ye tapa bruk pasang iek hu ba tabiak langyah, ngak brei cambaih bruk ngak song pataom tame tacei ba, langyah meng dom bruk ngak ka tantu. Dom bruk chính trị prong di puk palei, đơn vị hu pataom tame ba jalan, tacei pato khang jang, kayua yau nan ye yaom lac dalam tuk vak kinh tế kan kandah, min dom tanut patagok kinh tế di tỉnh BRVT dalam thun 2013 jeng ngak hu salah song yam tapa tanut ba tabiak. Ong Phan Chiến, sa urang di ban sit Vũng Tàu, ndom lac: Bruk peih ngak sarak TƯ 4 phê song tự phê, hulin mboh lac bruk ngak biak prong dalam tukvak urak ni piah pacang song caga bruk tham nhũng, ngak kan kandah ka bhap bini, dom bruk ngak oh njauk song hatai sahaneng song jalan ngak di Đảng dalam tukvak Cách mạng urak ni.

Meng akaok sahaneng tal bruk ngak nan lac sa jalan nao brei kham merat di yaok urang jakar, urang đảng, abih di nyu nan lac ba akaok nao dahlau di dom urang dang akaok. Ong Lê Xuân Nội, Bí thư đảng ủy xã Tóc Tiên, huyện Tân Thành lac: Pasiam veik dom kurang labaih bo dahlau deih dok tavak, abih di nyu nan lac urang jakar dang akaok urak ni jeng hu pasiam veik song mbeik veik rup drei. Dalam tukvak tapa, tapa bruk kiểm điểm hu pakat angaok song bhap bini taong yaom glong tapa jalan ngak bruk bloh thực thi công vụ di dom urang jakar meng xã tal palei nan lac hu salih bahrau.

Mong tapak tame bruk ngak, ndom cambaih ka bruk ngak, oh vir vong, plaih nyaik song ba tabiak dom sarak, jalan ngak pasiam, nan lac hatai khin di pakat song kapul urang kajar, urang đảng tuk peih ngak sarak TƯ 4. Ong Bùi Văn Quan, phaok akaok mban pacang caga tham nhũng di tỉnh BRVT lac: Meng sarak ni, khaol hulin biak jia tame ala bruk tacei ba di đảng, abih di nyu nan lac tỉnh ủy hu peih ngak song tacei pato jalan ngak, tantu hu salih bahrau biak siam piah urang jakar, urang đảng paglong akaok sahaneng ka bruk tacei ba di drei, khang hatai langyah dom bruk lợi dụng chức quyền piah nhũng nhiễu. Song yau nan, khaol drei meda jia lac sarak TƯ 4 ni lac sa jalan ngak hacih saat kapul urang jakar, urang đảng, piah mek veik hatai jia di bhap bini./.