Pathau mikva…..! Dom harei ini 40 thun dahlau, dalam tuk bol bala drei pamaong mai Bei Gon peih paha gah meraong, jeng daok hu dom đơn vị nao angaok dom sruh gilai tabiak peih paha Trường Sa. Tui tacei pato sami samar di Quân ủy Trung ương saong Đại tướng Võ Nguyên Giáp, bol bala drei samar nao peih paha Trường Sa. Kadha vak di urang vak Thái Bình, daok di gah kreih negar brei thau ka bruk nan, da-a mikva saong taong abih gauk tui pang: 

Bilan 3/1975, bộ đội drei gam gam mek hu dom jayah praong di Tây Nguyên saong gah kreh negar. Dalam tuk nan, Quân ủy Trung ương kayua Đại tướng Võ Nguyên Giáp ngak Bí thư hu panuac tagok Bộ Chính trị brei peih paha dom baoh pulao angaok Biển Đông saong hu vak tame Sarak Bộ Chính trị harei 25/3/1975. Đại tướng Võ Nguyên Giáp jeng pandar Bộ Tổng Tham mưu saong Bộ Ngoại giao pabak tài liệu ka bruk tasik, pulao, tacei Cục Quân báo duah thau bruk quân lực Việt Nam Cộng hòa di Biển Đông piah hu jalan peih paha. Bruk angaok tasik hu jao ka Đoàn 125 pambuak bruk haong đoàn 126 - Đặc công ia di Hải quân saong Sư đoàn 2 bộ binh, Quân khu 5 ngak. Biar harei 11/4/1975, biên đội 3 gilai vận tải saong 2 kapan taong ikan giả trang tabiak tapak Trường Sa. Hadei di labaih 3 harei nao, gilai di drei hu ba Bộ đội Đặc công ia tagok pulao Song Tử Tây di harei 14/4.

Urang ngak lin dahlau deih nagan Bùi Ngọc Liêm khan lac, 40 thun dahlau, ong lac urang lin quân báo hu ba mai Đoàn 126 piah tagok gilai tabiak peih paha  Trường Sa. Ông Liêm hadar veik mbang taong di pulao Song Tử Tây, bộ đội gam taong tame, gam peih  loa brei thau lac rilo bhum dalam baoh taneh hu peih paha bloh, brei panuac ieu kol khik pulao yar tangin taduan lah. Nan ye mbang taong rah tabiak samar, takik metai lihik ka 2 gah: Nao tame lac suai, kayua tame meng xuồng cao su. Tuk kol nyu mboh kol drei, ye kol drei tame tal bloh, pacang cakak hu 4 mbaok di pulao. Kol nyu patuh phao, dom adei sa-ai di drei  bị thương. Tapa loa ieu kol nyu yar tangin taduan lah, kol nyu pang tui, oh daok patuh phao ra, yar tangin tabiak taduan lah

Dom harei hadei di nan, tuk dalam baoh taneh gam gam mek hu jayah praong ye di lingiu tasik, bol bala drei peih paha hu dom pulao dalam quần đảo Trường Sa yau: Sơn Ca, Nam Yết, Sinh Tồn, Trường Sa, An Bang… Tal harei 29/4/1975, hu 6 pulao kayau karja Bei Gon khik iek hu peih paha, hala dok di Mặt trận bangsa peih paha gah meraong negar VN par par angaok pulao Trường Sa di taneh ia. Ong Nguyễn Xuân Thùy, urang dahlau deih ngak lin tasik, Akaok mBan liên lạc Hội Bộ đội peih paha Trường Sa ye pakat angaok hu pandar dom đơn vị tác chiến brei khang hatai, drah samar, lagaih ye taong chip, taong ka nyu jayah: Bruk sami samar di Đảng drei, abih di nyu nan lac di Quân ủy Trung ương, di Đại tướng Võ Nguyên Giáp. Gheih di bih nan lac dalam tuk taong abih gauk daok pataom tame peih paha Bei Gon, min kol drei oh var bruk di lingiu pulao atah, palao sit, tok hu cuah mbong. Kol drei khik hu bhum taneh ginreih di taneh ia

Peih paha pulao tal labik halei, gilai drei samar ba menuac di Sư đoàn 2 bộ binh tabiak khik iek tal labik nan. Ong Ninh Khắc Vận, urang dahlau deih ngak lin Trung đoàn 38, Sư đoàn 2- Quân khu V brei thau, harei nan, drei khik iek 6 pulao, dalam kan kandah kayua kurang rilo janih, meng ia taba tal pandap mbang, menyum. Tal harei ini, hadei di 40 thun, dom urang dahlau deih ngak bol lin hu mbaok tame peih paha khik caga pulao hu mai veik Trường Sa jeng oh padauk hu bruk tự hào. Ong Ninh Khắc Vận mboh tatuak drei anak bruk salih bahrau di Trường Sa harei ini: Tuk kol dahlak tabiak khik iek, kurang rilo janih lô, 3 bilan camereip oh hu tiếp tế, kurang ia menyum, kurang brah mbang. Tal urak ini, hu baha, hu sang bac, hu labik ngak bruk oh karei hagait dalam baoh taneh)

Tal urak ini, huyện pulao Trường Sa, tỉnh Khánh Hòa hu 2 xã lac Song Tử Tây, Sinh Tồn saong ban sit Trường Sa. Rilo công trình dân sinh hu padang tagok khang kajap yau: Sang bac, bilai iek ruak, labik duh ka bruk ngak ikan…Di dom pulao atah, rilo baoh baha, rilo labik kakuh Wa Hồ, rup pataur  Trần Hưng Đạo, Đài Liệt sĩ… lac dom labik bhap bini angaok pulao bhian mai cuh glau pok bingu brei mboh hatai thau dar phor dom anh hùng bangsa saong dom urang ndih trun piah khik caga chủ quyền tasik, pulao di taneh ia. Ong Nguyễn Viết Thuân, akaok UBND huyện pulao Trường Sa, brei thau: Dom thun tapa, bhap bini dalam saong lingiu taneh ia hu ba tangin ba pren tame padang pulao Trường Sa dak harei dak khang kajap:Hadei di 40 thun hu bruk sangka di Đảng- Karja , di bhap bini dalam taneh ia saong urang VN daok di negar lingiu, dom chức sắc tôn giáo, tal harei ini huyện pulao Trường Sa hu salih bahrau biak rilo. Dom pulao urak ini jeng hu  hệ thống năng lượng hacih, jalan mbak, sang bac, sang daok di bhap bini khang kajap, pacang hu ngin riyak. Urak ini dom bilai iek ruak, lac labik daong ka urang taong ikan kol dahlak tabiak tasik hu livik harei

Ong Lê Thanh Quang, Bí thư Tỉnh ủy, akaok Hội đồng Bhap bini tỉnh Khánh Hòa ndom lac: Kol dahlak daok peih bruk ngak mbang kinh tế di bhum Trường Sa, dom gilai taong ikan di tasik atah, dịch vụ hậu cần bruk ngak ikan angaok pulao. Bhap bini angaok pulao saong urang taong ikan meng baoh taneh mai jeng ngak bruk di labik nan, hu ba ginup meda ka urang taong ikan daok angaok pulao jeng yau ka baoh taneh. Hệ thống chính trị ye kol drei padang ngak hu dak harei dak siam jang 

Abih labik dalam taneh ia tuk halei jeng pamaong tabiak Trường Sa anit ranam, sa binah taneh riya ginreih di taneh ia. Hadei di 40 thun yasa taneh ia, huyện pulao Trường Sa, tỉnh Khánh Hòa oh padeih praong, khang, brei mboh labik dang praong gah kinh tế, chính trị saong an ninh quốc phòng di taneh ia drei./.