Bruk rik dong ka urang gilac mai palei 

Phó Thủ tướng  Vũ Đức Đam, Kapol ngak bruk đặc biệt di Rajaei pacang caga Covid-19 hu ginum biai online saong 19 tỉnh, ban gah Meraong, dom tỉnh Tây Nguyên, Nam Trung Bộ di biar harei 28/9. Urang lambaok Ban raya HCM saong dom tỉnh:  Bình Dương, Đồng Nai, Long An caong khin taduan raok urang ngak di dom tỉnh, ban karei gilac veik ngak bruk; sanya khik an sinh xa hoi, klauk jru vaccine ka mikva saong samar pasiam veik bruk ngak,, ba bruk hit ngak mbang ka urang. Dom tỉnh, ban  likau Thủ tướng patui bruk peih ngak pasang iek bruk  nao mai di Ban raya HCM, Long An, Bình Dương, Đồng Nai haong tỉnh , ban karei yau urak ini. Dom urang njauk bruk khin nao mai brei hu daong pajeng ba tani tanat.

Pasak pasang iek ruak kik ban raya HCM brei thau; urang metai hadei di tuk klauk vaccine Pfizer min oh pambuak tal chất lượng vaccine ini. Dahlau di nan, di jala pandiak harei 28/9, Sở Y tế ban raya hu pato tacei brei padieh klauk vaccine di Pfizer lô FK0112 hadei di tuk 1 urang metai hadei di tuk klauk vaccine ini. Di mbang ginum biai Kapul urang ilamu di Sở Y tế, tui panuac brei thau camriep lac oh mboh bruk hagait pambuak tal chất lượng vaccine. Bier harei nan, Pasak pasang iek ruak kik hu pathau khan tal dom gah brei peih viek bruk pandar vaccine Pfizer. Tui kuhria tal urak ini, abih tih dom mbang vaccine ban raya hu klauk lac jaik 9 triệu 441 ribau.

Hadei di jaik 1 bilan ngak tui Sarak 15, di Bà Rịa - Vũng Tàu, dom urang birau njom ruak hu trun ralo. Tỉnh kuhria lac hadei harei 30/9, dom huyen, ban oh hu jit ruak brei peih ngak iek bruk dulich dalam dom khách sạn hu bruk duh ka tuai dalam nan, brei pacadu bruk nao mai. Ta-eng Ban Vũng Tàu meng 1/11 tal harei 31/12 meda brei peih dom khu, labik dulich, brei ka dom tour dulich taduan raok tuai damuai di ban min tuai brei klauk ginup jru vaccine. Bà Rịa-Vũng Tàu ba tabiak bruk lac meng harei 31/12/2021 hu taong abih urang ngak hu klauk sa 1 mbang jru saong 70% urang ngak dalam dom doanh nghiệp klauk ginup 2 mbang jru.

Meng bruk hu dom urang njom  COVID-19 bahrau dalam rahra, Pasak pasang iek ruak kik Ninh Thuận daok peih bruk dut iek ka abih bhap bini mbuan njom glaong, urang lambaok ka baoh sang di bhum mbuan njom glaong saong bier di ban Phan Rang-Tháp Chàm saong huyện Ninh Phước. UBND tỉnh tacei pato  UBND huyện Ninh Hải saong ban Phan Rang – Tháp Chàm peih bruk pacang veik, dut iek ka dom urang taong ikan, urang pablei salih saong dom urang hu mbaok bgak bruk di pabah lamnge ikan Ninh Chữ.

Di Bình Thuận, dalam 2 harei 27/9 saong 28/9 hu yaok pluh urang birau njom ruak di TP. Phan Thiết tapa duk iek ruak dalam bhap bini. Gah chức năng duah pataom, ba nao daok karei di labik 133F1. Anak bruk srau kadau di jit ruak, UB bhap bini TP. Phan Thiết brei pacang veik taong abih Labik tapen tasik Phan Thiết saong dom labik jiak nan. Gam haong nan, brei hu jalan khik iek urang ngak dalam labik tapen tasik, padang labik karei ka dom urang peih radaih tame tabiak tapen tasik pajeng ba pandap panda, samar ba tabiak jalan dut iek ruak ka abih bhap bini di bhum mbuan tamuh jit ruak.  Tiếp theo là phần tin thế giới:

Nga hu urang metai kayua COVID-19 dalam harei 28/9 di tanut glaong di abih dut saong adit dahlau lac 852 urang. Bilan laar – lac bilan mbuan tamuh jit ruak suh laar nan lac makna ngak ka dom urang njom tagok glaong di Nga. Piah pacang caga haong bruk njom mbak di jit,  Nga hu ngak catang adat pandar cuh pataik pacang mbaok saong jhul samar bruk klauk jru. Labaih 40 triệu urang Nga dalam nan hu 146 triệu bhap bini hu klauk vaccine caga COVID-19, bruk ini hu peih tabiak biak suai jang dut saong dom taneh ia daok cak rok patagok karei.

Mentri Jien padai Mỹ birau hu panuac pahadar Quoc hoi taneh ia ini lac daok oh ka tal 3 adit tra piah langyah jien sre karja daok tal tuk bayar saong plaik njiak bruk kan kandah kinh te jaik rah tabiak. Mentri Jien padai Mỹ kuhria mboh lac Gilang pariak meda abih jien meyah Quoc hoi oh hu bruk brei tagok jien sre karja, atau brei kadun tukvak bayar sre dahlau harei 18/10 tal. Mbiah tal tukvak ini, bruk nan daok gar tavak kayua dom đảng oh njauk gauk.

Gah Taliban di Afganistan brei thau lac meda brei tapa Hukum negar hu brei tapa bloh meng 57 thun dahlau, meng jaman patao puac di abih di taneh ia ini lac  Muhammad Zahir Shah. Dalam tuk nan, gah mbao chí dalam bhum brei thau Taliban daok kuhria pok tagok ngak dom urang ngoại giao di jabat lambaok di Pakistan. Tal tukvak ini, jaik 45 harei tapa meng di tuk Taliban mek quyen pasang iek taneh ia ini, ka oh hu taneh ia halei công nhận kanja bahrau di Afganistan./.

Urang lang: Thu Thảo -Ái Nghiêm -29/9