Bhum tasik xã Bãi Thơm, huyện Phú Quốc urak ni hu labaih 2.000ha mblang hareik tasik dok dalam bhum khik iek catang di labik khik ramik tasik Phú Quốc. Ni lac labik dok  di dom janih kaya ikan dalam ia, dalam nan hu dom janih động vật tasik quý hiếm yau kara kanduh tasik, abih di nyu nan lac Dugong urak ni tok hu di 2 bhum tasik Côn Đảo tỉnh Bà Rịa Vũng Tàu song Phú Quốc tỉnh Kiên Giang. Ni lac dom động vật dok dalam angan dom janih daok mbuan lihik abih. Piah khik ramik dom động vật tasik quý hiếm ni dalam tukvak tapa, xã Bãi Thơm hu pataom tame bruk pathau khan paglong akaok sahaneng ka bhap bini dok di labik nan hu trách nhiệm khik caga dom janih động vật tasik quý hiếm. Ong Lê Minh Trưởng, phaok akaok UB bhap bini xã Bãi Thơm brei thau: dalam bruk pathau khan ka bhap bini dalam palei jeng hu kakei urang tong ikan oh pandar dom janih pandap tong chap abih kaya ikan dalam labik khik ramik tasik.

Pathau khan ka tong abih bhap bini oh brei pandar dom janih tong chap ngak brei metai abih yau xung điện, pandar hóa chất tong tame dom rạn ikan. Saong oh brei gaiy cào đôi di dom labik karei tame tong chap bhum tasik di xã. Ngak yau habar piah khik hu bhum tasik di xã, khik hu kaya ikan saong gam khik caga dom janih động vật quý hiếm dalam tapuk bhong. 

Meng thun 2012 tal ni, Kapul khik caga động vật hoang dã War  hu mbaoh tangin tame harak pambuak bruk song mBan khik iek tasik Phú Quốc peih ngak dự án khik ramik dom động vật tasik quý hiếm dalam nan hu Dugong song kara kanduh tasik. Dalam tuk pambuak bruk, dua gah hu peih rilo jalan pathau khan paglaong akaok sahneng ka bhap bini piah khik caga dom janih động vật tasik quý hiếm,  pacang cakak bruk mbuan lihik abih. Ong Nguyễn Văn Thuấn, urang jakar Mban khik iek tasik Phú Quốc brei thau  ka dom bruk ngak ni.

 Langiu chuyên môn, Kapul War dok pambuak bruk saong dong phun jien ka mban khik iek tasik ni peih rilo bruk pathau khan paglong akaok sahaneng ka bhap bini. Urak ni jeng dok peih ngak 6 kalup kapul khik iek tasik di 6 kalup kapul khik iek di 6 sang bac dalam huyện Phú Quốc. Langiu bruk ngak bhian randap di dom kalup kapul ni, daok hu peih dom mbang diễu hành pathau khan khik caga Dugong saong saong kara kanduh tasik, pakacah cih rup cih, pakacah ilamu khik iek tasik.