Phú Quốc: Tự hào tasik pulao Việt Nam

Pamedeih hatai anit ranam tasik pulao ka dam dara

Saai Lê An Hữu Vinh, sinh viên thun puac sang bac Đại học kinh tế ban raya Hồ Chí Minh gam saong dom ayut di drei hu dom roh duah ka gah ngak sara di Can Gio saong bruk cakrok cảng tasik di Khanh Hoa. Urak ini, tapa dom mbang nao maong tapak di pulao, mboh dom kan kandah glaih glan di bhapbini, di urang lin pulao atah, saai ba abih hatai takre di drei tame bruk roh duah ini. Tuk mai tal Phú Quốc, saai brei thau hatai sahneng di drei yau ini : "Tuk yam takai tal pulao Phú Quốc dahlak mboh tasik pulao Biet Nam biak gheih mekre, rilo phong canh biak siam. Mbang ini mai Phu Quoc, kapul ban raya HCM ba mai dom bruk ngak, dom jalan ngak bahrau dalam bruk cakrok tasik pulao blaoh brei mboh hatai anit taneh ia, takre hoa binh saong hatai di sinh vien kham merat khik caga chu quyen. Tuk Trung Quoc padang gian khoan HD 981 di bhum tasik drei ngak pô ye mboh biak pandik hatai saong phan doi bruk ngak di Trung Quoc. Bruk mbang ini kol dahlak mai pulao Phú Quốc lac brei mboh hatung hatian di dam dara ban raya Ho chi Minh khang hatai khik caga toàn vẹn taneh ia palei negar.

Daok ayut Nguyễn Việt Trang, sinh viên thun puac sang bac đại học giao thông Hà Nội, lac urang daok ranaih njauk hu hatai dak padang taneh ia. Tui gah bac di drei, Trang caong khin rik daong pren yava di drei piah padang ngak dom jalan angaok pulao hu siam mekre jang piah nao mai hu mbuan lagaih jang : Mbang ini hu nao Phú Quốc dahlak mboh biak bui sambai, ini lac tuk piah kol dahlak hu thau saong lac tuk piah kol dahlak rik daong pren yava di drei, dom bruk sit sot piah dak padang tasik pulao negar dak harei dak khang kajap jang. Tapa mbang ini kol dahlak hu mboh cambaih dom kan kandah di dom saai chien sy saong bhapbini di pulao daok diuk yaok harei.

 Mai meng sang bac đại học Luật Hà Nội, Quách Thùy Trang, sinh viên thun 3 brei thau, dalam tukvak daok bac di sang bac, Trang saong rilo ayut karei hu bac saong roh duah rilo ka adat hukum dunya, abih di nyu nan lac công ước dunya ka hukum tasik. Yau nan ye, anak dom bruk daok rah tabiak di tasik, brei mboh bruk Trung Quốc oh huac di hagait ba gian khoan Hải Dương - 981 tame padang dalam bhum tasik di  Việt Nam lac suan Công ước dunya ka hukum tasik. Ndom ka trach nhiem di dam dara ngan saong bruk dak padang saong khik caga chu quyen tasik pulao di negar, sinh vien  Quách Thùy Trang lac : "Dahlak lac sa sinh vien, dahlak sahaneng lac sinh vien njauk hu trach nhiem dak padang taneh ia meng bruk kham merat bac megru; dua tra lac hu mbaok tame rilo danakdak piah cakrok tasik pulao. Pagap ye, kapul Ha Noi kol dahlak mai saong bruk pakacah tasik pulao ini hu ba mai jalan ngak piah pabak ia hacih saong ngak ar pacang riyak piah daong ka bhum tasik pulao cakrok kinh te.

Meng ilamu, meng naih gheih, dom sinh vien di grauk bhum palei dalam taneh ia daok brei mboh hatai anit taneh ia biak praong di drei. Yaom lac jalan ngak meda karei di gauk, min taong abih jeng brei mboh lac, dam dara Biet Nam daok rik daong pren yava di drei ngak ka bhapbini kaya meda, taneh ia khang kajap, xa hoi dan chu van minh. Brei mboh hatung hatian anit taneh ia, ranam hoa binh meng pren khang jum pataom, piah ka dom saai chien sy labik akaok riyak jhung ngin tuk halei jeng khang hatai, yam tapa kan kandah, glaih glan piah khik caga khang kajap bhum tasik, bhum lingik ginreih di taneh ia./.

          Thúy Linh