Dom phun padai praong tagok khang kajap di bhum taneh njom ia mbak. Mikva daok di bhum taneh Hồng Dân khan lac: Dahlau diah, ndih lipei jeng oh sahaneng mboh lac hu harei mblang hamu bilau bak phun tăng ini hu jeng mblang hamu padai tamuh siam hijao mekre yau harei ini. Ong Trần Quốc Dũng daok di palei Trèm Trẹm, ban sit Ngan Dừa brei thau:

“Dahlauk diah, bhum taneh ini njom likhun, ia mbak sa thun ngak hu sa mbang, padai tam drak njauk bilan, sa công hu 7- 8 ja, 9-10 ja, raidiuk kan kandah lo. Meng harei ba ilmau ky thuat birau tame ngak, hu pajaih padai thần nông, urak ini ngak sa công taneh hu 1 tấn, 1tấn 1. Urak ini, raidiuk mikva hu patagok, hu jien raong anek mbang bac, bruk ngak tani tanat. 

Oh caik meta maong bhap bini huyen drei kathaot rambah miat, dom urang ngak praong dang akaok di huyện Hồng Dân hu pambuak bruk saong Sang bac Đại học Cần Thơ roh duah ngak veik pajaih padai Hồng Dân, lac pajaih padai meng lavik mai hu ngak di dom labik taneh njom likhun, ia mbak takik dalam huyện; min padai oh hu hadaom, ruak kik halak halin rilo saong brah jeng oh bingi. Meng 4 kg padai hlai veik siam di thun 2010 brei asar brah pahe, bingi, laman, njar, brah chai siam jang dut saong pajaih padai mikva ngak dahlau di nan, huyện hu tacei pato urang nong ngak tabiak pajaih, tal harei ini, ngak hu labaih 20 ribau ha taneh njom likhun, njom mbak trak, langiu di nan, pajaih padai ini jeng hu daong ka urang nong dom tỉnh jiak taphia ngak hu 20 ribau hecta tra di dom bhum njom likhun, ia mbak.

Ong Võ Đăng  Ký- Phó giám đốc Pasak ngak iek saong jao brei ilamu công nghệ huyện Hồng Dân brei thau:

“ Tal tuk ini, khol dahlak daok ngak iek pajaih padai sỏi phá quang kỳ, tuk vak tamuh tal yuak abih meng 110 tal 120 harei. Tuk camereip, padai daok sit pajaih ini tamuh siam di taneh njom ia mbak meng 7 tal 8 angaok sa ribau, lagik hajan tathaiy lavik harei ia takik mbak  ye phun padai dak tuk dak randap ye tal tuk chroh nerang daok mbak labaih 5 angaok tha ribau ye phun padai tamuh biak siam”.

Ong Võ Văn Út – Bí thư huyện ủy Hồng Dân - lac urang tacei pato, ba jalan ngak  saong buh rilo prein yawa da-a dom urang ilamu nao duah pajaih padai birau mai ka mikva dalam huyện ngak, ong bui sambai khan lac: Thun blaoh, pajaih padai sỏi pala drak hu labaih 40 hecta. Thun ini, peih praong jang labaih 3 mbang, sumu 120 hecta saong anak tal 5 ribau hecta taneh klak bilau meng lavik mai kayua nyom ia mbak trak meda hu padai sambo hijao tamuh me-om bak. Ong Võ Văn Út daok brei thau lac: langiu bruk duah pajaih padai birau piah urang ngak angaok mblang hamu njom likhun, njom ia mbak di drei, 5 thun tapa dom urang dang akaok huyen Hồng Dân jeng kham ngak siam talei pambuak 4 gah piah daong urang nong ngak mbang pala drak.   

"Yau nan tapa jaik abih 5 thun, khol dahlak mboh lac bruk tacei pato di Ban chấp hành huyện ủy salih  janih phun pala athur raong, buh jien tame ngak mbang ba mai kein laba. Jalan tacei pato di huyen ủy ngak habar pambuak hu 4 gah nan lac: Urang nong, karja palei, pambuak saong urang ilamu piah paglaong phun pajaih, athur raong pambuak saong doanh nghiệp. Urak ini khol dahlak hu dua labik buh tabiak rilo jien. Ka sa nan lac padang ngak hu sang mac Vĩnh Lộc kayua Công ty Khik caga phun pala buh jien tame ngak 200 ribau tấn padai dalam sa thun daok perih tabiak ngak bruk hu dua thun ini mai, daok ba mai rilo siam lagaih nan lac blei abih padai di urang nong, saong công ty kadua nan lac Công ty lương thực Bạc Liêu buh jien tame padang ngak sang mac 100 ribau tấn dalam sa thun di huyen Hồng Dân peih tabiak ngak bruk hu 3 thun ini mai, njuak ndem lac, Hồng Dân langyah hu bruk kan kandah nan lac duah hu jalan pablei padai  dalam tuk drak pasar dunya daok srau kadau."

Jeng tui panuac di ong Võ Văn Út: Hồng Dân hu 8/9 xã biak kan kandah daok dalam danak dak 135. Thun camereip di nhiệm kỳ, dalam huyen daok hu labaih 19% baoh sang kan kathaot min mbiah tal harei ini trun daok ala 5%. Hu siam lagaih yau nan, mai meng hu bruk jum pataom, pambuak gauk, kham merat di Ndang bộ, karja palei dalam tacei ba jalan jeng yau bruk kham merat di mikva urang nong dalam huyện  caong khin yam tagok ngak kaya meda di bhum taneh njom likhun, ia mbak./