Pacit daa Pô Hùng – rija Đền Hùng thun anek sak saih 2014 hu rah tabiak dalam 5 harei (meng harei 5 tal harei 9/4, nan lac meng 6 bingun tal harei 10 bingun bilan 3 tui saka ia bulan). Rija piah pok meyaom dom yaom glaong ilamu samar  Pô Hùng; pathau khan, yaih khan inem krung “daoh Xoan di Phú Thọ” saong “adat kakuh Pô Hùng di Phú Thọ”, rik daong patagok yaom glaong di ilamu VN dalam rai diuk bhap bini bangsa.

Pa-uan harei pacit daa Pô Hùng praong prang ini, kadha dom bangsa adei saai harei ini, kol dahlak likau payua tal mikva saong taong abih gauk sa dalikan pambuak tal labik inem krung sajarah dak rai Đền Hùng (Phú Thọ) tapa kadha vak “phun vạn tuế 800 thun umo di Đền Hùng).

Di labik inem krung sajarah dak rai Đền Hùng (Phú Thọ) hu sa  janih phun biak karei hu maong mboh bruk hu mbaok suai livik di bangsa. Nan lac phun vạn tuế anak pabah mbang baha Thiên Quang tapen Đền Hạ hu umo jaik 800 thun. Tiến sỹ Nguyễn Thị Tuyết Hạnh, phaok giám đốc labik inem krung sajarah dak rai Đền Hùng brei thau, tui maong mboh di dom urang bhian iek glang phun di labik inem krung, yaok dua thun phun vạn tuế ini tamuh sa dhar hala bahrau. Dalam nan,  thun camereip phun tabiak caduk, thun ka dua caduk jeng dhar hala. Tuk yaok dom dhar hala angaok phun ye phun vạn tuế ini hu umo jaik 800 thun. Tui blah mbia patau di baha Thiên Quang, baoh baha hu padang ngak meng samar patao Trần hu angan ieu lac “Viễn Sơn cổ tự”, tal abap 15 salih angan jeng “Thiên Quang thiền tự”. Tapa dom mbang ngak pasiam veik, baoh baha urak ini hu angan baha Thiên Quang.

Harei 19/9/1954, hadei di jayah Điện Biên phủ, Chủ tịch HCM hu mai rivang Đền Hùng. Gait hu daok ala halui phun vạn tuế anak pabak mbang baha Thiên Quang pang Đại đoàn quân Tiên phong pathau khan jalan taduan mek ban ine. Phun vạn tuế urak ini glaong labaih 5m, atah mbaok haluk jaik 1m meteh phun tamuh gilac dua dhar, daok dhar praong tamuh tapak tagok glaong. Đường kính phun vạn tuế labik gah ala thun praong jaik 35cm, đường kính labik jhung phun jaik 25cm, dua dhar hu đường kính phun jaik 20cm. Phun hu kanduh xù xì, tamuh rêu gah langiu. Labik jhung di 3 dhar jeng hu hala hijao that. Ala gol hu gilac sa phun sit barau tamuh meng gol praong. Bruk ini brei mboh phun jeng daok tamuh siam. Phun vạn tuế pala di labik kanyan trun tagok pabah mbang baha, phun ndia jaik 30 độ. Ralo urang ndom lac phun vạn tuế ini tamuh ndia saong kavong yau hình chữ S, dreih yau bản đồ Việt Nam, 3 dhar di phun yau ye 3 bhum di taneh ia hu hasa gol – nan lac taneh halau gha Pô Hùng. Phun vạn tuế hu umo praong di abih dalam dom janih phun di labik inem krung, hu maong mboh bruk pataom gauk di ilamu VN di labik taneh ginreih. Bruk khik caga, iek glang phun jeng daok hu labik inem krung sajarah dak rai Đền Hùng sangka piah ka phun vạn tuế daok miat miat, piah maong mboh ilamu meng kan “Menyum ia hadar tal halau ia”, bruk jum pataom bangsa saong bruk patagok siam mekre, ginup meda di taneh ia./.