Pathau mikva saong taong abih gauk!  

 Meng thun 1993, dom blai hải đăng hu padang tagok di pulao Trường Sa, bhum hu makna biak praong ka labik chiến lược, tiềm năng kinh tế, an ninh quốc phòng di taneh ia drei. Công ty khik caga siam mekre jalan tasik Biển Đông saong pulao kaoh di tổng công ty khik caga siam mrekre jalan tasik gah meraong hu brei bruk khik iek vận hành dom gom tasik ini. Piah khik ka dom ngọn hải đăng pulao Trường Sa tuk halei jeng hu hadah, tacei jalan dom gaiy gilai tasik nao mai hu siam mekre salamat nan lac bruk oh mbuan. Kadha vak di Hồng Hải, urang vak di rayo sap ndom VN daok di ban raya HCM brei thau ka bruk nan:      

Di kreh ngin khang, riyak praong, padang sa ngọn hải đăng lac bruk oh mbuan. Pandap panda, jamriak piah padang ngak saong khik ramik dom hải đăng jeng kayua kapal hải đăng 05 pajeng ba. Baoh kapal ini ngak bruk labaih 10 thun, tốc độ tok hu 6 hải lý sa tuk min urak ini jeng daok nao tasik. Ông Nguyễn  Đức Huy, akaok Jabat kế hoạch Công ty Khik caga siam mekre jalan tasik Biển Đông saong pulao kaoh, urang hu ralo thun pambuak saong dom blai hải đăng brei thau: 

 “Tuk langik tasik jhak ye bruk pajeng ba biak kan kandah, mbuan njauk bala. Yau tukvak padang hải đăng An Bang, kapal njauk daok langiu nan 3 bilan… Kurang hasit pandap ye kapal njauk talap veik Nha Trang mek pajeng tabiak ngak. Sa mbang pajeng ba saong ngak salah sa ngọn hải đăng abih jaik 2 bilan meteh tal 3 bilan”.

   Tal urak ini, angaok pulao Trường Sa hu 9 ngọn hải đăng, dalam nan hu 3 ngọn hải đăng hu padang ngak di 3 pulao chìm nan lac Đá Lát, Đá Tây saong Tiên nữ. Bruk padang dom blai hải đăng di pulao Trường Sa ngan saong gah hàng hải, jeng yau tổng công ty khik caga siam merkre jalan tasik gah meraong lac bruk kham merat praong dalam ruah duah jalan padang ngak cơ sở vật chất, abih di nyu nan lac kham merat dalam bruk padang kapul urang diuk hu, ngak bruk hu di labik ngan khang, riyak praong.  

Adei saai urang jakar, urang ngak hải đăng kham merat yam tapa kan kandah glaih glar, kurang vật chất, caik dalam hatai bruk uan sang, uan baoh taneh, uan gauk gar piah truac hadah hải đăng Trường Sa, hadah apui khik caga siam mekre ka jalan tasik pajeng ba praong di biển đông pambuak pagam Thái bình dương - Ấn Độ Dương, châu Âu – châu Á… Glaong jang di abih nan lac hadah chủ quyền, brei ka dunya thau lac: pulao tasik VN lac labik ini, oh hagait salih hu, yaom lac biển đông oh padeih riyak paoh. Ong Phạm Xuân Thạch, akaok blai hải đăng Tiên Nữ, huyện Trường Sa tỉnh Khánh Hòa lac:

     “Daok di lingiu ini adei saai kol dahlak pambuak saong bộ đội, meyah hu bruk hagaih rah tabiak ye adei saai kol dahlak halan hatian lac urang lin, barau ngak bruk bloh min meyah hu lệnh di jabat atau bộ đội ye adei saai kol dahlak halan hatian pan phao piah khik caga pulao saong tasik di taneh ia palei negar”.

Langiu bruk iek glang dom ngọn hải đăng, công ty daok khik kajap bruk báo hiệu hàng hải ka 21 pulao saong 33 labik pulao di bhum tasik Trường Sa. Dua bilan sa mbang, kapal Hải Đăng 05 pajeng ginup trang thiết bị, pandap mbang menyum tabiak brei ka adei saai di Trường Sa. Meng bilan 10 nao, tasik ngin khang riyak praong, ralo mbang kapal gaok ribuk njauk pataok veik mbang tết saong adei saai di trường Sa. Bruk duh hatai di abih nan lac tuk nao tal labik, gaok riyak praong, ngin khang oh ba pandap mbang menyum ka adei saai angaok pulao hu. Nan oh ka ndom tal bruk, kapal TQ daok pacang jalan, ngak kan kapal Hải đăng 05 angaok jalan nao ba pandap ka hải đăng Trường Sa.

  Langiu bruk kuhria ka vật chất ye bruk atah sang meng 9 tal 10 bilan piah khik iek angaok dom blai hải đăng atah bayah jeng lac sa thử thách praong ngan saong urang jakar, ujrang ngak hải đăng. Langiu bruk tani tanat rai diuk ka adei saai angaok dom pulao, công ty bhian pachreih ba piah adei saai sanang hatai ngak bruk. Ong Nguyễn Duy Hiết, Giám đốc Công ty khik caga siam mekre jalan tasik Biển Đông saong pulao kaoh lac:

  “Kol dahlak daok pok panuac likau karja brei ngak sa sruh kapal praong jang gac kayua kapal urak ini nyu klak, nyu sit oh lagaih ka bruk pajeng ba pandap ka adei saai langiu pulao Trường Sa. Pok panuac tagok mintri jalan mbak pajeng ba saong karja drei brei padang dom gom tasik angaok 21 pulao dalam pulao kaoh Trường Sa, urak ini daok 13 pulao tra oh ka hu gom, piah khik caga siam mekre bruk nao mai angaok tasik, brei mboh chủ quyền di taneh ia”.

Dalam tuk biển đông urak ini daok pandiak tagok kayua gah negar langiu hu dom bruk ngak sung hukum angaok tasik, bruk ngak hu siam dom  hải đăng pulao Trường Sa jeng lac asal praong dalam bruk ngak chính trị di tổng công ty khik caga siam mekre jalan tasik gah meraong. Nyu oh lac pabak hu bruk nao mai di jalan tasik bo daok rik daong brei thau chủ quyền taneh ia di VN. Ong Phạm Quốc Súy, Tổng Giám đốc Tổng Công ty khik caga siam mekre jalan tasik gah meraong brei thau:

  “Tổng công ty jeng pataom tame ngak ka labik Trường Sa, peih tabiak jalan siam mekre ka bruk nao mai angaok tasik ka khu vực, taphia di nan peih ngak dom nghĩa vụ, quyền saong chủ quyền di sa taneh ia hu tasik; gam saong dom gah yau lin tasik, dom gah karei piah khik caga taneh ia tuk cần thiết”.

 Anak meta, langiu bruk pandar dom ilamu kĩ thuật paglaong chất lượng dom baoh hải đăng, Tổng Công ty khik caga siam mekre jalan tasik gah meraong daok oh padeih pakhang saong pasiam kapul urang jakar, urang ngak hải đăng khang hatai jai, hu ilamu nghiệp vụ glaong. Taong abih janih jeng piah ka hải đăng Trường Sa tuk halei jeng hadah tanyak, rik daong brei thau chủ quyền taneh ia angaok biển đông./.