Rilo doanh nghiep brei mesraiy hu phun jien piah peih ngak veik 

Anak meta mboh lac, kayua harak gar mesraiy jien meng gilang pariak kan kandah ngak ka rilo doanh nghiệp mbiah song sit, doanh nghiệp biak sit njauk duah phun jien meng jalan karei. Doanh nghiệp padang mbang ngui dak kan kandah jang tuk rilo po doanh nghiệp oh ka pataom hu ginup drap ar piah khik bruk ngak mbiah tal tuk hu laba. Cty Cổ phần Công nghệ ShopNow lac sa labik hadah tuk ngak bruk haong hasit phun jien di drei, oh hu drap ar praong. Saai Mã Văn Long, Yam ndoc ShopNow brei thau, ngan song dom doanh nghiệp padang mbang ngui ye drap ar prong abih lac urang ngak song jalan ngak mbang. Nan ye, hadei di jit ruak,saai Long cong khin lac meda mesraiy hu phun jien di gilang pariak song dom kadung jien padang mbang ngui meng jalan mesraiy karei karei:

“Mesraiy phun jien ngan song hulin gaok biak rilo kan kandah, kayua urak ni dom kadung jien brei mesraiy bhian iek tui dom bruk pablei salih piah tong yaom doanh nghiệp ngak mbang yau habar dalam takik di abih 6 bilan mai veik. Hadei di tuk jit ruak dui atah ye bruk ngak mbang di hulin dang sa labik, jien mek tame oh pabak ginup.”

Tui dom urang ilamu gah kinh tế, dahlau di tuk mesraiy hu phun jien di gilang pariak , doanh nghiệp brei javap jalei cambaih laih dom panuac tangi sua yau: Khin mesraiy hadom? Mesraiy piah ngak gait? Doanh nghiệp khin mesraiy dalam tukvak hadom? Hu Jalan ngak halei piah khik hu bruk bayar sraiy? Kayua anak meta hu oh takik doanh nghiệp urak ni tuk khin mesraiy ye caga harak gar nao mesraiy saong khin sraiy hu chip, bo gilang pariak brei hu tuk vak piah taong yaom, langyah harak gar.

Ong Mai Quốc Thịnh, chuyên gia tư vấn jien ndua doanh nghiệp brei thau, gilang pariak jeng lac labik ngak mbang nan ye brei tong yaom palih ruah tuai damuai tui jprein khang, tui bruk pablei salih di tuai damuai. Bruk ba tabiak lac doanh nghiệp brei eng drei tong yaom hu pren khang song caga harak gar siam di abih :

“Dom bruk suan bo doanh nghiệp bhian gaok lac kurang kuhria caga, takik padang jalan phun jien meng tuk camereip . Hu tuk doanh nghiệp mesraiy ka bruk ni, min pandar ka bruk karei, abih di nyu nan lac tuk mesraiy takik tuk vak ,min pandar ka tukvak mbiah song atah. Nan ye dom doanh nghiệp njauk paglong pren khang khik ramik jien ndua. Abih di nyu nan lac cambaih laih dalam bruk pandar phun jien"

        Ong Nguyễn Văn Hiệp, gru pato di danak dak pachreih patagok salih bahrau song paglong pren pambuak gauk di doanh nghiệp sit song mbiah ye ndom lac, jalan mesraiy phun jien oh pacang veik song dom doanh nghiệp kurang drap ar meyah doanh nghiệp brei mboh hu angan je tapa tuk vak ngak bruk, dom gah pambuak bruk saong dom harak pambuak bruk praong di anak tal  .0:

  Muk Lê Thị Kim Xuân, Akaok Jabat lambaok Hiệp hội gilang pariak Việt Nam di ban raya.HCM brei thau, njauk caik meta maong di labik gilang pariak jeng lac doanh nghiệp, pandar phun jien nao mesraiy piah brei mesraiy, meng nan ba gauk lang talaih kan kandah. Anak meta , gah gilang pariak brei peih dom jalan ngak, dalam nan hu dong pok jien mesraiy, trun yaom laba. Muk Kim Xuân lac:

       “Dom gilang pariak jeng njauk gauk lac trun jien laba ka doanh nghiệp. Tui jalan ngak lac mong tame phun jien saong sarak brei mesraiy di dom gilang pariak. Jien laba trun jeng dong ka njauk tuai damuai dok gaok kan kandah, doanh nghiệp hu đơn hàng gaok kan kandah tapak kayua jit COVID-19. Dom gilang pariak ngak yau habar peih sarak dong cambaih laih, mek meng kadung jien caga khat lahik piah khik siam mekre salamad ka gilang pariak ”

Cambaih laih, meyah doanh nghiệp brei mboh hu bruk ngak mbang trun lac kayua dom bruk meng gah lingiu yau jit ruak, saong padang hu jalan ngak mbang siam ye meda mesraiy hu dom pok jien. Min, ngan saong rilo doanh nghiệp sit song mbiah, khin ngak hu yau nan, brei hu bruk dong meng dom jabat karja, tỉnh ban, piah paglaong prein khik ramik jien ndua, pasiam veik bruk ngak mbang, pablei salih./.

Urang lang: Hanipha - 3/11