Bà Rịa - Vũng Tàu urak ini hu labaih 6.300 kapal, gilai taong cap kaya ikan, dalam nan hu labaih 2.500 sruh nao taong chap hu di kreh tasik atah. Piah paglaong kein laba bruk taong cap ikan di tasik, tukvak tapa, urang ngak ikan Bà Rịa - Vũng Tàu khang hatai buh jien tabiak ngak kapal barau hu caong suat praong, padang dom mo hinh pambuak bruk daong  gauk taong cap di kreh tasik atah. Abih di nyu nan lac, tuk Trung Quoc ba gian khoan Hải Dương 981 tame bhum tasik dii Việt Nam, rilo kapul nyaom jum pataom gauk tuk halei jeng khang hatai tabiak Hoang sa, Truong sa taong cap kaya ikan saong khik kajap chu quyen tasik pulao di negar. Kadha vak di Cao Thoa, urang vak daok di ban raya HCM brei thau ka bruk nan :

 30 thun ngak bruk nao tasik saong 7 gu kapal 14 sruh hu cong suat labaih 450 CV oh ka hu tuk halei ong Đỗ Ngọc Đức daok di xã Phước Tỉnh, huyện Long Điền, tỉnh Bà Rịa-Vũng Tàu kham merat nao tasik lavik harei yau urak ini. Padheih padhei hadei di mbang nao tasik, dom harei ini ong saong kapul kapal daok caga ka mbang nao livik harei di bhum tasik Truong Sa. Kayua ong sahaneng lac, anit taneh ia njauk kak pagam saong mblang tasik di drei :” Lac urang Việt Nam thei jeng anit taneh ia. Dahlak tut angan nao. Gah HTX Quyết Thắng 2 gu kapal, dahlak sa gu saong ong Nguyễn Văn Mạnh sa gu. Dahlak pachreih ba, ieu pataom menuac caga tabiak Trường Sa”

Bruk daok ngak ka urang ngak ikan Phước Tỉnh saong urang ngak ikan Bà Rịa-Vũng Tàu mboh sahanang hatai, chreih chrai tuk tabiak tasik atah nan lac tukvak tapa, karja palei abih hatai sangka tal mikva yau: daong brei mesraiy jien piah ngak kapal, gilai barau saong padang rilo kapul, nyaom taong cap angaok tasik, daong urang ngak iakan taong cap hu kein laba jang. Tal tukvak ini, dalam tinh padang hu 75 kapul jum pataom angaok tasik ngan saong 441 kapal ikan saong labaih 500 urang. Dom kapul hu daong gauk tabiak tasik livik harei, khan brei ka gauk thau labik hu ikan piah taong cap, salih gauk pajeng ba ikan tame pablei, patak pataom hu xăng menyek; samal daong gauk tuk jamriak kapal khut atau daong gauk tuk gaok kapal taneh ia langiu nyu pacang cakak. Ông Nguyễn Văn Mạnh, urang ngak ikan di cảng ikan Phước Tỉnh brei thau :“Dahlau deih oh pambuak bruk saong gauk ye nao oh tapa 1 bilan. Nao 20 tal 30 harei lac ikan nyu bruk samar nduac mai sang. Daok urak ini pambuak bruk, nao lavik hadom jeng hu, abih ikan meng mai sang. Ikan hu hadom ye payua ghe dalam kapul ba mai sang”

5 thun tapa, tỉnh Bà Rịa-Vũng Tàu hu daong ka urang ngak ikan labaih 25 tỷ đồng jien xăng menyek, bảo hiểm kapal, bao hiem bala ka urang nao kapal; brei pandap, jamriak pambuak pagam ve tinh yaom labaih 500 triệu đồng. Meng nan, urang ngak ikan sahanang hatai nao tasik saong kaya ikan taong cap di kreh tasik atah dak harei dak rilo. Kuhria dalam 6 bilan akaok thun ini, kaya ikan dalam ia taong cap hu di tinh hu 145 rabau tấn, tagok 3,46% duk saong dom bilan ini thun dahlau.

Abih di nyu nan lac, tuk hu bruk rajaei  brei parabha pok jien daong 16.000 tỷ đồng gam saong bruk tabiak Nghị định ka dom sarak patagok kaya ikan dalam ia, dalam nan quy dinh sarak daong gah đầu tư, tín dung, bao hiem, sarak uu dai thue saong dom sarak karei piah pataok kaya ikan dalam ia, urang ngak ikan Bà Rịa-Vũng Tàu biak uan tabuan. Ngan saong dom urang ngak ikan caong ngak kapal barau taong cap kaya ikan di tasik atah saong kapal dich vu hau can kanduh thep, ini lac tukvak piah dom urang nan đầu tư ka bruk nao tasik bo lavik rai mai hu kak kajap. Tui urang ngak ikan pak ini, yaom ngak barau kapal kanduh thep glaong jang kapal kayau meng 50 tal 60%, jien menhek meda abih rilo jang, min kapal kanduh thep an toan jang saong suai lavik ba mai rilo kein laba kinh te jang. Ini lac sarak njauk hatai bhapbini. Ông Huỳnh Văn Dương – urang ngak ikan di xã Phước Hải, huyện Đất Đỏ brei thau :“ Mikva ngak ikan pak ini jeng caong karja daong piah ngak kapal praong tabiak tasik. Kapal pasei nyu siam, min ngak barau abih rilo jien, tok hu karja daong jien mikva meng ngak hu”

Akaok Sở ngak nong saong cakrok palei pala tinh Bà Rịa-Vũng Tàu jeng ye mikva urang ngak ikan daok sahaneng ka mẫu kapal kanduh pasei yau halei, ngư lưới cụ yau habal ka njauk, gam saong nan lac brei ramik pasiam cảng ikan, pabah tasik, kuac luong lach piah kapal tame tabiak…Kayua urak ini, rilo cang ikan di Bà Rịa-Vũng Tàu kapal kan tame tabiak. Ông Nguyễn Hữu Chung, Akaok jabat khik ramik kaya iakan dalam ia, So ngak nong saong cakork palei pala tinh Bà Rịa-Vũng Tàu ndom lac :“Sở hu ba mbuan lagaih ka mikva ngak ikan hu mesraiy pok jien ini. Tuk  mesraiy hu pok jien daong ini njauk ngak kapal siam ka mikva piah nao taong chap hu siam, lagaih. Tuk hu kapal praong ye brei hu dom cang ikan, dom dich vu hau can siam di abih piah pabak ka dom kapal ini"

Urang ngak ikan Bà Rịa-Vũng Tàu daok khang hatai tabiak tasik saong caong khin danakdak brei mesraiy uu dai, ngak kapal kanduh pasei taong cap di kreh tasik atah hu peih ngak njauk quy dinh. Hu yau nan meng khik caga hu siam mekre ka urang ngak ikan, daong ka urang ngak ikan gam paglaong kein laba meng bruk taong cap kaya ikan, gam rik daong khik caga chu quyen tasik pulao thieng lieng di taneh ia./.                             

                                                                                                     Thúy Linh