Di dom labik pilih ruah jeng hu khik paatah di gauk tuk taduan phieu, vak phieu saong buh phieu

89 labik buh phieu di dalam quận Cầu Giấy, ban ine Hà Nội tal tukvak ni jeng hu kuhria caga biak tani tanat, khik hu bruk pacang caga jit ruak. Di dom labik pilih ruah jeng hu ngak jalan nao ka nyu lanieng lanoi saong hu pato tacei cambaih laih ka cu tri buh phieu, khik paatah di gauk tuk taduan phieu, vak phieu saong buh phieu; cuk pataih pacang mbaok, rao tangin pametai anek ruak dahlau saong hadei di tuk buh phieu… muk Trần Thị Phương Hoa, Bí thư quận ủy, akaok mban pato tacei pilih ruah quận Cầu Giấy brei thau: langiu di bruk khik kajap dom adat pacang caga jit Covid-19 dalam tuk buh phieu, quận jeng hu kuhria caga cambaih laih haong yaok bruk mayah rahtabiak jit. Dalam nan, mayah hu labik njauk brei daok karei saong taong ruak Covid-19 ngan haong takik manuac, meda ba thung phiếu nao tal:“Ndom ka bruk y tế, khol dahlak hu caga jalan ngak pacang caga jit dalam tuk pilih ruah. Urak ni, dom labik pilih ruah hu bilik brei daok karei. Dom urang dalam kapul pilih ruah hu y tế quận pasram gah ilamo pacang caga jit ruak piah pato tacei cu tri tuk nao pilih ruah, khik salamat”.

Daok di ban raya HCM, Uy ban pilih ruah dalam ban ieu kakei rami ramik labik daok paatah di gauk, patakik bruk pataom rilo manuac; rami ramik manuac hu mbaok oh tapa 50% prein daok di hội trường peih bruk. Bruk njauk caik hatai nan lac, di Bắc Giang, labik daok tamuh jit ruak Covid-19 khang abih dalam taneh ia urak ni, meda oh peih pakak hu rilo manuac dalam harei pilih ruah; parabha sit cu tri jeng rilo mbang piah nao buh phieu tui maong, plaih pataom rilo manuac…

Ong Ngô Sách Thực, Phó akaok UBTWMT negar Việt Nam brei thau: dalam tukvak ni dom tinh, bal peih bruk pilih ruah dalam tuk tamuh jit Covid-19, ye bruk padang angan ngak harak cu tri di dom labik brei daok karei, labik taong ruak ka rilo manuac… njauk khik tani tanat dom bruk piah ka cu tri dalam labik ni hu nao pilih ruah:“Khol dahlak mboh tuk hu jit atau hu bruk hagait tamuh tabiak brei hu hu jalan kuhria caga dahlau biak cambaih laih, piah ka dom labik brei daok karei hu ba dom thùng phiếu mai. Jeng dalam sa labik buh phieu, dom angan cu tri dom labik dalam labik nan, bruk mek thung phiếu nao tal ngak habar gam pacang caga jit saong peih ngak hu quyen di rahra di dom labik brei daok karei”.

Piah khik Salamat ka cu tri hu mbaok tame harei roya di palei negar, Ủy ban pilih ruah hu rilo mbang ba tabiak dom pato tacei ka bruk pilih ruah. Bahrau di abih, dalam panuac pato tacei ka 684 harei 15/5, kapul pilih ruah pakat negar hu kakei lac, dalam tuk peih bruk pilih ruah njauk iek tui bruk lac hu rilo atau takik cu tri di yaok labik buh phieu saong ieu kakei pacang caga jit ruak Covid-19 di pak nan, Uy ban bhap bini pakat xã saong kapul pilih ruah padang ngak jalan, harei buh phieu piah parabha tukvak buh phieu di cu tri di yaok puk, palei, tổ dân phố, kapul dom baoh sang saong hu pathau khan ka cu tri di labik buh phieu, khik ka labik buh phieu dalam sa tukvak dalam harei pilih ruah oh pataom rilo manuac. Ngan haong cu tri lac urang njom Covid-19, akaok ỦB hukum di QH Hoàng Thanh Tùng brei thau:“Hukum negar tacei lac yaok rahra hu quyen pilih ruah brei hu vak angan cu tri piah nao pilih ruah. Kayua yau nan ye cu tri lac urang dương tính brei daok karei di sang atau di labik pataom rilo manuac ye karja jeng brei khik ka manuac nan hu vak angan tame harak cu tri. Ni lac bruk ngak di Ủy ban bhap bini pakat xã labik manuac nan daok atau labik daok karei khik ginup dom jalan langyah hu ngak quyen pilih ruah”.

Urak ini dom labik, dom tinh, bal dalam negar daok caga dom jalan ngak, pathau khan tal yaok baoh sang, yaok bhap bini ka bruk khik tani tanat panuac ieu kakei pacang caga jit tuk hu mbaok tame buh phieu saong jalan buh phieu dalam tuk hu jit ruak tamuh tabiak. Bruk ngak ini piah ka taong abih cu tri yaom lac daok di labik daok karei, atau daok taong ruak Covid-19, dom y - bác sỹ, dom kapul daok ngak bruk… jeng hu quyen nao pilih ruah. Taong abih dom bruk nan brei hu peih tabiak njauk haong hukum, khik Salamat dalam tuk biak sarau kadhau di jit Covid-19./.

Urang lang: Thu Thảo – 18/05