Pathau mikva saong taong abih gauk!

Pandar khak vi sinh buh ka phun pala oh caik veik dư lượng kháng sinh, ngak ka taneh tasoh. Karei jang dahlau daih, ralo doanh nghiệp VN nao blei tame khak vi sinh di negar langiu bloh ngak veik nan ye yaom kaom oh tani tanat, chất lượng oh siam, ye urak ini hu sa doanh nghiệp dalam taneh ia ngak tabiak hu khak vi sinh siam njauk tanut chuẩn. Dalam danak dak harei ini, daa mikva saong taong abih gauk pang bruk ndom meyai nao mai di urang vak di rayo sap ndom VN saong ong Lê Thanh Hải, Giám đốc công ty trách nhiệm hữu hạn Thanh Khải, labik ngak tabiak khak vi sinh, ka janih khak bahrau. Daa mikva saong taong abih gauk tui pang:

PV: Pathau ong, urak ini hu hatai sahneng ka janih khak barau, ong brei thau janih khak barau nyu siam jang yau habar duk saong khak thông thường?

Ong Lê Thanh Hải: janih khak barau angaok dunya hu pandar meng klau pak pluh thun ye. Nyu jeng pabak dom janih NPK brei ka phun pala min oh lac khak đơn tra bo lac tapa dom drei anek sit ieu lac vi sinh. Khak vi sinh nyu siam di labik lac oh caik veik dư lượng kháng sinh, saong ngak brei kaya nông tamuh siam njauk tui pajaih di nyu. Urak ini kaya nông di dom taneh ia meng pandar khak vi sinh nan ye oh hu kháng sinh, pagap yau kaya nong di Thái Lan, nan ye urang pablei tabiak hu grap labik di dunya.

PV: Ndom ka yaom phun jien, pandar khak vi sinh nyu yau habar duk saong khak thông thường, pathau ong?

Ong Lê Thanh Hải: Yaom phun jien oh glaong, pagap yau angaok sa ha, meyah pandar khak vi sinh ye yaom samu khak hóa học, min kein laba harei hadei ye sa ha pandar khak vi sinh nyu hu laba jang, kaya nông tagok meng 10 tal 30%. Ka dua, meyah pandar khak hóa học ye thun hadei brei pandar khak rilo jang, daok pandar khak vi sinh ye thun hadei nyu patrun patakik khak veik; yaom lap jang, saong sản lượng jeng hu rilo jang, meyah thun dahlau 10 tấn ye thun hadei hu 11 tấn.

PV: Urak ini karja saong dom doanh nghiệp padang ralo công ty, sang mac ngak khak hóa học biak praong, bruk pablei tabiak darak pasar di drei nyu gaok kan kandah hagait halei oh?

Ong Lê Thanh Hải: kan kandah camereip kayua bhian randap, ka dua lac pandap hu pabak ka xã hội halei oh? Urang pala drak oh khin salih barau bruk bhian randap, abih di nyu nan lac ngan saong urang nông kan kathaot, nan ye khin ngak hu bruk ini brei hu jalan ba tabiak di karja meng patagok hu, meyah sa urang saong sa bhum palei ye biak kan kandah.

PV: Hu dom công ty urak ini daok blei khak vi sinh di negar langiu mai, ong brei thau bruk karei gauk di khak công ty ong duk saong khak di dom công ty nhập khẩu karei?

Ong Lê Thanh Hải: urak ini công ty kol dahlak eng drei ngak tabiak anek pajaih, nan ye chủ động, tani tanat yaom kaom, klak bruk blei tame oh tani tanat, gaok tuk kayua tukvak blei tame dui atah kayua thông quan bhian ngak kan kandah tal anek pajaih. Kol dahlak eng drei pasang iek anek pajaih yaok harei. Nan ye yaom kaom di kol dahlak lap jang duk saong blei meng negar lingiu, saong tanut chuẩn yau kol dahlak hu ndom bloh. Pandap di kol dahlak hu kiểm nghiệm tapa thực tế, yau ngak iek angaok mblang hamu di urang nông daok di Vĩnh Thạnh Cần Thơ, tapa nan mboh nyu siam jang duk saong khak hóa học: halak halin takik, năng suất padai labaih 10 tấn sa ha, jien mek tame vụ nan hu 61 triệu đồng, laba hu 46 triệu đồng.

PV: likau ndua dhar phon ong.