Dom adei sit hu tame sang bac piah iek glang 

Jiak 2 bilan tapa, sang di muk  Hồ Thị Chào (dok di phường Nguyễn Cư Trinh, Quận 1, ban raya .HCM) daok bhian randap haong bruk hu sa urang lac adei Nguyễn Mộc Quế Anh (umo 9 thun). Quế Anh lac anek di urang daok jaik sang muk Chào, amaik di adei metai kayua COVID-19. Ame hu diuk karei, sang muk ngoại dok atah  nan ye meng sit  Quế Anh iek muk  Chào yau muk  ngoại di drei.a

Harei amaik di adei metai, kayua oh hu gauk gar halei dok jiak nan ye muk Chào ba adei mai sang drei iek glang, cang gauk gar mai taduan. Min, dom gauk gar di adei jeng hu rai duik kan kandah. Langiu di bruk hu dong bac daa tal tal bac  12, patuah tuk nan hu sa bác sĩ di ban raya .HCM hu gaok muk Chào brei panuac  gam dong pandap panda, iek glang piah ka adei hu bac daa tal labik tal dhua:

“Dahlak tok iek glang Quế Anh, dok dom bruk karei  bác sĩ meda dong brei. Meyah oh hu bác sĩ dong, tok brei ka nyu bac sa var min, kayua bac daok veik dahlak oh hu ginup jien. Dahlak kham dong ka nyu, kayua dahlak mboh anit ranam nyu lo.”

Lahik amaik, min hu bruk iek glang, dong ba di sang muk Chào hong rilo urang ngak pahla, adei umo  9 thun mboh chreih hatai jang. Mong mboh  Quế Anh kham merat yam tapa dom pandik harao, me-in sambai hong dom uranaih dalam palei, thei jeng uan tabuan ka adei.

Saai Trần Thị Kim Thu (umo 48 thun ) daok di quận 4, pasang metai kayua COVID-19, caik vei ka saai  3 urang anek dalam umo mbang bac. Dahlau deih, pasang saai ngak công nhân, dok saai pablei tạp hóa, jien duah hu jeng ginup mbang cai. Yaom lac taduan hu pok jien dong mbang ka 3 song dom anek dok bac hu dong jien bac, min jeng dok biak rilo janih jien karei saai brei kuhria. Saai Thu brei thau, dom anek di saai thau ka amaik, dong amaik ngak rilo bruk sang:

“Anak meta dahlak kuhria ginup var mbang yaok harei ka dom anek, harei hadei yau ahabr oh khin sahneng tal. Dahlak khin nao ngak, min  3 anek sit song  ong ngoại taha, nan ye dahlak oh ginup pren kuhria truh .”

Adei Mai Nguyễn Thúy Anh, anek kamei di saai Thu khan lac, meng hu bruk pachreih ba di gauk gar, di mik va jaik taphia song bruk dong di yaok urang, 4 amaik anek kham merat yam tapa pandik harao. Urak ni, bruk bac daa di 3 adei saai jeng gaok kan kandah kayua dalam sang tok hu sa máy tính. Anit ka amaik nan ye langiu di tuk bac, adei tangi sua ayut sahabah, likau harak tài liệu bac meng cei gru anai gru :

“Anak meta adei tok thau kham bac biak siam, piah hadei ini duah hu bruk ngak dong amaik. Dok harei hadei ye adei oh thau.”

Hadei di dom pandik harao lahik amaik, ame, dom adei uranaih metui  kayua  COVID-19 daok yam tapa kan kandah, pamong tal harei anak tal. Hu adei hu tani tanat raidiuk tapen dom gauk gar bahrau, hu adei sahneng tal bruk duah bruk ngak piah dong amaik, atau daong ame. Min, dom adei sit ni, brei hu bruk sangka dong di karja, dom mban, ngành, urang ngak pahla, piah hu sa harei hadei hadah hadai ./.

Urang lang: Hanipha- 6/12