Raong limo binai ba mai kein laba kinh te glaong

Ông Cà Văn Nằn lac kreih camin hadah dalam bruk urang nong pakacah gauk ngak mbang pablei salih naih joi di palei Ka Láp, xã Chiềng Ngần, ban sit Sơn La, tỉnh Sơn La. Dalam kadha “Kreih camin palei negar” harei ini, daa mikva saong grauk yut pang kadha vak  vak angaok harak bao Son La khan ka greih camin ngak kinh te naih joi ini :

 Thun 2012, sang ông Cà Văn Nằn tame danakdak raong limo binai di kapul urang nong ban sit Sơn La, tỉnh Sơn La. Meng 20 triệu đồng jien mesraiy di danakdak, ong pala hareik, ngak var raong, blei limo. Hadei di dua thun raong, ong hu 7 drei limo binai, sa thun limo menek 1 mbang, dom drei limo anek pablei hu 70 triệu đồng.

 Ong Nằn khan lac: raong limo lac mek pren ngak laba, oh abih rilo jien padai, nyu lagaih haong kadung jien di bhapbini. Dua tra veik, limo hu pren caga ruak glaong, takik njauk jit ruak, mbuan pablei. Camereip tame danakdak tuk bilan la-an nan ye gaok kan kandah gah kaya mbang, ky thuat, la-ar dui atah. Hu urang jakar kapul urang nong saong pachreih nong ban sit daong, ong ủ hareik metham ngak kaya mbang ka limo; pacang la ar, pabak kaya mbang hu tapung piah limo hu pren caga la-ar nan ye oh gaok khat lahik. 

 Langiu di nan, ong  Nằn daok hu pala 3 ha cà phê, 2 ha tangei pala pablak haong ritak tương, yaok thun jien mek tame hu 300 triệu đồng.

 Ông Tòng Văn Toán, akaok palei Ka Láp, xã Chiềng Ngần, ban sit  Sơn La, tỉnh Sơn La taong yaom: oh lac cakrok kinh te, ong Nằn daok hu mbaok tame dom bruk xã hội, daong ka dom sang kan kandah, bhian ginum biai, klah rabha alamu saong mikva dalam palei, nao dahlau dalam bruk pacang caga ma tuy, khik caga an ninh trật tự di palei ./.

Thúy Linh